¹ "Elyo iwe, we mwana mwaume wa muntu, buula ulupanga ulwa twa ngo lwembe lwakwa kabeya we mwine, kabili pisha ulwembe mu mutwe obe nakumwefu obe, elyo senda ifipimo nokupima nokwakanya umushishi. ² Oca ica pali fitatu mumulilo mukatyi kamusumba ilyo inshiku shakutebelela umusumba shikapwa, kabili uklabuule umwina uwalenga fitatu nokuonaula kulupanga ukushinguluka umusumba. Elyo salanganya umwina wa butatu mu mwela, kabili nkasomona ulupanga nokukonka panuma yabantu. ³ Leelo senda umushishi unono ukufuma kuli bena nokukaka mumwingila obe. ⁴ Elyo senda umushishi uwingi nokuuposa mumulilo; kabili oca mumulilo; ukufuma kulya umulilo ukuya ku nganda yonse iya Israeli." ⁵ Shikulu Yawe atila, "Uyu ni Yerusalemu mukati ka nko, umo namubikile, kabili uko nashingulusha ifyalo fimbi. ⁶ Leelo balisangukila ifya bupingushi fyabdi bubibubi ukucila inko shimbi, nefi popeukucila ifyalo ifya cishinguluka. Abantu bandi nabasula ifya bupingushi fyandi kabili tabaleenda mufipope fyandi." ⁷ Eico Shikulu Yawe atila ici, "Pamulandu wakuti muli bacintomfwa ukucila inko ishamishinguluka kabili tamwaenda mufipope fyandi nangu ukucita ukulinga nefya pampamikwafyandi nangu ukucita ukulinga ne fyaimikwa ifya nko isha mishinguluka," ⁸ eico shikulu Yawe atila, "Moneni! Ine nemwine nkacita kuli iwe. Ine nkacita ubupingushi mukati kobe pakuti inko shikamone. ⁹ Ine nkacita kuli imwe ifyo nshacita kabili icapalana neco nshakacicite kabili, pamulandu wafya muselu fyenu fyonse. ¹⁰ Eico abafyashi bakalya abaana mukati kenu, na baana abaume bakalya ba wishi, pantu nmkacita ubupingushi pali imwe noku misalanganya bonse abashalapo mu ntunga ishapusanapusana. ¹¹ Eico, ilyo ndi no mweo- uku eku sosa kwakwa Yawe- icine cine nipamulandu mwalikowesha itenti lyandi ku fintu fyonse ifya museli ne micitile iya bipa, icakuti ine ne mwine nkamicefya mumpendwa; ilinso lyandi talyaka mukwati;e uluse imwe, kabili nshakamipusushe. ¹² Impendwa iyalenga fitatu iya imwe bakafwa kucikuko, kabili ba kepaiwa kucipowe mukati kenu. Abalenga fitatu bakafwa kulupanga ukushinguluka imwe. Elyo nkasalanganya abalenga fitatu muntunga shonse, nokusomona ulupanga nokubakonka panuma. ¹³ Ilyo ubukali bwandi bukapwa, kabili nkalenga icipyu ukulola kuli bena ukutuusha. Ukakoseleshiwa, kabili bakeshiba ukuti nine, Yawe, ninsosa mubukali mubufuba bwandi ilyo ine nkapwishishisha icipyu candi kuli bena. ¹⁴ Ine nkamicita icaonaika kabili icintu icasuulwa ku nko ishamishinguluka namu menso yamupita nshila onse. ¹⁵ Eico Yerusalemu akasanguka icintu ico abantu bakalasusha nokupunya icilangililo kabili icamakankamike kunko ishamishinguluka imwe. Ine nkamipungula imwe mubukali ne cipyu, nokukalipila ukwa cipyu- Ine, Yawe nasosa ifi. ¹⁶ Nkatuma imifwi iya cipowe kuli imwe iienshila iyo ine nkabomfya iya kumyonawilamo. Pantu nkakosha icipowe pali imwe nokukontolola inkonto yenu iya mukate. ¹⁷ Nkatuma icipowe ne finkunka kuli imwe eico tamwakwate abaana. Icikuko nomulopa fikapita muli imw, kabili nkaleta ulupanga kuli imwe-Ine, Yawe, nasosa ifi."