¹ Muki kogana gita'e naga tusi-a nagetafo huve lapagai-fe ke-ge husa yafe maya huna apaga ve God-ti Avamumo'a havaite nafi. higena naga lapagaite ke-ge huvana maya huna alufina lapaipa'e ve, inagi magoke kava hutapa aise mafane kanagana Yesu Mesi-a aguafinaga. ² Naga nu lapamuve lapaga, inagi lokiya neya nomane, ina-aigetapa lapaga talotala osuna'e lokiya neya nesaya, inagi meni uno lapaga talotala osuna'e. ³ Lapaga magoke kava huta maina'e apaga vealave alufina apaipale lokaeta inagi havi afifi yamo kava inagi ke-le afi-a ha-ao husa kavanagi lapagai'e lokaeno haneniye inagi lapaga lapametiti vealave kanagana huta uteta nosa'e? ⁴ Mago mo'a mage hiye, "naga Poli-na aiyaga wauve." Inagi alumo'a mage hiye, naga Apolos sina aiyaga wauve." higeta lapaga maya huta muki lapametiti vealave omaifiye? ⁵ La-a Apolosi ae? Inagi la-a Poli-ae? Tolelana God-ti aliya vega lane inagi lapaga lapametiti hafiye tolelate. Mani tole vega lana Ala-mo'a aliya anaminiye aliya alisa ya. ⁶ Naga kalugeno, Apolos si'a ani amiye higeno'a God-ti'a alino afole aiye neya'a. ⁷ Higeno inagi mago vegamo'a neya kali vega o vegamo'a neyate ani ami vega apaga apagi omaleniye. Higeno God-ti-a asumi higeno neya afole neaiye aga magoke amoge ala agi haneniye. ⁸ Hana vegamo'a kaligeno inagi hana vegamo'a ani anigeno neyate anaga magoke kava huna'e, anaga miya ani aliga'e na-agufa aliya alinesa yate. ⁹ Laga muki God-ti velave, inagi lapaga maya huna'e God-ti-a hoya ae inagi God-ti none. ¹⁰ God-ti hauya aleti aga ago naminiye naga maya huno alagepa afiya alini nokisa yate, naga anumaya yosa alina malove nokisa, inagi alu vegamo'a no kiye agotofule. Husigega ategeno magoke magoke vegamo'a afifi hino alagepu-no hanaga kaleti aga nona kigiye. ¹¹ Ha-ao mago vegamo'a lunage yosa alino heotigifi alu vegamo'a ago malenisi yate inagi mani vega aga Yesu Mesi-a ae. ¹² Higeno vega la-a ago lunage ali-a heti malena yosa-mo agotofule nogisi yana goli'e lokaeno, silva, sauna yafa'e yosa-gi, kaugi inagi waiti-mo ayamufa-gi, ¹³ Aliya-amo'a eno hamate hugiye aga, nayafene yagemo kani amo'a aga eno hamate hugiye ata'e lokaeno. Inagi atamo'a aliya alino fago hugiye na-agufa aliya magoke magoke vealave mogi ago alina. ¹⁴ Inagi hana vealave mogi aliya apimo'a hanesi yana aga miya'a aligiye. ¹⁵ Higeno atamo'a mago vega aliya lesi yana, aga havi kanaya aligiye, inagi mani vega afa-a kanare hugiye, inagi aga atafati eno malaga hugiye. ¹⁶ Higega kaga oafina-piye maya huga kaga God-ti none inagi God-ti Avamumo'a kaga kagu afinaga mainiye? ¹⁷ Higeno mago vegamo'a God-ti no'a alino haviya husiyana, God-ti mani vega alino haviya hugiye agai ena, God-ti nona aga asene huniye inaya hunigi lapagai ena asene huta maiyo. ¹⁸ Magoke vegamo'a agai-a kapaloke huo-ateno. Higeno lapaga folaga tapifati agesa oafino maya huno, inagi ategeno aga aifo vega hamale-no, inagi henaga aga afiya aliteno inagi ala afiya vega hamale gaiye. ¹⁹ Mani mopafi apaga apaga vealave mogi alagepa afiya apimo'a God-ti aulagale maya hiye aifonafo kavane. God-ti Vuku-mo'a mage huniye maya huno, "God-ti ago ageno haleniye muki ve apagesa neafi apaga alu ve ali-a haviya hupatesa ya. Aga mani muki kava'a nehiyana apaga pagai-api ali-a haviya hutegefe." ²⁰ Inagi God-ti ke-mo'a mage hiye, "Ala-mo'a muki afifiya-api ageniye apaga afiya veai. Muki yago apagetafo hua hugune hunesa ya-a eno afole oagiye." ²¹ Inaya higeta ha-ao apaga alu vealave ai apagi alita oasagai yo, muki ya-a aga lapagai yane. ²² Inagi Poli-ao o Apolos si-ao o Keapas si-ao o apaga mopafi vealave, laefi yo, o fali yano, o muki ya-a aga lapagai yane, ²³ Inagi lapaga Mesi-a yane inagi Mesi-a aga God-ti yane.