¹ Kogana-na hausa yana ategeno uge uge hino, ² kage o,aganino aliga alagepa hupatesa yana apaga nofi vealave kaga o,apageni-sanana apaga. mago aise vemogi mani kava huna'e apaga ve aite inagi apaga agea haola'e maya hua apaga Agelo anaga hua, ³ Lapagesa afiyo, maya hua kaga apagai'e kalavusi-fi ve'e lokaena mainove inagi lapagesa afiyo apaga kogana tapimogi kanaya aliye mago alu ve-ai apaya pati. inagi kagai ena mago api apagai ena ago lokaena mainove huga, ⁴ Apatege'a muki nofi vaya mogi kaga mariti-ga age'a haleyo, mariti kavapi'na fipiya omaleno fatago huno haneno, God-ti'a alino haviya hupate gaiye lagi kumai kava apaga alu mariti ve ane nehusi yana. ⁵ Ategeno ka ugega yagamo'a kaga fatago hino inagi yo ena tusi yate ogaino inagi amuse osuvo kagaipi ago hanenisi yafena, God-ti agai'a mage hiye, "Aga kaga ogatale gaiye kagai'e lokaeno maigiye." ⁶ Laga amuse hugune inagi mage huta hune, God-ti naga aga nanema'e, naga koli osisuve nayafene, mago vegamo'a naga alino haviya osugiye. ⁷ Kava vegatapi apaga ageta haleyo, la'a God-ti ke huno haleno kagaite inagi alageputa ageta haleyo apaga aliya ali ya'a. inagi aliyo magoke apametiti apaga alina ya hutapa. ⁸ Yesu Mesi'a, aga magoke kava huno ega maiye, menigi muki afina'e afina'e. ⁹ Ategeno'a kagu gagesamo'a uneno osino muki keoge kapalo ke'le, aga alagepu-niye ategeno kaipamo'a loki'a alino inagi amuse hino. neya'e lokaeno mane hapa omagaiye apaga ve lokae'a apaiya aesa ve. ¹⁰ Laga monoti haneniye ina, mono note aliya vegamo'a alagepuno mono husa kumate yagai siye inagi mago ena aga neyana o,aligiye. ¹¹ Inagi hetprisi- timo'a afu heno inagi apagai kora alilino fatago kumate faipaya alino atalesi ofa amigefe inagi apaga apagufa'a kegiya vegomo malaga kaeniye. ¹² Inaya higeno Yesu'a kanaya Tauni-mo kegiya vegofi malaga nayafene, aga aipa mo'a kora aleti apaga nofi vealave faipa ya'api omalesiye huno. ¹³ Inaya husigeta lagai ena tauni-mo malaga usune inagi aga avagage aliniya huta lagai ena alisune. ¹⁴ Ina-aigeno, laga tauni alagepa-ti mafi omaleniye, inagi laga aulu nehone mago esi yafe. ¹⁵ Agaite, laga muki kana'e ala agi amisune inagi ofa-ti God-ti taga atesu nageno usiye. ala agigi ofa'gi avaya fati nene'e inagi aga agi'a ageno hanele, ¹⁶ Inaya husigeta laga lagesa o,aganisiye muki vaya alita alagepu patesa yana lagi lagai'e aupa hua maina vaya'e. nayafene, God-ti'a aga amuse nehiye magufa kava fena, ¹⁷ Ke afitega inagi kava ve apaiya finaga maiyo. nayafene apaga Avamu mafane tapile neyagaiye husige'a apaga muki aliya-api ke aepa'a amiga'e. ke afiyo, apaga kava vemogi amuse ya'e lokae'a aliya aliga'e inagi apaga apaipa kafa osuga'e, aga kanare kava omaleniye. ¹⁸ Laga nunumu timo'a, inagi laga alagepa afifi yati alino nagi, inagi laga alagepa nomai yafe kauya husune muki ya-aleti. ¹⁹ Naga lapaga lapapauve, lapaga mani kavana muki afina'e huga'e, nayafene, naga aupa kanale lapagai taga alu'e egauve. ²⁰ Meni, hauyamo afo'amo'a God-ti'a, la'a fali vega alino heti teniye, aga maige kontraki talo humale-niye, ²¹ Lapaga aina havai lapateteno inagi kanare hune apate lagi agai afifiya aiyaga wai. aga laga aniyage hulate gaiye mago naya aga alagepa hunesi inagi agai'a hailo ya'aleti, aga Yesu Mesi'a la'a agi aliye inagi haleya'a kana'e kana'e hane gaiye, lamake. ²² Meni naga afifi yatapi alina heti tove lapaga kogana-ti lapagesa alageputa afita ke'le, naga lapaga lapapai-tena inagi avo kaena atalove lapagai taga. ²³ Maya huta afiyo, laga kogana timo'a, aga Timoti'a afa'a mainiye lokaena agai'e ena lapage gauve aupa kanale. ²⁴ Apaga kava vemogi inagi apaga apametiti vealave mogi feluga'e hua atageno apagai tagati e'e, Itali vaya mogi feluga'e apagai tagati e'e. ²⁵ Aipa falu yamo'a lapagai'e hane gaiye lapaga muki'a.