¹ Afo mini nurami Joni Judiac orem tiyimemi, macnin temi, ² "Yindum baekako, inarumi acdekaci yinteno." ³ Afo mini beni profet Aisayan tenimi titimemoni, "Mana arani actaya yayubac iyewac wapatem macnin temi, Iyenonic ayuwiseno, uwicde antekano." ⁴ Afo Joni kemoli anda fo uwan tanim ocanan uremi belti emoni. Bena newanim yunami, yafun namac anin amuc namaci nemoni. ⁵ Afo Jerusalemi kenu namac, Judia ucmaden awafac bayo ucnamaci Jodeni non awafaci ben onarani kumeno. ⁶ Afo yereni Jodeni nom pimi nomi mareno, yenyic sini wan yikuno sireni. ⁷ Akac beni yonanini amucna Farisiuc namac Sadusiuci nom mare wayomi, beni macnin tiren tiyi memoni, "Mada wainta aka fada ucko, iyec ikemi tiyimikac ben aran akam peke yeka fono? ⁸ Afo ikena puka uckam yindum baekeke, akanac irako. ⁹ Ikeni iye wakac indi ekec ikeyan tec, 'Abrami mayauc tikakam beno teko.' Akac teni ikemi tiyimeko Goti Abramin akafandauci mini osinke yiyano eken dan teno. ¹⁰ Afo tasu yacyanda fimi tesac mukeno. Akac yana akan iyewac irane, mini yani ake yare ikan taran teyo. ¹¹ Micni mukaci teni nom ponanam man yinkeko yindum bacede yeraoke. Aka icnayemi yenim waintaci benic erani temac ye acnkakam beno, teni beni sendori pakantim amankac iyem beko. Bena yemi Holi Spiriti ic eran timi nom man yinkan teno. ¹² Afo beni mana yiric min teno, saworim pakamanaremi yemi witi koekem namumi danteno. Demi akac beni pipi akuc uyekem benic arayac iyewac bananim ikakimi danteno. ¹³ Afo Jisasi Galili bakemi Jodeni nompaci bemi, Joni nom marankano wani. ¹⁴ Afo oronimi Joni onaremi macnin temi, "Eya tem nom manti karic iye iyac, eni tempac yewa?" ¹⁵ Afo Jisasi mini waya indiremi macnin tiren tamemi, "Nec tekafu ilic manawac ono, ne awokukac tikenafi ike ucnamac mini pukaic mon teko." Afo Joni mini indiremi awa kuremi. ¹⁶ Afo Jisasi nom mandemi ukukem nompinke undonimi, mini kukakan taci inarun onan diyemoni. Beni onanimi Gotinic spiritin numi ayucemi ben afunkaci kum mandemi. ¹⁷ Afo mana arani inarum pate kumemi, macnin temi, "Mni ten tiyikan intawe, teni anon timo yukami benani eko."