¹ Sa qai qai mai vi Jisu ko ira na vu-ni-vola kei ira voki lia na Farisi mai Jerusalemi, ka tukunia, ² A cava sa talaidredre kinia ko ira na nomu tisapeli ki na nodrai vavuvuli na qase? ni ra sa kana ka ra yali ni vuluvulu. ³ A sa vosa ko koya, ka tukunia vi ira, A cava dou sa talaidredre voki lia ki na vunau ni Kalou ena nomudoui vavuvui ⁴ Ni sa varotia na Kalou, ka tukunia, Varokoroko vi rau na tamamu vata kei na tinamu: ia Ko koya sa vosavacacatakia na tamana se tinana, me sa vamatei. ⁵ Ia dou sa tukunia, O koya yadua ena tukunia vi tamana se tinana, Sa vatabui me nona na Kalou na noqu ka sa yaga vi iko. ⁶ me sa qai yali ni varokoroko vi tamana kei tinana. Ia dou sa valoatakia na vunau ni Kalou ena nomudoui vavuvuli. ⁷ A dauvivakaisini koi ikodou! sa tukuni ikodou vavinaka e liu ko Aisea, ni sa tukunia, ⁸ O ira na tamata koya era sa varokorokotaki au ena gusudra. Ia na yalodra sa yawa tani vi au. ⁹ A sa yali ni yaga na nodra masuti au, NI ra sa vatavuvulitakia na vunau ni tamata mei vavuvuli. ¹⁰ A sa kacivi ira na lewe levu, ka tukunia vi ira, Dou rogocia, ka vakasama: ¹¹ a ka sa curu ki na gusuna sa yali ni vadukadukalitakia na tamata; ia na ka lia sa qai mai na gusuna, sai koya lia sa vadukadukalitakia na tamata. ¹² Sa qai qai mai ko ira na nona tisapeli, ka tukunia vua, O ni sa kila beka era sa lomaca na Farisi, ni ra sa rogocia na vosa koya? ¹³ A sa vosa ko koya, ka tukunia, A kau vayadua lia, e yali ni tea ko Tamaqu valomalagi, ena cavu laivi. ¹⁴ Dou daini ira lia: era sa mataboko, a ra sa tuberi ira na mataboko. Ia kevaka e tuberia na mataboko na mataboko, erau na sikalutu ruarua ki nai keli. ¹⁵ Sa qai vosa ko Pita, ka tukunia vua, Mo ni tukunia mai vi kitou na vosa vatautauvata koya. ¹⁶ A sa tukunia ko Jisu, Oi ikodou voki lia, dou sa yali ni kila rawa? ¹⁷ Dou sa yali beka ni kila, na ka kece lia sa curu ki na gusu sa lutu ki na kete, a sa dai yani ki nai benubenu? ¹⁸ Ia na veika sa curu mai na gusu, sa qai dina mai na yalo, a veika lia koya sa vadukadukalitakia na tamata. ¹⁹ Ni sa curu yani mai na yalo na nanumia ca, na daulaba, na dauyalewa, na daudara, na daubutako, na vibeitaki vailasu, na vosa vacaca. ²⁰ a veika koya sa vadukadukalitakia na tamata: ia ka yali ni vadukadukaktakia na tamata, ni sa kana ka sa yali mada ni vuluvulu. ²¹ Sa qai tani ko Jisu, ka qai ki na viyasana i Taia kei Saitoni. ²² Ka raicia, sa dua na yalewa ni Kenani sa qai mai na yasana ko ya, a sa tagi vua, ka tukunia, Ni lomani au mai, na Turaga, na Luve i Tevita; na luvequ yalewa sa rarawa valevu ni sa curumi koya e dua na tevoro. ²³ A sa yali ni tukunia vua e dua na vosa ko koya. A ra sa qai mai na nona tisapeli ka masuti koya, ka tukunia, Vatalai koya tani; ni sa mai tagi muri ita voki lia. ²⁴ A sa vosa ko koya, ka tukunia, Au sa yali ni talai vei ira na tani, vei ira lia na sipi ni mataqali i Isireli era yali tu. ²⁵ Sa qai qai mai na yalewa, ka cuva vua, ka tukunia, Ikonu na Turaga, ni vukei au mai. ²⁶ A sa vosa ko koya, ka tukunia, Sa yali ni vinaka me yadi na kedra na gone, ka me dai lia vi ira na koli. ²⁷ A sa tukunia na yalewa, E dina lia, na Turaga: ia ko ira na koli era kania na meme ni kakana sa lutu mai na tepeli ni nodra turaga. ²⁸ Sa qai vosa ko Jisu, ka tukunia vua, Yalewa, sa levu na nomu vabautia: me yaco vi iko me vaka na ka ko sa vinakatia. A sa bula na luvena-yalewa ena tiki-ni-siga koya. ²⁹ A sa qai tani mai na vanua koya ko Jisu, ka qai voleka ki na wasawasa ko Kalili; a sa cabe ki na ulu-ni-vanua, ka tiko sobu kinia. ³⁰ A ra sa lewe levu sara sa qai mai vua, era sa yadia mai na lokiloki, na mataboko, na galu, na gera, ka lewe levu voki; a ra sa kotori ira sobu ki na yava i Jisu; a sa vabulai ira ko koya: ³¹ a ra sa kurabui kinia ko ira na lewe levu, ni ra sa raicia sa vosa rawa na galu, sa bula na gera, sa qai rawa na lokiloki, a sa rai rawa na mataboko: a ra sa vacaucautakia na Kalou i Isireli. ³² Sa qai kacivi ira mai na nona tisapeli ko Jisu, ka tukunia, Au sa lomani ira na lewe levu, sa qai bogi tolu era sa tiko lia vi au, a sa yali na ka me ra kania: ia kau sa yali ni via vatalai ira yani ni ra sa yali ni kana, de ra malumalumu e gaunisala. ³³ A sa tukunia vua ko ira na tisapeli, Eda na rawatia mai vi na madrai e lekutu, me ra mamau kinia ko ira na lewe levu koya? ³⁴ A sa tukunia vi ira ko Jisu, E vica na buli madrai sa tu vi ikodou. A ra sa tukunia , E vitu, ka so na ika lalai. ³⁵ A sa vosa ko koya vi ira na lewe levu me ra tiko sobu ena qele. ³⁶ A sa tauria ko koya nai buli madrai e vitu kei na ika, a sa vavinavinaka, a sa dovia, a sa solia vi ira na nona tisapeli, ia ko ira na tisapeli era solia vi ira na lewe levu. ³⁷ A ra sa kana kece lia, a ra sa mamau: a ra sa tomikia vata na vo ni ka sa dovi, ka sa vitu na sova sa sinai kinia. ³⁸ Ia ko ira sa kana era sa lewe va na udolu na tagane, ia ko ira na yalewa vata ki na gone era sa yali ni wili. ³⁹ A sa talai ira yani na lewe levu ko koya, a sa qai vodokia na waqa, a sa tadu ki na yasayasa va Makitala.