¹ Yaweh aishile kulanda kuli Mose. Atile ati, ² ''Landa ku bantu bakwa Israeli. Ulande kuli bo, 'Uluntu umwaume nangula na mayo aipatulako umwine kuli Yaweh ne cilayo icakuibela ica bu Nasiri, ena afwile ukuilama umwien ukufuma ku mwangashi elo na kufyakunwa ifikola. ³ ena tafwile ukunwa ifya kantuka ifya pangwa ukufuma ku mwangashi nangula ukufuma kufyakunwa ifikola. Ena tafwile anwa fyonse ifya pangwa ku fisabo fya mwangashi nangula ukulya ifisabo ifibishi nagula ifya ku kanika. ⁴ Munshiku shonse ishakuipatula kuli nebo, ena tafwile alya nangu fimo ifyapangwa ukufuma kumwangashi, ukubikapofye ifintu fyonse ofyapangwa ukufumafye kumbuto ukufikafye na kumapapa ya shiko. ⁵ Ukutampa kwa nshiku shonse ukwakulekana kwa cilayo caakwe, takuli ulwembe ulukabomfiwa ku mutwe wakwe mpaka inshiku shakupatulwa kwakwe kuli Yaweh shifikilishiwe. Ena afwile ukuba uwaishisha kuli Yaweh. Afwile ukuleka umushishi ukukula uutali ku mutwe wakwe. ⁶ Ukutampa kwa nshita yonse ukuti ena aipatuleko umwine kuli Yaweh, ena tfwile ukupalama mupepi ne citumbi. ⁷ Pantu ena tafwile uwileko kuli Lesa, ngefyo uuli onse kuti abona ku mushishi wakuipanga umwine uwakukowela nelyo niba wishi bakwe, nyina, ndume, nangula nkshi yakwe, bena nga bafwa. Pa mulandu wa ifi ena aliipatulatwileko kuli Lesa, ngefyo uuli onse kuti abona kumushishi wakwe uutali. ⁸ Munshita shonse ishakupatulwa kwakwe ena akaba uwa mushilo, ku kusungwa kuli Yaweh. ⁹ Nga umuntu umo apumikishiwa ukufwa lubali na ye no kukowesha ukushishiwa kwa mutwe wakwe, eluntu ena afwile ukubeya umutwe wakwe pa bushiku bakusangululwa kwakwe-- pa bushiku bwalenga cine lubali ena afwile ukubeya umushishi. ¹⁰ Pabushiku bwalenga cine konsekonse ena afwile ukuleta inkunda shibili nangula utwana twa fipele tubili kuli shimapeo ku mwinshi wa cikulwa ca kukumaninamo. ¹¹ Shimapepo afwile ukutula icuni cimo nga cabupe capa lubembu na cimbi nge ca bupe cakoca. Pantu ifi efya kufuta kuli yee pantu ena alibembukile pakuba mupepi ne citumbi. Ena afwiel ukuti ashishe umutwe wakwe na kambi pa bushiku bulya. ¹² Ena afwile ukuishisha umwine kuli Yaweh munahiku shakushishiwa shakwe. Afwile ukuleta akana ka mpanga akalume akali no mwaka umo nge ca bupe cakuishinina. Munshiku shilya ilyo talaikowesha umwine tashifwile ukupendwa, pantu ukushishiwa kwakwe kwalikowelele. ¹³ Ili efunde lya palwa mu Nasiri ukuti uluntu inshita yakupatulwa kwakwe yapwilika. Alingile ukumuleta ku mwinshi we tenti lya kukumaninapo. ¹⁴ Ena afwile ukupela ica bupe cakwe kuli Yaweh. Afwile atula akana ka mpanga akalume akali no mwaka umo nge ca bupe capa lubembu elo iyakubulamo akabi. Afwile aleta sukusuku nge ca bupe ce senge icakubulamo akabi. ¹⁵ Afwile aleta nakabili umuseke wa mukate uwapangwa ukwabula icitutumushi, imikate iya bunga bwa peleka iya sankanamo namafuta, utupapatu twa mikate utwakubula icitutumushi utwa kusubwako namafuta, pamo ne cabupe ca ng'ano ne fya bupe fya kunwa. ¹⁶ Shimapepo afwile ukufilanga ku cinso cakwa Yaweh. Ena afwile atula ica bupe calubembu ne cabupe cakoca. ¹⁷ Na kumuseke wa mukate uutatutumuka, ena afwile ukulonga sukusuku nge ce lembo, icabupe ce senge kuli Yaweh. Shimapepo nakabili afwile ukuleta ica bupe ce ngano ne cabupe ca mwangashi. ¹⁸ Umunasiri afwile ukubeya umutwe wakwe kukulangilila ukupatulwa kwakwe kuli Lesa pa mwinshi kwi tenti lya kukumaninapo. Afwile apita imishishi iyi fumine ku mutwe wakwe no kuibika pa mulilo uyo uuli panshi ya bulambo bwa cabupe ce senge. ¹⁹ Shimapepo afwile apita ukuboko kwakwa sukusuku ukwa kwipikwa, umukate umo uwakubulamo icitutumushi ukufumya mu museke, na kapapatu kamo umwakubula icitutumushi. Afwile ukufibika kuli bo mu minwe yaba Nasiri panuma yakubeya umutwe wakwe pakulangilila ukupatulwa kwakwe. ²⁰ Shimapepo afwile akafitule nge fya bupe ku cinso cakwa Yaweh, pantu ca mushilo iciputulwa kuli shimapepo, pamo ne bele ilyo ilyatambikwa ne tanta ilya kulanga kuli shimapepo. Panuma yaifyo, umu Nasiri kuti anwa umwangashi. ²¹ Pantu ili efunde lyaku mu Nasiri uyo uwalapa icabupe cakwe kuli Yaweh pa kupatulwa kwakwe. Nangufye conse ico engapela, ena afwile ukulama ifyo engasanga mu cilapi ico ena apitile, ku kulama icilayo ici lelangilila kwifunde lyabu Nasiri.''' ²² Nakabili Yaweh aishile kulanda kuli Mose. Atile ati, ²³ ''Landa kuli Aaron na kubana bakwe abaume. Landa ati, 'Mwebo mufwile ukupala abantu bakwa Israeli muli uyu musango. Mufwile mwalanda kuli bo, ²⁴ 'Lekeni Yaweh amipale no kumisunga mwebo ²⁵ Lekeni yaweh alenge icinso cakwa ukubeka kuli mwebo elo abe uwakusenaminwa kuli mwebo. ²⁶ Lekeni Yaweh abone pali mwebo ne palo elo amipe umutende.''' ²⁷ Cili muli uyu musango ukuti bena bafwile ukupa ishina lyandi ku bangtu bakea Israeli. Eluntu nebo nkabapala.