¹ Mani hogote kontraki mo'a ke aepa agi inagi kava haneniye aiyaga waipa mono afisa yana, inagi mono nona haneniye anilena, ² Aga mago mono-no apaga ali'a hetina'e. hogote no aguainaga alamu kayo haneniye, teboli, inagi Ala vegamo breti maya mani aupilaga apaga agi ae'a fate kumane huna'e. ³ Inagi mago lavolavo-mo agamelaga mago no agu haneniye apaga agine ae "fatago ya'a haneni no agupine." ⁴ Goli yafa alta-le alagepa paura halina salamana ka'e, mani no aguainaga haneniye, kontraki vokisi mo'a goli yafa'e aino lokaeno aina atigae-niye, inagi vokisi-mo aguafinaga goli kavo atena'e ani kavofi mana haneniye Aroni hayopa faino uneno nehi kayo'e, alufina kuru'a anileti ago haneniye inagi tole yafa talana apaga ago kontraki vokisi kae malena'e anilena, ⁵ Vokisi-mona aulagamo analena, tole Agelo lamogani aname'a haneniye inagi vokisi-mo aulaga aina falagi-niye tole Agelo lana mani no kumate maina'e. inagi meni naga mani muki yamo ke osuguve. ⁶ Henaga apaga mani muki ya'a ali'a talotala ha'e, inagi muki kana'e apaga muki prisi vemogi hogote aguainaga nopi ua nehaiye apaga aliya-api ali gefe. ⁷ Inagi hetprisi magoke atomo'a anile agupinaga haina nefale magoke kanale muki kafu ae. inagi aga afa uno nohaiye, aga kora alilino uno nopi naga haiye agai'a faipa yamo ofa kaeteno inagi muki vealave mogi afi'a alagepa osu'a apaga haya faipa ya'e. ⁸ Avamumo'a maya huno laveliye, mani hogote mono nona hanenisi kanale-na, fatago nopi uta haisuna kati'e, aga eno afole huvo geniye. ⁹ Mani aga ame ae laveliye meni mani kanale afole aisi ya apaga amuse yanagi ofa-gi God-ti taga neha'e, apaipa alita hao osuga'e mono neafi vaya. apaga maya hua afi'a hale ga'e apaga haviya hunone huga'e, ¹⁰ Mani lo-mo'a ke huno aena muki neyatefe nagi ani-tefe huniye inagi keoke kava vealave hupatesa gea ali'a fatago husa yafe, apaga mopale apagufamo yate fege ke neha'e aga manilo vealave apaminiye aiyaga wai'a ua haine husa kanale muki ya'a alino hao hute gaiye. ¹¹ Mesi'a aga eniye inagi hetprisi maiye ago muki alagepa ya afole aini yate. aga sel nopi uno hainiye mago kanare huteno alufina sel no aeno agaseni, mago vegamo'a ayateti mani no gi omaleni, nayafene, aga mani mopafi yano mane. ¹² Meme gi kao mogi kora leti nomane agai'a kora teti mono nopi magoke kanale haino faleniye. inagi laga miya faini yana muki kanale yane. ¹³ Inagi God-ti aulagale vealave ea fipiya hamale sayana, inagi apaga prisi mogi meme'mo kora nagi kao'mo agi inagi saufa kao'mo tanefa ali'a ae'e atagufa neapata'e apagotofule apaga. apaga mainiya hayamo apaga faipa yapi omalesi yafe, ¹⁴ Inagi Mesi'a kora moge maniya aeno agaseniye. aga faipa ya omaleniye inagi Avamumo lokia leti aga God-ti taga laefi'a ofa aminiye, kora -amo'a aga malagufa aeno kalopa olateniye laga. ha-ao, aga muki ya-ati alino atale'e inagi God-ti aulagale faipaya omale geta mainone. ¹⁵ Mani aepa lefe Mesi'a mani saufa kontraki-le folaga veag maiye. aga