Wase 1

1 Oi au na qase vua na daulomani ko Keo, o koya kau sa lomania vaidina. 2 Ikonu na lomani, sa dua loa na ka kau sa gadrevia valevu, mo kalougata ka bula vinaka, me vaka sa bula vinaka sara na yalomu. 3 Niu sa reki valevu, ni ra sa qai mai na viwekani ka tukunia na dina sa tu vi iko, me vaka ni ko sa daumuria na dina. 4 Sa ka levu sara lia na noqu reki e na vuku ni ka e dua bau lia koya, ni konu sa rogocia era muria voki lia na dina ko ira na luvequ. 5 Ikonu na lomani, ko sa caka vadodonu na ka kece lia ko sa caka vi ira na viwekani, vi ira voki lia na vulagi; 6 ko ira era sa tukunia na nomu loloma e na matadra nai soqosoqo lewe ni lotu; ia kevaka ko sa vukei ira e na nodra qai mai me vaka sa vinaka vua na Kalou, o na caka na ka vinaka: 7 ni ra a qai yani e na vuku ni Yacana, a sa yali e dua na ka era tauria mai vi ira sa yali ni lotu. 8 O koya sa dodonu kinia me da vacegui ira era sa vakinia, me da vivuke kinia e na dina. 9 Au a vola vi ira nai soqosoqo lewe ni lotu: ia ko Tiotirifi, o koya sa viavialiu vi ira, sa yali ni vacegui ita. 10 O koya koya kau na nanumia kinia na nonai valavala sa caka ko koya, niu na qai yani, ni sa dau vosavacacataki kitou e na vosa ca: a sa yali ni caka loa lia koya, sa bese voki lia ni vacegui ira na viwekani, a sa tarovi ira era via caka, a sa vasivoi ira mai nai soqosoqo lewe ni lotu. 11 Ikonu na lomani, kakua ni muria na ka ca, muria lia na ka vinaka. O koya sa caka vinaka sa luve ni Kalou: ia ko koya sa caka ca sa yali ni raicia na Kalou. 12 Sa rogo vinaka ko Timitirio mai vi ira kece lia, mai na dina voki lia; io, kitou sa tukunia vakinia; ka dou sa kila sa dina na nitou i tukutuku. 13 Sa levu sara lia na ka vi au meu vola, ia kau na yali ni vola vi iko ena wai ni volavola kei na peni voki lia: 14 ia kau sa nakitia me raici iko vatotolo, me daru vivosaki e na matanavotu. 15 Me tu vi iko na vacegu. Sa loloma yani vi iko ko ira na viwekani. Au sa loloma yani vi ira yadua na viwekani.