¹ O Juta, nai talatala i Jisu Karisito ka taci Jemesa, vi ira sa kacivi mai vua na Kalou na Tamada, ki na vimaroroi i Jisu Karisito. ² Ma valevutakia vi ikodou na yalololoma vata ki na vacegu vata ki na loloma. ³ Oi ikodou na noqu i tokani, au ma tovolea i liu me'u vola yani vi ikodou na vika ma balejia na vivabulai ni Kalou sa noda keceliga, au sa qai vauqeji voki me'u sa volavola liga yani ke me'u vayaloqaqataki ikodou mo dou vala jikoliga i na vuku ni vabaujia sa solia na kalou vi ira na nona tamata. ⁴ Ni ra sa curu vailo mai eso na tamata, ra sa volai i liu me ra cudruvi kinia na tamata reva ni lotu, ka ra sa vatanitakia na loloma savu ni noda Kalou mei ubi ni nodra i valavala vasisisila, ka cakitakia na noda i Vavuvuli, ka noda Turaga duadua liga o Jisu Karisito. ⁵ Ia ke, e djina liga ni dou sa kila tu na vika kece ke, au sa vinakajia liga me'u vananumi ikodou na vivabulai ma vayacoria na Turaga vi ira na Isireli mai Ijipita, sa qai varusai ira i muri o ira ra reva ni vabaujia. ⁶ O ira vokiliga na agilosi ra reva ni tudei i na nodra yalayala ni reva ni mudu, ka jiko i na jikina butobuto, me yacovia na siga ni lewa. ⁷ Sa vakinia o Sotoma vata ki Komora vata ki ira na vikoro lelevu ra jiko vavolivolijia, ra sa caka liga na i valavala vasisila ni vibutakoci vata ki na garogaro ca. Ra sa cudruvi liga i na bukawaqa e reva ni mudu mei vavuvuli vi kita keceliga. ⁸ Sa vavokiliga kinia, o ira na dautadra ra sa vaduka na yagodra, ra sa cajia na lewa ni Kalou, ra sa vosavacacataki ira na vika bula. ⁹ Ia o Maikeli, na agilosi ka uasivi ni sa vileji jiko vata kina tevoro, vilejitakia na yago i Mosese, sa reva ni doudou me vosa vacacataki koya, sa tukunia liga, "Me cudruvi iko na Turaga!." ¹⁰ Ia o ira ke, ira sa vosavacacatakia na ka ra reva ni kila, ia na ka ra sa kila vai ira, me va na manumanu sa reva ni vayalo, i na vika ke, sa varusai ira voki. O ¹¹ ira na kalou ca vaidjina, o ira sa muria na sala i Keni, a ra sa muria ena marau ca na caka cala i Pelami me ra vaivoli kinia, a ra sa rusa ena vosa ni vivoraji i Kora. ¹² O ira ke na cakau duka ina nomudou kana vilomani, ni ra sa reava ni rere ina ikodou kanavata - nai vakatawa ra sa vakani ira liga. Ra sa va na o reva na kena uca ka viyadjiyaki voli ina cagi; a kau sa malai na vuana, ka reva ni vua, sa mate liga varua, sa cavu dai sara liga na wakadra. ¹³ Ra sa ua cudrcudru ni wasawasa, ni ra sa varaitakia i colo na nodra i valavala e vivamaduataki me va na sou ni ua. Ra sa va na vikalokalo dau vitosoyaki ka sa varautakia oji tu na Kalou na nodra jikinia ina vanua butobuto loaloaka reva ni mudu. ¹⁴ Ia, o Inoki vokiliga, nai ka vitu sa taravi Atama, sa tukunia vokiliga na vosa ni parofisai ma baleji ira ke, ni sa tukunia, "Raicia! ni na qai mai na Turaga vata ki na udolu vaudolu na nona agilosi yalosavasava. ¹⁵ Sa qai mai ma cudruvi ira keceliga, ka vunauci ira vadodonu o ira ra reva ni lotu jiko, ina vuku ni nodra i valavala keceliga ra sa caka ni ra sa reve ni rerevakia na Kalou vata ki na nodra qaqa ra sa vosavacacataki koya kinia o ira ra reva ni rerevakia na Kalou. ¹⁶ O ira ke na dauvosa kudrukudru, na daudidi, ra sa muria vokiliga na nodra gagadre ca. Na gusudra sa vosatakia na vosa viavialevu, ka ra daudokai ira na tamata eso me ra vaiyau kinia mai vi ira ¹⁷ Ia, o ikodou ka lomani, dou nanumia na vosa ra sa tukunia iliu o ira nai apositolo ni noda Turaga o Jisu Karisito. ¹⁸ Ra sa tukunia vi ikodou, "Ina gauna mai muri na so na dauvivasewasewani ra na daumuria vokiliga na nodra gagadre ca na reva ni lotu. ¹⁹ Sai ira ke sa tawasei ira tani, ra sa dauvayalomakawa, a sa reva ni tu vi ira na Yalo Tabu. ²⁰ Ia, oi ikodou ka lomani, dou vivatataki ikodou cake vai ikodou ina nomudou vabaujia savasava sara liga, dou asu liga ina Yalo Tabu, ²¹ dou maroroi ikodou mo dou tu liga ina loloma ni noda Turaga o Jisu Karisito ki na bula reva ni mudu. ²² Ia, dou lomani ira na lomalomarua. ²³ Vabulai ira ni dou sa yadji ira tani mai na bukawaqa; ka lomani ira era sa rere; ni dou sa cajia nai sulu sa dukadukali vayago. ²⁴ Ia , me qai caka vua sa rawajia me tauria ikodou mo dou reva ni bale kinia, me varaitaki ikodou vokiliga ina matana sa vaiukuuku ina marau vaidjina sara ni dou sa reva ni cala, ²⁵ me caka vua na Kalou na nodai Vabula duadualiga, ina vuku ni noda Turaga o Jisu Karisito na varokoroko vata ki na ka Vaturaga vata ki na lewa vata ki na kaukauwa, ina gauna keceliga sa oji yani, ni kua vokiliga, ka reve ni mudu. Emeni.