¹ Oi au o Paula, nai talatala ni Kalou vata ki nai apositolo i Jisu Karisito, ina vuku ni nodra vabaujia sa djigitaki ira na Kalou vata ki na vatusa nai vavuvuli djina sa va na lotu; ² me vanuinuitakia na bula reva ni mudu, o koya sa yalatakia eliu na Kalou, o koya sa reva ni lasu rawa, a sa qai vatekivu emuri o vuravura; ³ a sa qai varaitakia na nona vosa ina kena gauna ni sa vunautakia, au sa lesi kinia me'u caka me va na nona vosa na Kalou na nodai Vabula; ⁴ vi Taito na luvequ djina me va na vabaujia sa tu vi kita keceliga: Me sa nomu na loloma, na yalololoma, na vacegu, mai vua na Kalou o Tamada vata ki na Turaga o Jisu Karisito na nodai Vabula. ⁵ Au ma daini iko mai Kiriti, mo vadodonutakia na vika sa vo, ka mo lesia nai talatala qase ki na vikoro yadua, me vaka ka'u a varotia vi iko: ⁶ keva e dua sa reva ni cala, sa vawati vadua, a ra sa vabautia o ira na luvena, a sa reva ni beitakia vi ira nai valavala vatani, se na talaidredre. ⁷ Ni sa dodonu me reva ni cala nai talatala qase, me va sai talatala ni Kalou; me reva ni domoqa, me reva ni daucudrucudru, me reva ni daugunu waini, me reva ni dauviba, me kakua ni daudomona nai yau vasisila: ⁸ me dauvacegui ira na vulagi, me daulomani ira na tamata vinaka, me yalomatua, me yalododonu, me yalosavasava, me daurawa na yalona; ⁹ me tauria matua nai vavuvuli djina sa vatavulici kinia, me rawajia o koya me varojia nai vavuvuli sa vinaka, ka vunauci ira vokiliga era sa vosa vatani. ¹⁰ Ni ra sa lewe levu era sai valavala vatani, era sa dautalanoa la liga ka dauvivakaisini, era sa vakinia valevu o ira na cili; ¹¹ ia ka sa dodonu me ra vagalui, ni ra sa vacalai ira kece na lewe-ni-vale eso, ni ra sa vatavulicia na ka sa reva ni kilikili, ina vuku ni yau vasisila. ¹² E dua vi ira, a nodra parofita, sa tukunia, A nodra i tovo liga na kai Kiriti me ra daulasu, era manumanu ca, era sa daukana ka vucesa. ¹³ Sa djina nai tukutuku ke. O koya ke mo qai vunauci ira vararawa, me vinaka kinia na vabautia; ¹⁴ me ra reva ni nanumia nai tukuni la liga va-Jiu, se na nodra vivaro na tamata era sa lesu voki mai nai vavuvuli djina. ¹⁵ Sa savasava na ka keceliga vi ira era sa yalosavasava: ia vi ira era sa dukadukali ka reva ni vabautia sa reva na ka sa savasava; ia sa dukadukali na nodra lewa-eloma vata ki na yalodra. ¹⁶ Era tukunia era sa kila na Kalou: ia ena nodra i valavala era sa cakitakia, ni ra sa tamata vasisila, ka talaidredre, ka reva ni yaga ki na dua na cakacaka vinaka.