fali ya-amo'a, aga vealave ai faipa ya alino ataleniye hogote kontraki-mo afepi maina maga aga apaga vealave ke aeniye mani loki'a amuse ya ali;a mage maige husayafe. ¹⁶ Kontraki-mo'a aga maya huniye magoke vegamo aipa avo tafepi ateniye inagi aga maya huno aveliye falisi yana aga mafane amo'a muki agai ya'a aligiye. mafane amo'a aligefe husi kanale-na, apaga vemogi alagepu'a age'a haleyo maya hu'a afo amo'a nefalino inagi mafane-amo ayapi muki ya'a ateniye, ¹⁷ Nayafene, kontraki humale-nisi vegamo aipa-mo'a eno afole aigiye falisi kanale. inagi kontraki humale-nisi vega ofalino aulaga ageno mainesi yana, inagi mani kontraki-mo'a loki'a omale. ¹⁸ Inagi hogote kontraki-mo'a loki'a haneniye apaga avusi leti ali'a huna kanale, ¹⁹ Moses'a muki vealave kase ke apamini kanale, aga saufa kao mona kora alino, apaga meme gi, lokaeno ani'e, haesa nofi nagi hisop pugi, inagi aga kora alino yaga auniye aise aise huno vuku-le nagi muki vealave aite. ²⁰ Inagi aga mage hiye, "aga mani mona kora-mo kontraki-ye God-ti'a humale-niye lapaga aiyaga vaisa yafe." ²¹ Magoke kavate, aga sel nomo agotofule alino yaga auniye aise aise huno kora inagi muki mono nopi uyapale'e. ²² Mani kavatena, kora moge muki ya'alena aeno kalopae neatale. inagi ofa husa kanale avusi-mo kora-mo asagauno oainesi yana, inagi God-ti'a vealave ai alino oatale gaiye. ²³ Apaga sel nopi yana, aga avame ya-atove kogunate haneni yane. inagi apaga avusi ali'a muki ya neha'e God-ti aulagale ea fatago husa yafe. inagi apaga hayana kogunate haneni ya'a fatago huno hanesi yafe, alagepa ofa haneno alufina avusi-mo ofa aeno agaseniye. ²⁴ Mesi'a uno ohainiye aguainaga nopi apaya teti talo humale-na, mani mona aga avame ae lamage kogunate haneni mono no. ha-ao, Mesi'a kogunamo aguainaga hainiye inagi God-ti aulagale hetiye lagaite folaga vega maisi yafe. ²⁵ Muki kafu'e hetprisi-mo'a ofa-mo kora alilino inagi aga nomo aguainaga haiye. inagi mani kora aliyana aga agai mono mane. inagi Yesu'a aniya osuniye, aga kogunate uni yana agai'a God-ti-na ofa amigefe, inagi aga tusi kanale osuniye, ²⁶ Inagi aga tusi kanale hunesi yana, inagi aga mago'e huna tusi kanale kanaya aligiye, hogote kanale God-ti'a mopa alino afole humaleni kana eno meni, inagi meni aga aupa kana'e aupa hute, inagi Mesi'a magoke kanale tole mopafi eno afole hugiye. agai'a ofa aminiye God-ti-na faipaya alino atalesi yafe. ²⁷ Muki amogi magoke kanale faliga'e inagi henaga apaga koti-le hetiga'e, ²⁸ Inaya higeno Mesi'a agai'a aminiye God-ti taga ofa amniye vealave ai faipa ya alino atalesi yafe, inagi henaga alu'e egaiye henaga kanale, aga esi yana faipa ya alino oatale gaiye, ha'ao, aga esi yana agaife agava huna vealave apavalesi yafe, hetprisi afole aisi yafe, inagi mani lamake ke-mo'a lo-mo henaga afole aiye aga mafane kano lekana painiye, aga alagepa vega lafane aga hogote kano afole hiye laga lae maisi- yafe inagi aga maya huno maige maige.