¹ Oi au o Paula, sa vesu tu ena vuku i Karisito Jisu, ki Timoci na wekada, vi Filimoni o koya kirau sa daulomania, ki na nirau i tokani, ² vi Afia vokiliga na wekada yalewa, vi Akipo vokiliga na nirau i tokani enai valu ke, vi ira vokiliga nai soqosoqo lewe ni lotu era sa tiko ena nomu vale: ³ Me nomudou na loloma, ki na vacegu, mai vua na Kalou ko Tamada, ki na Turaga o Jisu Karisito. ⁴ Au sa vavinavinaka vua na noqu Kalou, ni'u sa cavuti iko ena visiga ena noqu masu; ⁵ ni'u sa rogocia na nomu loloma ki na nomu vabaujia vua na Turaga ko Jisu, kivi ira kece vokiliga era sa lotu; ⁶ me mai kaukauwa na vabauja sa tu vi iko, me vatakilai kinia na ka keceliga e vinaka sa tu vi ikodou, ena vuku i Karisito Jisu. ⁷ Ni sa levu na nitou reki ki na vacegu ena vuku ni nomu loloma, na wekaqu, ni o sa vaceguya na lomadra era sa lotu. ⁸ E dina liga sa rawa me'u doudou valevu ena vuku i Karisito me'u varojia vi iko na ka e kilikili; ⁹ ia ena vuku ni nodaru vilomani liga ka'u sa vinakajia cake me'u vamamasu liga, ni'u sa vake oi au o Paula na qase, ia au sa vesu vokiliga ni kua ena vuku i Jisu Karisito. ¹⁰ Au sa vamasuji iko e na vuku ni luvequ ko Onesimo, o koya ka'u sa vatuburia ni'u sa vesu tu: ¹¹ (o koya sa yali ni yaga eliu vi iko, ia sa qai yaga vi iko, vi au vokiliga:) ¹² au sa qai tala voki vi iko: o koya ke mo vacegui koya, ni sa va na lewequ djina sara: ¹³ au sa via tauria liga me tiko vi au, me kemui sosomi me sa qaravi au ni'u sa vesu tu ena vuku ni tukutuku-vinaka: ¹⁴ ia ni'u sa reva ni kila na yalomu, au sa reva ni via caka e dua na ka: me kakua ni va na ka ni vasaurara na nomu loloma, me sa lomamu liga kinia. ¹⁵ Ni sai koya beka ke sa qai tani valekaleka kinia, mo tauri koya voki ka reva ni mudu; ¹⁶ me kakua ni va na tamata laliga, me sa uasivi cake ena tamata laliga, me wekamu lomani, e valevu vi au, ia ka vaevei vi iko, ena ka vavuravura, ki na ka ni Turaga vokiliga? ¹⁷ Ia ke, kevaka o sa vakasami au ni'u sai tokani, mo vacegui koya me vataki au. ¹⁸ Keva sa vacacani iko o koya ena dua na ka, se sa dua na ka sa dinau kinia vi iko, mo volai au kinia; ¹⁹ oi au o Paula, au sa vola ena ligaqu djina, au na saumia; ia au sa reva ni tukunia vi iko ni sa dodonu liga mo noqu vokiliga o iko. ²⁰ Io, noqu i tokani, me'u rekitaki iko mada ena Turaga: vaceguya na lomaqu ena vuku i Karisito. ²¹ Ni au sa vadinajia o na talairawarawa, au sa vola kinia vi iko, ni'u sa kila o na caka na ka au sa tukunia, ka uasivi cake kinia. ²² Mo varautakia vokiliga e dua na vale me'u moce kinia: ni'u sa djinajia au na soli vi ikodou ena vuku ni nomudou masu. ²³ Eratou sa loloma yani vi iko o Epafira, kirau sa vesu vata kaya ena vuku i Karisito Jisu; ²⁴ ki iratou vokiliga na noqu i tokani, o Marika, o Arisitako, o Timasa, o Luke. ²⁵ Me jiko ki na yalomudou na loloma ni noda Turaga o Jisu Karisito. Emeni.