¹ Elyo umupashi wanjimishe pamulu nokundeta pa mpongolo iyakukabanga iya nganda yakwa Yawe, ukulolesha kukabanga, kabili moneni, munshila yacibi campongolo kuli abaume amakumi yabili nabasano. Namwene Yaasania umwana mwaume wakwa Asueri na Pelatia umwana mwaume wakwa Benaya, Intungulushi shabantu, pakati kabo. ² Lesa atile kuli ine, "Wemwana wamuntu, aba ebantu abalenga ubupulumushi kabili abapingula amapange yabubifi muli uyu musumba. ³ Baletila, "Inshita yakukula amayanda teino nshita: uyu musumba nimpoto, kabili tuli nama,' ⁴ Kanshi sesema pakati kabo. Sesema, we,mwana wa muntu." ⁵ Elyo umupashi wakwa Yawe waponene pali ine kabili atile kuli ine; "Ici eco Yawe alanda, "Ici eco mulelanda: Inganda yakwa Israeli: Pantu ningishiba icilepita mumano. ⁶ Namufusha abantu mwipeye muli uyu musumba nokwisusha imisebo kuli bena. ⁷ Kanshi, Shikulu Yawe alanda ici: ababntu abomwaipaya, abo imibili mwalalika pakati ka Yerusalem, ninama, kabili uyu musumba nimpoto. Lelo muli nokufumishiwamo ukufuma mukati kamusumba. ⁸ Namutina ulupanga, eco ndeleta ulupanga pali imwe- uku ekulanda kwakwa Shikulu Yawe. ⁹ Nkamifumya mukati kamusumba, kabili nokumubika muminwe yabatulatulafye, pantu nkaleta ubupingushi pakati kenu. ¹⁰ Mukawa kulupanga. Nkamipingula mumi paka wakwa Isreali pakuti mukeshibe ukuti nine Yawe. ¹¹ Uyu musumba tawakabe impoto yakwipikamo, nangu imwe ukuba inama mukati kakwe. nkamipungula kumipaka yakwa Israeli. ¹² Elyo mukeshiba ukuti nine Yawe. Uo ifi pope fya kwetamwaendelemo kabili uo ifyapampamikwa fyakwe tamwabela. Eico, mwakonka ifyapampamikwa fyanko isho ishamishinguluka." ¹³ Cacitike ilyo nale sesema, Pelatia umwana mwaume wakwa Benaya, alifwile. Eico nawile panshi ubunkupeme kabili nalilile neshiwi ilikalamba nokutila, "Iye, Shikulu Yawe, Bushe mukalofya umupwilapo abasha abakwa Israeli?" ¹⁴ Ishiwi lyakwa Yawe lyaishile kuli ine, nokutila, ¹⁵ "We mwana wa muntu, bamunonko! bamunonko! bamunonko! abaume bamutundu obe kabili bonse abanga yakwa Israeli! Bonse eyabo uko calandilwe kuli abo abekala mu Yerusalemu, "Bali ukutali ukufuma kuli Yawe! Ici calo capelwe kuli ifwe ngecikwatwa cesu. ¹⁶ Kanshi landa, "Shikulu Yawe alandile ici: Nangu nalibasesha bena ukutali ukufuma pakati kanko, kabili nangu nabasalanganya pakati kafyalo, nomba nababelele inkumbu kuli bena panono ilyo bali mufyalo uko baya. ¹⁷ Kanshi landa, 'Shikulu Yawe alandile ici: Nkamikolonganya ukufuma kubantu nabantu nokumulonganya ukufuma kufyalo umo mwasalanganine, kabili nkamipela icalo ca Israeli. ¹⁸ Elyo bakaya kulya nokufumuya conse icintu camakankamike naconse icamuselu ukufuma kuli ilya ncende. ¹⁹ Knabapela umutima umo, kabili nkabika umupashi upya muli bena. Nkafumyamo umutima welibwe ukufuma mumubili wabo nokubapela umutima wamunofu. ²⁰ Eico cakuti bakenda mufipope fyandi, bakasenda ifyapampamikwa fyandi nokucita. Bakaba abantu bandi, kabili nkaba Lesa wabo. ²¹ Lelo kuli abo abenda nokukakatila kulubali lwafina fyamakankamike namufya muselu, nkabakanda pa mitwe yabo- uku ekulanda kwakwa Yawe. ²² Bakerubi baimishe amapindo yabo kabili imipeto iyo yaba mumbali yabo, nobukata bwakwa Lesa wakwa Israeli wali pamulu ukucila pali bena. ²³ Elyo bukata bwakwa Yawe bwaile mumulu ukufuma mukati kamusumba no kwiminina palupili kukabanga kamusumba. ²⁴ Umupashi wanjimishe pamulu nokundeta ine mu Kaldi, kubatamfiwa, mucimonwa ukufuma kumupashi wakwa Lesa, kabili icimonwa ico namwene caile mumulu ukufuma pali ine. ²⁵ Elyo nalandile kubatamfiwe ifintu fyakwa Yawe ifyo namwene.