21
1
Ia ni keitou sa biuti ira, keitou sa vakarewa ka vue yani ki Kosa, ka e na savulaci ki Roti: ka mai kea ki Patara.
2
Ia ni keitou sa kunea e dua na waqa, sa soko yani ki Finiasi, keitou sa vodoka, ka soko yani.
3
Ia ni keitou sa kunei Kipiro, keitou sa sokobaleta na neitou i mawi, ka keitou sa soko ki Siria, ka uru ki Taia; ni sa sobu kinia nai usana ki waqa.
4
Ia ni keitou sa kunei ira sa lotu, keitou sa tiko kinia ka bogi vitu: ia ni sa vakavuna na Yalo Tabu, era sa tukunia vei Paula, me kakua ni qai cake ko koya ki Jerusalemi.
5
Ia ni keitou sa vakaotia na veisiga koya, keitou sa qai cavu tu ka qai yani: a sa talatala veikeitou ko ira kecelia kei ira na watidra, kei ira na luvedra, keitou sa yaco mada ki nai bili ni koro, keitou sa qai tekiduru e matasawa ka masu.
6
Ia ni keitou sa veitatau, keitou sa vodo ki waqa, a ra sa suka voki ki nodratou.
7
Ia ni keitou sa soko mai Taia, keitou sa yaco ki Tolemo, ka veikidavaki kei ira na veiwekani, ka tiko vata kei ira ka bogi dua.
8
Ena savulaci cake keitou sa qai yani koi keitou sa qai vata kei Paula, ka yaco ki Sisaria: ia keitou sa curu ki na vale i Filipi nai vakavuvuli, ko koya sa dina vei ira na lewe vitu, ka keitou sa tiko vata kaya.
9
A sa lewe va na luvena, eratou sa gone yalewa, a ratou sa dau parofisai.
10
Ia ni keitou sa bogi vica mai kea, sa qai sobu mai Jutia e dua na parofita, ko Akapo na yacana.
11
Ia ni sa curu mai vei keitou ko koya, sa tauria nai vau-ni-sulu nei Paula a sa vesukia na ligana kei na yavana, ka tukunia, "sa vakakoya na vosa ni Yalo Tabu, Era na vesukia vakakoya nai taukei ni vau-n-sulu koya ko ira na kai Jutia era sa tiko mai Jeruisalemi, a ra na solia ki na ligadra era sa yali ni Lotu."
12
13
14
Ia ni keitou sa rogocia na veika koya, koi keitou kei ira vokilia nai taukei, keitou a vakamasuti koya me kakua ni qai cake ki Jeruisalemi. Sa qai tukunia ko Paula, "a cava dou sa kitakia ni dou sa tagi ka vakadatuvutakia na lomaqu? ni'u sa yali ni vakarau me'u vesu walelia me'u mate vokilia mai Jeruisalemi ena vuku ni yaca ko Jisu." Ia ni sa bese ni vakarogocia ko koya, keitou sa kua soti, ka tukunia, "me yaco lia na nona lewa na turaga."
15
Ia ni sa oti na veisiga koya, keitou sa vakasosolo na neitou veika, ka qai cake ki Jeruisalemi.
16
Eso vokilia era sa lotu mai Sisaria, era sa qai vata kei keitou, a ra sa yadia e dua sa lotu makawa, ko Nasoni, na kai Kipiro, me keitou moce e nona vale.
17
Ia ni keitou sa yaco ki Jeruisalemi, era sa vakacegui keitou ena reki ko ira na veiwekani.
18
Ia ni savulaci cake sa qai vata kei keitou ko Paula kei Jemesa; a ra tiko kinia ko ira kecelia na qase.
19
Ia ni sa veikidavaki kei ira ko koya sa qai tukunia yadua na kace sa cakavia na Kalou ena kedra maliwa na veimatanitu ena nona vunau tiko.
20
Ia ni ra sa rogocia, era sa vakavinavinakatakia vua na Kalou, a ra sa tukunia vua, "o iko na wekai keitou, ko sa raicia, era sa lewe vica na udolu na Jiu era sa vakabautia; a ra sa gumatua kecelia me ra muria na vunau:
21
ia ka so sa tukuni iko vei ira, ni ko sa vakavulici ira kecelia na Jiu, era sa tiko ena kedra maliwa na veimatanitu tani, me ra daini Mosese, ni ko sa tukunia me ra kakua ni cilivi ira na gone, se muria nai valavala eliu.
