¹ Eico kanshi, apo Kristu ali culile mu mubili, ipangasheni ne mwe bene mwi tontonkanyo limoline. Pantu uyo onse uwaculile mu mubili ali kene ickucita amasambi. ² Neci kafuma muli uyo muntu, mu nshinta yonse iya bwikashi bwakwe mu mubili, tali nakwikala no lunkumbwa lwa bantu, lelo mu bufwayo bwa Lesa. ³ Pantu inshita iyo iya pitapo ili lingile kuli mwebo kpantu mucita ukufwaya kwa bena fyalo, ukwikalllila mu bulalelale, ulunkumbwa, uku kolwakolwa, ukukolwa mu kusefya, ukukwata amalila yapalwalala, elo ukupepa utulubi. ⁴ Bo bala cibona ukuba iceni ukweba ati mwebo tamuwilile muli bo muli iyi mikalile iya buwelewele, eico bo epa kulekulanda ifya bubi pali mwebo. ⁵ Bo bakulubulula ku mwine uyo uwa ipekanya ku kupingula abomi elo na bakufwa. ⁶ Pantu nipa mulandu uyu wine eco imbila iya bune yabililwe ku bakufwa nabo, pa kweba ati, nangu line bo balipingulwa mm mubili nga abantu, bo bakekala mu mupashi mu musango Lesa abelamo. ⁷ Impela iya fintu fyonse ikoisa ili palamiine. Eico kanshi mule kushipa mu matontonkanyo, elo mule kutontonkanya ifya mano pa mulandu fye uwa mapepo. ⁸ Ica kucila pali fyonse ifintu, mule kutemwa abanu umupwilapo, pantu ukutemwa kula fiimba pa masambi ayengi.. ⁹ Mule kusungana cila umo ukwakubula ukuilishanya. ¹⁰ Filya fine cila umo alipokelela ica bupe, mule kucibomfya pa kutumika abanenu ukuba ati niba kasunga aba bune aba kwa Lesa muku senaminwa kwa fya bupe ifya kulekana lekana. ¹¹ Nga cakweba ati umo akolanda, lekeni ale kulanda amashiwi ya kwa Lesa. Nga cakweba ati umo ako tumika lekeni alekutumika ukutula ku maka ayo Lesa amupela. Mule kucita ifi fintu pa kweba ati Lesa acindamikilwe ye ukupitila muli Yesu Kristu. Awe na kube kuli Yesu Kristu ubukataelo na maka umuyaya umuyaya.Ameni. ¹² Mwe batemwikwa, mwilakupapa ukweshiwa kwa mu mulilo uko ukwishile pali mwebo, ukuba ati icintu cimo iceni cikocitika pali mwebo. ¹³ Lelo, nalo lwine ulo mwebo mwakumako kukucula kwa kwa Kristu, samweni, elo sansamukeni, epa kweba ati mwebo bene mu kasansamuke no kutemwa uluntu ubukata bwakwe bukasokololwa. ¹⁴ Nga cakweba ati mwebo mukotukwa pa mulandu we shina lyakwa Yesu, muli ba kupalwa, pantu Umupashi uwa bukata elo uwakwa Lesa waba pali mwebo. ¹⁵ Lelo mwileka nangu umo muli mwebo ukucula ukuba ati cipondo, pomwe, uucita ifya bubii, nangu uwa mulomo. ¹⁶ Lelo nga cakweba ati umo acula pakuba umwina Kristu, lekeni ye e angwa insoni; lelo, lekeni acindike Lesa ne shina lilya. ¹⁷ Pantu ni nshita iya bupingushi ukutampala na bang'a ya kwa Lesa. Nga ca kweba ati yatampila nafwe, bushe cikaba shani kuli bo abatanakila Lesa? ¹⁸ Elo "Nga cakweba ati caliba ica kwafya umulungami ukupusuka, nga cikanga kubatanakila Lesa elo naba masambi?" ¹⁹ Eico kanshi lekeni bo abakocula pa mulandu wakwa Lesa bakotula imyeo yabo kuli kabumba uwa cine mu kucita ifya bune.