¹ Ipepo lya kwa Habakkuk kasesema: ² Yahweh, Ndyumfwile ilyashi lyenu, kabili ndi tinine. Yahweh, tutubuleni imilimo yenu pakati ka iyi nshita; pakati ka iyi myaka lekeni ishibikwe; ibukisheni ukukwata inkumbu mu bukali bwenu. ³ Lesa waishile ukufuma ku Temani, kabili wa mushilo ukufuma pa lupili lwa Parani. Ubukata bwakwe bwafimbile imyulu, kabili ne sonde lyaiswilemo amalumbo yakwe. ⁴ No kubalika kwati lubuto, imyengele ibili yali kufuma mu minwe yakwe; kabili mulya emo afishile amaka yakwe. ⁵ Icikuko cali kuya pa ntashi yakwe, kabili iminga sha mulilo shali kufuma ku makasa yakwe. ⁶ Aiminine no kupima isonde; aloleshe no ku tekanya ne mpili shakukale shalisalanganishiwe. kabili no lupili lwa muyayaya lwalikonteme, inshila yakwe ya muyayaya. ⁷ Na mwene ama hema yakwa Cushani mu ku cula, kabili ne nsalu sha ma hema mu calo cakwa Midian shali ku tenkana. ⁸ Bushe Yahweh alikalipile inyika? Bushe ubukali bwenu bwimine inyika, nangula icipyu cenu cimine bemba? Ilyo mwaninine pali bakabalwe benu na maceleta yenu ayakucimfishako? ⁹ Mulifumishe ubuta bwenu ukwabula icakufimbako; mwabika imifwi! pa lushinga lwenu; mwayakenye isonde ne nyika. ¹⁰ Impili shali mimwene no ku shikitika. Ukupongoloka kwa menshi kwapitile pali bo; Bemba wakashika wafumishe iciunda ca uko. Asumbwile amaboko ya uko. ¹¹ Akasuba no mwenshi fyaimine ndi mu mulu umo fyaba umwasansuka, imifwi yenu yalenga ngo lubuto, pakubyata kwe fumo lyenu ili leya. ¹² Mwatapwile mwi sonde mu cipyu. Mwanyatawile nko mu bukali ¹³ Mwalifumine ku ku pususha abantu benu mukupusushha uwasubwa wenu. Muli bongolwele umutenge pa nŋanda ya mu bifi ukufunyapo icakukulapo ukufuma panshi ukufika mu mukoshi. ¹⁴ Mwatulile umutwe wa bashilika bakwe ku mifwi yabo ico baishile nga mukupumikisha mu ku tupasa; ukusamwa kwabo kwali ngo muntu ulefwaisha ukonaula abalanda umwakufisama. ¹⁵ Muli nyatawile mu nyika naba kabalwe benu, kabili no kwiminika amenshi. ¹⁶ Nalyumfwile , na munda yandi mwalisunkene! Imilomo yandi yali tutumine pa kumfwa iciunda. Ukufumuka kwaishile mu mafupa yandi, kabili napo ndi nalatutuma ilyo nalelolela ubushiku bwa bucushi ukwisa pa mbantu aba tusansa. ¹⁷ Nelyo icimuti ca mukunyu tacibalwile kabili takuli ne fisabo ku mwangashi; kabili nangula umu olife tautusekeshe mu kutwala na mabala tayafumishe ifyakulya; kabili nangula impanŋa shaloba mu ma cinka ne nŋombetamuli mu matanŋa, ifi efyo nkacita. ¹⁸ Nalyo line, Nebo nakula yangila muli ba Yahweh. Nakulasekelela umulandu wakwa Lesa ipusukilo lyandi. ¹⁹ Shikulu Yahweh e maka yandi kabili acita amakasa yandi nga ayansebula . Anenga ukuya ku ntashi mu ncende shandi ishasansama. -Ku nŋomba nkalamba, pa filimba fyandi ifya nsale.