¹ Inagi mago vega mainiye, agimo aga Nikodimasi ae. aga farisi vega'e inagi agenopa vega'e apaga Juda vaya-ai. ² Mani vega mago hani elaga eniye Yesu taga inagi Yesu-na maya huno hapaiye, "Ala vega'e, laga maya huta afita halone kaga afiya apamisa vega'e, God-ti'a ago alino katalegega kaga ane. lga ageta halone kaga hana ya'a, aga vegamo agai agege osugiye God-ti'a agai'e lokaeno omainesi yana." ³ Yesu'a Nikodimasi ke nona'a maya huno hapaiye, "Lamake ae naga kapauve kaga, inagi mago vegamo'a alino hegafa osusi yana, aga God-ti koguna kegiya vegofi haina ofale gaiye." ⁴ Inagi Nikodimasi'a aga afigeniye maya huno, hanaya husigeno mago vegamo'a hegafa vega alu hamale gaiye aga alopeno kosuna vega maiesi yapati?, inagi aga ita-amo aipafi naga alu'e uno ohagifi, inagi saufa vega ena afole husi yafe, a?" ⁵ Inagi Yesu'a hapainiye maya huno, "Lamake ae, mago vegamo'a aniteti nagi Avamu teti nagi na hegafa osusi yana, aga God-ti koguna kegiya wegofina uno ohaigiye. ⁶ Nayana ma kagufamo'a alino afole aiya yana, aga ma agufamo yane, inagi nayana Avamumo'a alino afole aiyana aga Avamumo yane. ⁷ Kaga fanagu osuvo naga kapau ke-le naga maya huna, 'lapaga alita hegafa hiyo alu'e.' ⁸ Yasimo'a ugefe hiya aupilaga aga neviye. aga magoke kava huniye mago vega agu aino afele vega Avamumo aguainaga." ⁹ Inagi Nikodimasi ke nona'a hapaino mage hiye, "Mani yamo'a hanaya huno afole aigiye?" ¹⁰ Inagi Yesu'a ke nona'a hapaino aga maya hiye, "kaga aliga apaya husa vega'e Isreli-pi, inagi naya hige'a kaga afiga haolane mani muki ya naga kege huya'a." ¹¹ Lamake ae kaga naga kapauve, laga muki yagote kego hunana laga afita alageputa halenona yatene, inagi laga huta hanelone muki ya-ale lagaiti agenona. inagi lapaga lapametiti nosa'e nayafe laga huta halona ya-ale. ¹² Inagi lapaga mopafi yate lapametiti naga lapaga lapapau yate, hanaya husigeta kogunate yate lapametiti huga'e, inagi naga lapaga lapapai suvana? ¹³ Mago vegamo anaga koguna gote uno ohainiye ha-ao, inagi la'a ago elimeniye koguna tagati, aga ve kanomo mafane. ¹⁴ Inaya higeno alufina Moses'a hau-u kumapi mago sata alino asagauniye, magoke agufa kavatege, apaga vemo mafane agi ali'a asaga huga'e. ¹⁵ Ina-ausigea muki vealave lagi agaite apametiti husa yana, apaga aliga'e maige maige hua maisa ya. ¹⁶ God-ti'a muki mopafi vealave hauniye, ina-aigeno aga magoke mafane to agege laminiye. inaya higeno mago vega la-a agaite ametiti husi yana aga uno fanane osugiye, ha-ao, aga aligiye maige maige laefi. ¹⁷ God-ti'a mafane'a alino atalegeno elimeniya-na mopafi apaga vealave koti hupa tegefe nomane, ha-ao aga apaga apavale gefene. ¹⁸ Mago vegamo'a God-ti mafane-le ametiti husi yana, aga uno fanane osugiye. inagi mago vegamo'a agaite ametiti osusi yana, aga uno fanane hugiye, nayafene, aga ametiti osuniye mani God-ti magoke mafane-mo agile. ¹⁹ Inagi koti aepa-amo maya hiye, kanina mani mopafi-na ago eniye. inagi apaga vemogi hani yafege hapauniye inagi kani fena ohapaiye. nayafene, kava-apimo'a haviya huniye. ²⁰ Muki havi kava neha vemogi, apaga kanifena nohapaiye inagi kanitena noma'e nayafene, apaga havi kava-api ena nohapaiye no afolete husi yafe. ²¹ Inagi, apaga vemogi lamake kava neha, apaga kanitena neae apaga alu amogi agetea inagi maya hua afiga'e apaga God-ti aipa aguagesa aiyaga nevaiye hua. ²² Henaga mani muki yago afole aigeno, Yesu agi apaga aga agame mafane anaga'e apaga Judia aupilaga una'e. aga apagai'e lokaeno maineno inagi aga apaga vealave mono ani falena'e. ²³ Inagi Joni ena apaga vego mono ti falepate Ainon kuma aupa huno Salim, nayafene hailaga ani inani aupilaga haneniye. apaga hailaga velave agaite ea innagi mono ani falena'e, ²⁴ Inani kanale-na Joni'a kalavusi-fi ouniyate-ne. ²⁵ Meni kele-ti la husa ya folagapi afole aiye Joni agame aliya anaga'e inagi mago Juda vega i, ani falete'a ea yaveyave husa kavate-fe. ²⁶ Apaga heti'a Joni-te ua mage ha'e, "apaya vega'e, vega la-a kagai'e ago muga aupilaga Jodan anite lokaeno maini vega'e, inagi kaga agaife huga halega laga lapainane, aga mono ani falene apatege'a apaga vealave inagi muki vealave mogi agaitaga gege newa'e." ²⁷ Joni'a ke nona huno mage hiye. mago vegamo'a magoya oaligiye kogunate God-ti'a aga oamisi yana. ²⁸ Lapagai tapi egege ago afina'e naga yane huna lapaga lapapaino naga, "naga ago lapapainove lapaga maya huna, naga hogotena enove omeni gena." ²⁹ Mago vega la-a mariti hugiye, agai ato agege mani amo vega'e. inagi mariti hiya vegmo afalu-amo'a, hetino maineno inagi amuse yamo'a agaipi havaite vegamo'a mariti husi ke. mani yamo'a higeno naipafi tusi amuse ya havaite. ³⁰ Agi-amo'a aga haino ala husigeno, inagi naga nagimo'a mopa afepi lamino. ³¹ Vega la-a kogunate-ti eniye, aga muki vaya'a apagase-niye. inagi vega la-a mopafi kanove, aga mopafi vega. inaya higeno aga mopafi yago tefege ke-ge nehiye. vega la-a koguna tagati eni, aga muki ve aite anale mainiye. ³² Aga huno hanele muki yate aga ago afiteno ingi aga ageni yate, inagi mago vegamo'a ametiti osuniye aga kego hiya yatena. ³³ Inagi mago vega l-a mani ke-le ametiti husi yana, aga huna halena God-ti'a aga lamake tafane nehiye. ³⁴ Ina-aigeno mani vega God-i'a alino atalegeno ago eniye, ago God-ti mono ke huniye, nayafene, God-ti'a aga Avamu aminiye inagi aga havaite teniye. ³⁵ Afo-amo'a mafane ae tusi yate hauteno inagi ayapi muki ya-a aminiye aga. ³⁶ Mago vegamo'a God-ti mafane nele ametit husi yana, aga laefi aliteno inagi alagepuno maige maige hugiye, inagi mago vegamo'a mafane-mo ke amagi siyana, aga laefi oaligiye. ha-ao, God-ti haiya-amo'a agai'e lokaeno hane gaiye."