2 ¹ Ia ka'u sa lewa va koya e na lomaqu, me'u kakua ni qai voki vei ikodou e na veivararawataki. ² Io, kevaka ka'u sa vararawatakia na lomamudou, o cei sa vamarautaki u, o koya duadualia ka'u sa vararawatakia? ³ Ia ka'u a vola vakinia vei ikodou, de vararawataki na lomaqu, ni'u qai yani, e na vukudra sa dodonu me'u reki kinia; ka'u sa vararavi lia vei kodou kece lia ni sa nomudou kece lia na noqu reki. ⁴ Ni sa rarawa valevu ka yaluma na lomaqu ni'u a vola vei ikodou, a sa vawai valevu na mataqu; sa yali ni dou rarawa kinia, ia mo dou kila lia ni sa levu sara na noqu loloma vei ikodou. ⁵ Ia kevaka e dua sa ia na veivararawataki, sa yali ni vararawataki au lia ko koya, ia (me'u kakua ni bitakia valevu) koi ikodou kece vokilia. ⁶ Sa rauti koya sa vakinia na kenai sau koya, sa yaco vua mai vei ira na lewe vuqa: ⁷ ka sa kilikili cake kinia mo dou kua soti ni cudruvia, ka mo dou vaceguya, de luvuci koya sa vakoya na nona rarawa levu sara. ⁸ O koya koya ka'u sa masuti ikodou kinia, mo dou vadinadinatakia na nomudou loloma vei koya. ⁹ Ni sa ka vokilia koya ka'u sa yali ni cudruvia e dua e na ka kece lia, se yali. ¹⁰ Ia kevaka dou sa yali ni cudruvia e dua e na dua na ka, au sa vaka vokilia kinia koi au; ia kevaka ka;u sa yali ni cudruvakia e dua na ka, sai ikodou lia ka'u sa yali ni cudruvakia e du na ka, sai ikodou lia ka;u sa yali ni cudru vakia kinia e na mata i Karisito; ¹¹ me kakua ni rawai ita ko Setani: ni sa yali ni lecavia na nona daulawaki. ¹² Ia ni'u a qai ki Tiroa e na vuku ni tukutuku-vinaka kei Karisito, a sa dola vei au na darava na Turaga, ¹³ sa yali ni cegu na yaloqu, ni'u sa yali ni raici Taito na wekaqu; au sa qai tatau vei ira, ka qai tani ki Masitonia. ¹⁴ Me ia na vavinavinaka vua na Kalou, o koya sa tuberi itatou tiko lia e na reki e na yaca i Karisito, ka sa vatakilatakia vata kei itatou e na yasana kecelia ni sa boi vinaka na kilai koya. ¹⁵ Ni sai Karisito keitou sa boi vinaka kinia e na mata ni Kalou, vei ira era sa vabulai tiko, vei ira vokilia era sa varusai tiko: ¹⁶ vei ira koya sa boiboi vivamatei me ra mate kinia; vei ira oqori sa boiboi veivabulai me ra bula kinia. Ia ko cei sa rawa na veika koya? ¹⁷ Ni itatou sa yali ni dauvatanitakia na vosa ni Kalou, me vataki ira na lewe vuqa; ia itatou sa vataki ira era sa dina sara, me vaka sa mai vua na Kalou, e na mata ni Kalou, keitou sa vosa e na yaca i Karisito.