¹ Oi au na matua vua na daulomani o Keo, o koya au sa lomania vaidjina. ² Ikonu na lomani, sa dua lia na ka au sa vinakatia valevu, mo kalougata ka bula vinaka, me va sa bula vinaka sara liga na yalomu. ³ Niu sa reki valevu, ni ra sa qai mai na viwekani ka tukunia na djina sa tu vi iko, me va ni o sa daumuria na djina. ⁴ Sa ka levu na noqu reki ena vuku ni ka e dua la liga ke, niu sa rogocia era muria na djina o ira na luvequ. ⁵ Ikonu na lomani, o sa caka vadodonu na ka keceliga o sa caka vi ira na viwekani, vi ira vokiliga na vulagi; ⁶ o ira era sa tukunia na nomu loloma ena matadra nai soqosoqo lewe ni lotu; ia keva o sa vukei ira ena nodra qai mai me va sa vinaka vua na Kalou, o na caka na ka vinaka: ⁷ ni ra a qai yani ena vuku ni Yacana, a sa reva e dua na ka era tauria maivi ira sa reva ni lotu. ⁸ O koya sa dodonu kinia me da vacegui ira era sa vakinia, me da vivuke kinia e na djina. ⁹ Au a vola vi ira nai soqosoqo lewe ni lotu: ia o Tiotirifi, o koya sa viavia liutaki vi ira, sa reva ni vacegui kitou. ¹⁰ O koya ke au na nanumia kinia na nonai valavala sa caka o koya, niu na qai yani, ni sa dau vosavacacataki kitou ena vosa ca: a sa reva ni caka la liga ke, sa sece vokiliga ni vacegui ira na viwekani, a sa tarovi ira era via caka, a sa vacegui ira mai nai soqosoqo lewe ni lotu. ¹¹ Ikonu na lomani, kua ni muria na ka ca, muria liga na ka vinaka. O koya sa caka vinaka sa luve ni Kalou: ia o koya sa caka ca sa reva ni raicia na Kalou. ¹² Sa rogo vinaka ko Timitirio mai vi ira keceliga, mai na djina vokiliga; io, kitou sa tukunia vakinia; ka dou sa kila sa djina na nitou i tukutuku.

¹³ Sa levu na ka vi au meu vola, ia au na reva ni vola vi iko e na wai ni volavola vata na peni: ¹⁴ ia au sa nakijia me raici iko va totolo mada, me daru vivosaki ena matanavotu. ¹⁵ Me tu vi iko na vacegu. Sa loloma yani vi iko o ira na viwekani. Au sa loloma yani vi ira yadua na viwekani.