22
Ena vakabeka evei koya? ni ra na rogocia dina ko sa tadu mai.
23
O koya mo qai kitakia na ka koya, keitou sa tukunia vei iko: E le va na tamata sa tiko vata kei keitou eratou a bubului;
24
mo yadia iratou, ka vakasavasavataki iko vata kei iratou, ka volia na nodratou madrali, me ratou tasia na uludratou; me ra kila voki kinia ni sa yali ni dina na ka kecelia ko sa tukunia kinia vei ira, ka ni ko sa muria vokilia na vunau ena nomui valavala.
25
Ia ena vukudra na veimatanitu tani era sa vakabautia, era sa vola oti kinia ka lewa me ra maroroi ira lia mai na ka sa cabo ki na veimatakau mai na dra vokilia kei na ka sa kuna kei na daudara.
26
Sa qai yadi iratou na tamata ko Paula, ia ni sa vakasavasavataki koya vata kei iratou ena savulaci, sa curi ki na vale ni soro, me tukunia na siga ena oti kinia na vakacavacavataki, ka me cabori nai madrai ena vukudratou yadua.
27
Ia ni sa vakarau oti na bogi vitu, ni ra sa raici koya ena vale ni soro ko ira na Jiu mai Esia, era sa vakauqeti ira na tamata kece lia, ka tauri koya,
28
a ra sa qoqolou: "Oi kodou na Isireli, dou veivuke mai: ko koya koya na tamata sa dau vakavulici ira na tamata kece, ena veiyasana kece lia, me ra cati ira na kai noda, kei na vunau, kei na tikina koya: sa yadia vokilia eso era sa matanitu tani ki na vale ni soro, a sa vakadukadukalitakia na tikina tabu koya.
29
Ni ra a raicia e liu sa tiko vata kaya ena ko ro ko Tirofimo na kai Efeso, a ra sa nanumia sa yadia ko Paula ki na vale ni soro.
30
A ra sa ue kecelia na lewe ni koro, a ra sa cici vata ko ira na tamata: a ra sa tauri Paula, ka yaratakia mai na vale ni soro ki tautuba: a sa sogo sara na darava.
31
Ia ni ra sa segata me vakamatei koya, sa yaco vua na turaga levu i mata sotia nai tukutuku, ni sa ue ko Jeruisalemi taucoko.
32
A sa yadia sara ko koya e so na sotia, ka so na turaga lalai, ka cici sobu vei ira: ni ra sa raicia na turaga levu kei ira na sotia era sa mudu ni vaculaki Paula.
33
Sa qai qai voleka na turaga levu, ka tauri koya, a sa tukunia me vesuki ena sinucodo erua; a sa tarogia se ko cei ko koya, ka cava vokilia ka kitakia.
34
A ra sa dui kacivakia na ka tani ko ira na lewe vuqa; ia ni sa yali ni kila ko koya na kena dina ena vuku ni ue, sa qai tukunia me kau ko koya ki na bure ni valu.
35
Ia ni sa yaco ko koya kinai kabakaba, sa yaco ni ra sa veibiliyaki koya yani ko ira na sotia ena vuku ni nodrai valavala vakakukauwa na lewe vuqa:
36
ni sa lewe vuqa na tamata sa muria, ka qoqolou, "Kauta tani yani."
37
Ia ni sa tuberi tiko ko Paula ki na bure ni valu, sa tukunia ko koya vua na turaga levu ni valu, E tara me'u vosa mada vei kemunu? sa qai tukunia ko koya, ko sa kila li na vosa va-kirisi?
38
Ko sa yali li ni koya na kai Ijipita, ko koya ka vere ena gauna sa oti, ka yadi ira ki na veikaue le va na udolu na Daulaba?
39
Sa qai tukunia ko Paula, oi au na Jiu , na kai Tarisu mai
Sisilia, sa yali ni koro kaisi na noqu koro; ia kau sa masuti kemunu mo nu laivi au mada me'u vosa vei ira na tamata.
40
Ia ni sa vakatara ko koya, sa tu cake ko Paula enai kabakaba, ka vakatabataba vei ira na tamata. Ia ni ra sa tiko lo sara, sa vosa vei ira ko koya ena vosa vaka Iperiu, ka tukunia,