¹ Paulo, umubomfi wakwa Lesa elo kabili umutumwa wakwa Yesu Kristu pa mulandu wa cisumino ca abantu abasalwa abakwa Lesa elo noku batungulula ku kwishiba icine icaba mu bwina Lesa, ² ne subiloi lya mweo wa muyayaya uo Lesa, uyo uutabepa, uo alaile ulo ninshi ne nshita tailabako. ³ Pa nshita iya kulinga asokolwele amashiwi yakwe ukupitila mu mbila iya bune iyo nebo ampela ukukoka nefya konkomeshe Lesa Kalubula wesu. ⁴ Kuli webo Tito, umwana wandi icine cine mu cisumino ico webo na nandibo twakwata. Icikuuku elo no mutende ukutula kuli Lesa Tata elo na Kristu Yesu umulubushi wesu filekuba nobe. ⁵ Nipa mulandu wine uyu eo webo nakushilile mu Krete, nipa kweba ati ubike bwino ifintu ifi tapwililikile elo no kusonta abakulu muli cila musumba pamo nge fyo nakwebele. ⁶ Umukulu alingile ukuba umuntu uwakubula umulandu, umulume uwa mukashi umo, nabana bakwe tabalingile ukuba ba cintomfwa nangu abatali bacumfwila kuba fyashi. ⁷ Icilingile ca kweba ati uuli kangalila, apo ni kangalila uwaba ng'anda yakwa Lesa, talingile nakuba na mulandu.tali nakuba uwa filumba, uutafulwa bwangu, tali nakuba cakolwa, tali nakuba uwalubo, tali nakuba nabu kabundulu. ^{8 9} Eico, alingile ukuba umuntu uwaishiba ukupokelela abeni elo uwatemwa ukucita ifya bune. Alingile ukuba umuntu uwa kutekanya, umulungami, uwa mushilo, elo uwa misango iya bune. Alingile ukusunga bwino nganshi amashiwi yakufundwa, ekweba ati alekukoselesha na bambi amasambililo aya bune elo no kulekubwelesha mu nshila abo aba komutalika. ¹⁰ Pantu eko bali fye abengi abantu abalukila Lesa, abacilande lande elo no kule ku bepaika abantu, makamaka palwa kusembululwa. ¹¹ Cili lilingile ukubakanya ifi. Bo bako onaula icisumino ca mundupwa pantu bakosambilisha ifintu ifyo batalingile ukusambilisha. ¹² Umo pali ba kasesema babo ali landa ati, ''Abena Krete bo lyonse ba bufi, fiswango ifya bipisha, bana ng'ani aba bulili.'' ¹³ Ubu ubunte alandile bwa cine. Kanshi eico balungamikeni mukushika, e pakweba ati bengakosa mu cisumino, ¹⁴ epa kweba ati baleke ukumfwila ku mulumbe ya ba Yuda nangu ku mafunde ya abo abantu abafuma ku mafunde ya cine. ¹⁵ Kuli bo aba kupwililika, ifintu fyonse fya kupwililika. Lelo kuli bo abantu aba obelwa mukucita ifya bubi elo na mu kunasumina, takwaba icintu nangu cimo ica ku pwililika, lelo yonse amatontonkanyo yabo elo naba kampingu babo ba lyobelwa mukucita ifya bubi. ¹⁶ Bo balalanda ati balishiba Lesa, lelo balimukana mu micitile yabo. Bantu abalupato, kabili niba cintomfwa, elo tekuti babombe umulimo uwa bune nangu umo.