¹ Oi au na matua vua na marama sa djigitaki tu, ki ira na luvena, o ira au sa lomania vaidjina; ka reva ni o au duadua liga, o ira kece voki liga era sa kila na djina; ² ena vuku ni djina, o koya ka jiko ena lomada, ena tu liga vi kita ka reva ni mudu: ³ Me nomudou na loloma, na yalololoma, na vacegu, mai vua na Kalou o Tamada, vata na Turaga o Jisu Karisito, na luve i Tamada, ena djina vata na loloma. ⁴ Au a reki valevu niu a raici ira na luvemu eso era sa dau muria nai vavuvuli ni djina, me vaka eda sa varoji kinia mai vua na Tamada. ⁵ Ia au sa qai vamasuji iko, na marama, ia a reva ni vaka niu sa vola vi iko na vunau vou, gona liga sa tu vi kita mai nai vatekivu, me da vilomani. ⁶ Ia ke na loloma, me da muria na nona vunau. Na vunau ke, Me vaka na ka dou a rogocia mai nai vatekivu, mo dou muria jiko. ⁷ Ni ra sa lewelevu na dauvivacalai sa qai voli e vuravura, ko ira era sa reva ni vatusa ni sa liatamata mai o Jisu Karisito. O koya ona na dauvivacalai kei na meca i Karisito. ⁸ Dou varaici ikodou, me kakua ni yali vi ikodou na ka kitou a caka, mo dou rawajia kece liga na kenai sau. ⁹ O koya yadua sa talaidredre, ka sa reva ni tu dei e nai vavuvuli ki Karisito, sa reva ni tu vi koya na Kalou. O koya sa tu dei e nai vakavuvuli ki Karisito, sa jiko vua na Tamada kei na Luvena voki liga. ¹⁰ Kevaka e dua sa qai vi ikodou, a sa reva ni yadjia nai vavuvuli ke, kua ni yadji koya i vale, se vosavakalougata takia: ¹¹ ia o koya sa vosavakalougata takia sa tautauvata kaya e na nonai valavala ca. ¹² Sa levu na ka au sa via vola vi ikodou, ia au sa reva kinia ni vinakajia meu vola i na veva vata na wai ni volavola: ia au sa nakijia meu qai vi ikodou, ka vivosaki e na matanavotu, me levu sara kinia na noda marau.

¹³ Sa loloma yani vei iko ko ira na luvena na wekamu yalewa sa djigitaki tu. Emeni.