¹ Meni kaga afiyo na-agufa neya apaga ali-a salmana neha'e muki kapalo god-tite inagi laga afinone magoke kava huta, "laga muki amogita alagepa afiya alinone." Inagi alagepa afiya-mo'a hano hugiye higeno hapausi kavamo'a loki-a waino hane gaiye. ² Higeno mago vegamo'a afisi yana, aga muki ya-a afino husi yana, mani vegamo'a oafiniye na-agufa ya-alena aga afino halesa ya huniye. ³ Inagi, higeno kavamo'a God-ti fena hauno alagi hune siyana, mani vega, aga God-ti-a ageno alagepa huniye aga. ⁴ Inaya higeno kavamo'a maya hiye ve mogi na'e salmana hena neya kapalo god-tite apaga huna, aga laga maya huta afisune, "apaga mani mopafi kapalo god-tigi afa yane," higeno "haneniye magoke God-ti Ala magoke ato agege mainiye." ⁵ Higeno hailaga keoke god-ti-a maini-fiye hiyapi nagi inagi mopafi'e, nayafene, ina hailaga god-ti' inagi hailaga 'ala maina'e. ⁶ Higeno, lagai tena, magoke God-ti Afo timo'a mainiye, inagi agai tetige muki yamo'a afole ainiye inagi agai tetige laga laefi alita mainone, inagi magoke Yesu Mesi-a, Ala tiye laga, agai aguainaga tige muki ya-a ago afole ainiye inagi agai aguainaga tige laga afole aiteta inagi laefi alita mainone." ⁷ Muki nofi mogi mani agufa afiya oalina'e, inaya higea mago amogi ago mono afina'e kapalo god-tite inagi neya ali-a nena'e inagi maya hua afiye, aga kapalo god-tite salmana amisa yane, nayafene afifiya apimo'a ago haviya huniye inagi loki-a omale. ⁸ Higeno muki mani neyamo'a aga alino kanare huolate gaiye God-ti aulagale-na. Laga havi nofi vaya omainone, inagi neya onesunana, alagepa nofi vaya hamale gaune, inagi neya nesunana. ⁹ Higetapa maya huta alageputa yagai-yo, lapai-pamo'a mago ya osino mago kogana gamo ao onugana gamo ao faipa yapi asaga huno oaino, nayafene, apametiti yamo'a apaga loki-a owainiye. ¹⁰ Higeno mago vegamo'a alagepa afiya alini kagege ka-a kaga kapalo god-timo mono nopati neya nane, mani vega afifiya amo'a loki-a omaleniye aga alino higeno neya ne apaga kapalo god-tite salmana haya a? ¹¹ Mani afifiya ato galeti apaga kapalo god-tiye, mani kogana, ametiti mo'a loki-a owainiye, la-a Mesi-a agaite ena ago faliniye, asagau huno aiteno haviya hugiye. ¹² Inaya higega kaga faipaya apaga koganaga mogita hupatesa-na kanale-mo kaga inagi aliga haviya hane mani apagai afifi yamo lokiya omaleni, aga kaga faipaya hane Mesia-te. ¹³ Inaya hinageno inagi neyamo'a kogana-nimona alino ametiti ya asaga huno aisi yana, inagi naga onesuve avusi alu'e kogana nimona alino asaga huno aisi yana.