Sa vabulai na vukavuka ko Jisu, kei na nona tamata na turaga ni valu, kei na tina ni wati i Pita, 1 - 17. Sa qai tukunia vei ira na nona tisapeli nai valavala ni tamata sa muri koya, 18 - 22. Sa qai vunaucia na wai, 23 - 27; a sa vasevi ira na tevoro mai na tamata e le rua, 28 - 34.

1 Ia ni sa qai sobu mai na ulu-ni-vanua ko koya, era sa lewe vuqa sara sa muri koya. 2 Ka raicia, sa dua voki lia na tamata vukavuka sa qai mai ka cuva vua, ka tukunia, ko ni sa vasavasavataki au rawa. 3 A sa dodoka na ligana ko Jisu, ka tarai koya, ka tukunia, Au sa vinakatia; mo savasava mai. A sa savasava vasauri lia na nona vukavuka. 4 A sa tukunia vua ko Jisu, Raicia mo kakua mada ni tukunia vua e dua; ia mo qai varaitaki ikonu lia vua na bete, ka vacabora lia na madrali sa varotia ko Mosese, me kenai vaidinadina lia vei ira. 5 Ia ni sa curu ko koya ki Kapenaumi, sa qai mai vua e dua na turaga ni valu, ka masutia, 6 ka tukunia,Noqu Turaga, sa davo koto mai nitou na noqu tamata sa tauvi paralasi, a sa yaluma valevu sara. 7 A sa tukunia vua ko Jisu, Au na qai vabulai koya. 8 Sa qai vosa lia na turaga ni valu, ka tukunia, Na Turaga, au sa yali ni yaga moni curu lia kina noqu vale: mo ni cavutia lia na vosa, ena bula kinia na noqu tamata: 9 niu sa turaga lailai ko i au kau sa lewa lia na sotia eso: ia kau sa tukunia vua e dua, Mo qai, sa qai voki lia;ka tukunia vua e dua tani, Mo qai mai, a sa qai mai; ka tukunia vei noqu tamata, Mo kitaka lia koya, a sa kitakia. 10 Ia ni sa rogocia ko Jisu, sa kurabui, a sa tukunia vei ira era sa muri tiko, Au sa tukunia vaidina vei kimudou, Au sa yali ni kunea voki lia vei ira na Isireli e dua na vabauta levu va koya: 11 au sa tukunia lia vei kimudou ni ra na lewe vuqa era na qai mai na tu i cake, mai ra voki lia; ka tiko sobu kei Eparama, Aisake kei Jekope, e na matanitu valomalagi: 12 ia ko ira voki lia na gone ni matanitu era dai ki na butobuto e tautuba; era na dau tagi kinia ka vasequruquru bati. 13 Sa qai tukunia vua na turaga ni valu o Jisu, mo qai lia; ia me vaka lia o sa vabautia, me yaco lia vei ikonu. A sa bula lia na nona tamata e na tiki ni siga koya. 14 A sa qai ki na vale nei Pita o Jisu. A sa raicia na tina ni watina, sa davo koto, ka tauvi-katakata. 15 A sa tara lia na ligana o koya, a sa takali voki lia na katakata: a sa tu cake lia o ikonu ka qaravi ratou. 16 Ia ni sa qai raiyavi, sa yadi mai vei ikonu e lewe vuqa sa curumu ira lia na tevoro eso: a sa vasevi ira voki lia na tevoro e na vosa, a sa vabulai ira kece lia sa tauvimate: 17 O koya sa vayacori kinia na vosa sa tukunia ko Aisake na parofita, ka tukunia, O koya lia sa yadia vei ikonu na noda malumalumu, ka colatia na noda mate. 18 Ia ni sa raicia ko Jisu, era sa lewe vuqa sara sa vavolivoliti koya, sa tukunia me ia na qai ki tai kadua. 19 A sa qai mai e dua na vu-ni-vola ka tukunia vua, Vavuvuli, au na muri ikonu kina veiyasana ko na qai kinia. 20 Sa qai tukunia vua o Jisu, Sa vaqara na fokise, a sa vairoro na manumanu vuka, ia na Luve ni tamata, sa yali vua na tikina me kotora kinia na uluna. 21 A sa dua voki lia na nona tisapeli sa tukunia vua, Kimunu na Turaga, daini au meu qai mada me'u lai buluti tamaqu. 22 A sa tukunia vua ko Jisu, Mo muri; ka dainia na mate me ra buluta na nodra mate. 23 Ia ni sa qai lia me vodoka na waqa ko konu, era sa muri koya na nona tisapeli. 24 Ka raicia, sa tubu na cava levu e na wasawasa, a sa luvu na waqa e na biau: a sa moce ko konu. 25 Sa qai mai ko ira na nona tisapeli, ka vayadrati koya, ka tukunia, Kemuni na Turaga, vabulai keda: eda sa mate. 26 A sa tukunia vei ira ko koya, Dou sa rere e na vuku ni cava, koi kimudou sa lailai na nomudou vabauta? Sa qai tu cake o ikonu, ka vunauca na cagi kei na wasawasa; a sa maravu sara mai. 27 A sa kidacala ko ira na tamata, ka tukunia, E vabeka lia evei nai tovo ni tamata koya, ni sa talairawarawa vua na cagi kei na wasawasa. 28 29 Ia ni sa udu ko konu ki tai kadua, ki na nodra vanua na kai Kerikesa, sa sota lia e lewe rua sa curumi rau eso na tevoro, erau sa qai mai nai bulubulu, a rau sa yalo-cudrucudru lia, a sa yali kinia na tamata sa qai rawa e na sala koya. Ka raicia, era sa qoqolou, ka tukunia, E vaevei koi kidou, kimunu Jisu na luve ni Kalou? ko ni sa qai beka mai kike me vararawataki kimami ni sa yali ni yaco na kena gauna? 30 A sa dua na qele ni vuaka levu sa vakani, sa tu lia vayawa kei ira. 32 A sa sa masuti koya ko ira na tevoro, ka tukunia, Kevaka ko sa vasevi kimami, dainia me kimami curuma na qele ni vuaka. A 31 sa tukunia vei ira ko konu, Dou qai lia. A ra sa qai tani, ka ra sa curumia na qele ni vuaka; ka raicia sa cici sara na qele ni vuaka taucoko e na baba ki na wai, ka ra sa mate lia e na wai. 33 Ia ko ira sa vakania, era sa dro, ka qai ki na koro, ka tukunia na ka kece lia, kei na ka sa yaco vei rau ka curumi rau ko ira na tevoro. 34 Ka raicia, era sa qai kece yani na lewe ni koro me ra tavaki Jisu: ia ni ra sa raici ikonu, era sa masutia me qai taki yani e na nodra vanua.