¹ Mani aliyana Jerusalem apametiti vealave hapae maesi aliyane, apaga apametiti velave mogi aliyo, inaya husigena naga avo kaena oatale gauve apaga apametiti vealave ai taga. ² Naga ago agena halove lapaga lapaipamo lapagateni ya'a, aga ago Mesadonia vealave hapainiye maya huno Akaia aliya ali'a talotala huna'e ago mago kafu eno utege'a, lapaipamo lapagate yamo'a hailaga'a alino apaga heti patege'a mani ya ha'e. ³ Meni naga alina apatalove apaga kogana nayafene havigu vealave mogi, maya hua afi apaemo laga muki ke - timo'a lapagaite kapaloke hugu nagi, inagi mago'e lapaga talotala huga'e, naga ago ke hunove maya huna, ⁴ Havigu, mago Masedonia vealave nagai'e lokae'a ena'e inagi aga yana lapaga talotala osuna'e, laga lavagage hugiye naga mago ke osuguve naga ala nametiti yafe lapaga agupinaga. ⁵ Inaya higena naga nagetafo huve aga fatago huniye naga lokiya waina kogana aite ke huve, lapagaite ea inagi muki amuse ya magale hua talotala lapaga huta lokiya wai malena ke-le. mani aga nayafene muki mani amuse yamo'a maya huno talotala muki ya'a lapaipa fati lapaga amigesa'e, inagi maya huniye amisa yafena lapaipamo'a ha'ao osuniye inagi laga lokiya waita ke hune lapaga amiyo. ⁶ Aepa amo'a meni aga maya hiye, mago vega la'a hailaga avinaya nogalisi yana, hailaga neya alagepu-no ohatigiye, inagi mago vega la'a hailaga avinaya negalisi, hailaga neya hatigiye. ⁷ Atege'a magoke magoke vealave mogi amiyo haneniya aga agai'a aipa aguagesale-ti amino. aga oamino aga nayafene aga hau huteno oamiye apaga vemogi lokiya wai'a ke haya kanale aga neamiye. God-ti'a nehaiye ve lagi amuse hua neami. ⁸ Inagi God-ti'a husigeno muki yatapile lapaga eno afole laulaga hugiye, inaya husigeno muki kanale-na, lapaga muki ya-atapi aliga'e omalenisi ya'a. aga lapae maesi geta lapaga tusi aliya alita aliga'e. ⁹ Aga maya huniye ke aune vemogi kae malena ke "Aga muki gagemiya'a apaminiye vealave omalena'a, fatago kava-amo'a aga hanege hanege huno hane gaiye." ¹⁰ Ve lagi hoya nealisa ve apaga avinaya apamiye, la'a galiteno inagi neya alino afole neaiye, lapamigiye inagi avinaya gali sageno eno hailaga'a afole hugiye. ¹¹ Lapaga hailaga eta afole huga'e muki papagai-tapi yateti inagi lapaga amisa ve maiga'e. mani yamo'a God-ti taga amuse ke ugiye laga aposolo vemo gita aliya aluna yate. ¹² Laga mani aliya alunana Jerusalem apametiti vealave hapa maesa yageno mane. agamago'e hailaga aliya afole aigeno amuse ke God-ti taga viye. ¹³ Nayafene, mani aliya mo'a lametiti ya lapaga aeno lapavataga hiye inagi maya huno maya huno agegeno lametiti yamo'a lokiya waiye. lapagai'e God-ti hale ya'a agi amiga'e lapaga ke afisa yatapigi inag Mesia ke alagepa'a huta halesuna ya. lapaga mago'e God-ti'na agi amiga'e lapaga yo amisa kavatapi Jerusalem apaga apametiti velave hapa maesa ina-aga muki velalave ene. ¹⁴ Apaga nunumu hua lapagai-taga nemaiye, apaga maniya hayana nayafene God-ti ala hau yamo'a lapagai lapagotofule haneniye. ¹⁵ Ategeno amuse yamo'a God-ti taga vino, mani ala preseni aga hau yamo'e aga!