¹ Laga lagi alita asagauge supi laga mago'e a? laga olauniye lapagai-taga avo atalesuna geno usa yafe o lapagai-taga alita ssa yafe, maya hua alu vaya-ai mopi neha'e, lagai'e magoke ya huta? ² Kagaiga kaga mani avotiye laga kaga laipa agusafinaga kae malenane laga, muki vealave mogi lega paite'a inagi afiga'e. ³ Mani avomo'a lavelino aena laga aga Mesi'a tagati eniye, aga laga alita atalo nageno viye, mani avona avo kayo teti ogaena'e, inagi mani God-ti Avamumo'a laefi alino maineno agai'a kaeniye. aga yafamo agotofule ogaeniye, inagi aga muki vealave ai apaipamo aguainaga kae maleniye. ⁴ Inagi mani aga lokiya lametiti ya laga Mesia alinone God-ti aulagale. ⁵ Laga mago vegi alu vaya nagi aeta pagaseta God-ti aliya no alune laga hapa opaigune apaga alu vaya ina laga mani muki aliya nealu-nana lagaiti lokiya leti nomane. inaya higeta, laga maya huta hapa paigune apaga. God-ti'a lae maeta laga kanare hune mani muki aliya'a alune. ⁶ God-ti ke laga lae maegeta mani saufa kontraki-mo aliya ve maune. aga mani kontraki apaga avo tafepi ogaena'e, inagi aga Avamumo yane. nayafene, avomo'a vaya apamagino nefaliye. inagi Avamumo'a vaya laefi neapamiye. ⁷ Mani God-ti aliya kase ke apamisi yana, aga yafa agotofule kae maleni ke-mo'a faliya alino afole neaiye. aga God-ti ala haleya ae lokaeno ege'a Isreli vealave mogi Moses augosafi agea hao agesa yana osuna'e. nayafene, mani moses augosafi haleya-mo'a ala huno atale aga augosafati. mani haleya-mo'a vase vase uno hano hiye. ⁸ Hana agufa ya huno mani hale yamo'a ena ala hugiye mani Avamumo aliya alisi kanale-na? ⁹ Inagi mani kase ke mo'a aliya-amo'a koti huno neapate inagi vemogi ala apagi nealiye, inaga namagi moamo'a alagepa kava-pina mani haleya mo'a havaite gaiye! ¹⁰ Nayafene, haleya yamo'a kase ke'e lokaeno eniye, aga haleya-mo lokiya fina osugiye, Avamumo aliya teti lokaeno e, ¹¹ Inagi mani uno hano husi yamo'a haleya'a haneniye. namagi haleya-mo yamo'a muki kana'e hane gaiye! ¹² Mani ala lametiti agufa ya alinona kanale-na, laga mago'e lokiya waita heti none. ¹³ Laga Moses kanagana osunone, la'a lavolavo kugena augsafi ateneno augosa alino fala-negiye aga. inagi apaga mani hale-yana oagega'e ago vase vase uno hano nehi. ¹⁴ Inagi Isreli vealave-ai afifi ya'api ago aganiniye eno mani kanale, maya huno magoke kava mani atupa lavolavo afa'a haneniye, apaga lekana-pai afina atafa kontraki-ge. mani atupa kugena-mo'a oapatale-niye nayafene, Mesia agupinaga tige mani atupa kugena-mo'a apaga apatale gaiye. ¹⁵ Inagi eno afafale meni, Moses kase ke lekana-pai kanale, mani atupa lavolavo-mo'a apaga apaipa alino atinega'e. ¹⁶ Inagi mago vega Ala Yesu taga esiya kanale-na, mani atupa kugena-mo'a aga atale gaiye. ¹⁷ Inagi Ala-na aga Avamune. inagi hana kumate ala vegamo Avamumo'a mainesi, mago yamo'a agani olate gaiye. ¹⁸ Inagi, laga muki'a, Ala vega-mo haleya'a agegaune, mani atupa kugena-mo'a laga laugosa fala ogi siyana, mani ala vega-mo haleya-amo'a laga alino hegafa hulate. aguafinaga uta haune magoke agufa hale yate mago kavate uno mago kavate viye, Ala'e magoke kava hiye, la'a aga Avamune.