¹ Paulo; umufungwa; wakwa Kristu Yesu, elo na munyina Timoti, kuli Filimoni, chibusa wesu kabili umubomfi munensu, ² Na kuli Afiya nkashi yesu, elo na kuli Akipasi umu shilikamunesu, elo naku lukuta ulo ulu kumanina mu ng'anda mobe. ³ Awe uluse lube pali mwebo elo ne cibote icitula kuli Lesa Shifwe elo na kuli Shikulu Yesu Kristu. ⁴ Nebo lyonse nda totela Lesa wandi uluntu mibika mu mapepo, ⁵ pa mulandu wakweba ati nko kutika palwa cisumino cemu ici ico mwakwatila Shikulu Yesu elo ne citemwiko ico mwakwatila bonse aba mushilo bakwe. ⁶ Nkopepa ukweba ati ukwabanya kwa cisumino cenu kuti kwalenga mwatumbuka fimo, ukweba ati mukakwate uku kutikisha ifintu fyonse ifya bune ifyo twakwata muli Kristu. ⁷ Pantu nebo nalikwete insansa ishingi pa mulandu wa citemwiko cenu, pa mulandu wakweba ati mitima ya bantu abashiila bakwa Lesa ili puputwilwe kuli webo, munyina. ⁸ Eico kanshi, nangu cingaba ati nali pama muli Kristu ku kumipingula ifintu ifyo mu fwile ukucita, ⁹ lelo pa mulandu wa citemwiko, nkolomba kuli webo kanshi¬ Nebo, Paulo, umwaume umukulua, elo nomba umufungwa wakwa Kristu Yesu. ¹⁰ Nkolomba kuli webo we mwana wandi Onesimo, weo nafyalila mu minyololo yandi. ¹¹ Pantu ye pa nshita imo ali fye umungwa kuli webo, lelo nomba ali kwete umulimo kuli webo elo na kuli nebo. ¹² Na mubwelesha kuli webo, ye uuli wapa mutima wandi. ¹³ Nga cali weme ukweba ati na musunga pamo na ndi pa kweba ati nga ali kumombela mu cifulo cobe ulo ndi mu minyololo pa mulandu wa mbila iya bune. ¹⁴ Lelo nta fwaile ukucita lcili conse ukwa kubula webo ukwishiba. Ntali kufwaya imilimo yobe iya bune ukuba iya kukupatikisha lelo ni pa mulandu wali kuifwala fye we mwine uku cita. ¹⁵ Limbi ni pali ici ecalengele ukufuma kuli webo pa kashita akanono, pa kweba ati wingesa kuba naye umuyayaya. ¹⁶ Takabe nakabili umusha iyo, lelo ali fumine mu busha, mu nyina umutemwikwa. Ali temwikwa maka maka kuli nebo, elo ukucilapo kuli mwebo, muli fyonse ku mubili elo na muli Shikulu. ¹⁷ Eico nga ca kweba ati ndi munobe, umupokelele ukubaati ninebo. ¹⁸ Ngacakweba ati ali kulufyanya nangu ali kukwatile inkongole ishili shonse, upingwilemo nebo. ¹⁹ Nebo, Paulo, nalembe ifi no kuboko kwandi. Nebo palwandi nka kufuta ifi¬ ukwabula ukushimbula ukweba ati wali kwali nkongola we mwine! ²⁰ Ina, we munyinane, leka nkwatemo ubukumu ukutula kuli webo mulishikulu; tutubula umutima wandi muli Kristu. ²¹ Pa mulandu wakweba ati ndi shininkishe icimfwila cobe, nkolemba kuli webo. Ndishibile ukweba ati ukacita ukucila napa fyo nombele, ²² Pa nshita imo ine, uteyanye indelu yandi iya beni, pantu nko subila ukweba ati ukupitila mupepo yenu nka bwela kuli mwebo. ²³ Epafula, umufungwa munandi muli Kristu Yesu, akomiposha. ²⁴ Na Maliko, Alistakasi, Demasi, elo na Luka, ababomfi banandi. ²⁵ Ukusenina kwakwa Shikula Yesu Kristu kube no mupadhi wenu. Ameni.