¹ Oi au na qase vua na marama era sa digitakia tu, kei ira voki lia na luvena, o ira kau sa lomania vaidina; ka yali ni koi au duadua loa lia, o ira kece voki lia era sa kila na dina; ² e na vuku ni dina, o koya ka tiko e na lomada, ena tu lia vi ita ka yali ni mudu: ³ Me nomudou na loloma, na yalololoma, na vacegu, mai vua na Kalou ko Tamada, kei na Turaga ko Jisu Karisito, na luve i Tamada, ena dina kei na loloma. ⁴ Au sa rekitakia valevu dina e noqu raicia ni ra sa muria tiko na dina eso vi ira na luvemu, me vaka sa varoti ita kinia na Tamada. ⁵ Ia kau sa qai vamasuti iko, na marama, ia ka yali ni vaka niu sa vola vi iko na vunau vou, koya lia sa tu vi ita mai nai vatekivu, me da vilomani. ⁶ Ia koya na loloma, me da muria na nona vunau. Na vunau koya, Me vaka na ka dou a rogocia mai nai vatekivu, mo dou muria sara lia. ⁷ Ni ra sa lewe levu sara lia na dauvivacalai sa qai voli e vuravura, ko ira era sa yali ni vatusa ni sa liatamata mai ko Jisu Karisito. O koya koya na dauvivacalai kei na meca i Karisito. ⁸ Dou varaici ikodou, me kakua ni yali vi ikodou na ka kitou a caka, mo dou rawatia kece lia na kenai sau. ⁹ O koya yadua sa talaidredre, ka sa yali ni tu dei e nai vavuvuli ki Karisito, sa yali ni tu vi koya na Kalou. O koya sa tu dei enai vavuvuli ki Karisito, sa tiko vua na Tamada kei na Luvena voki lia. ¹⁰ Kevaka e dua sa qai kivei ikodou, a sa yali ni yadia nai vavuvuli koya, kakua ni yadi koya ki vale, se vosavakalougatatakia: ¹¹ ia ko koya sa vosavakalougatatakia sa tautauvata kaya e na nonai valavala ca. ¹² Sa levu na ka kau sa via vola vi ikodou, ia kau sa yali kinia ni vinakatia meu vola e na pepa kii na wai ni volavola: ia kau sa nakitia meu qai vi ikodou, ka vivosaki e na matanavotu, me levu sara kinia na noda marau. ¹³ Sa loloma yani vi iko ko ira na luvena na wekamu yalewa sa digitaki tu. Emeni.