Sa vavulici ira na nona tisapeli ko Jisu me ra kakua ni viavia levu, 1 - 6. Me ra biuta na ka ca kece lia e dauvacalai ira, me ra lomani ira era gone lalai lia e na lotu, 7 - 14. Sa qai vatakila ko koya nai valavala e dodonu ni da sa vacacani, 15 - 20. Me da kakua ni saumia vei ira era sa vacacani keda vavuqa, 21 - 35. 24
1
A sa curu yani ko Jisu ka qai tani e na vale ni soro: a ra sa qai mai na nona tisaipeli me ra vatakila vua na vivale e na vale ni soro.
2
A sa tukunia vi ira ko Jisu, Dou sa raicia na ka kece lia koya, ne? au sa tukunia vaidina vi ikodou, Ena yali ni vo tu gona na vivatu sa vitaqataqai, ena talaraki sobu kece lia.
3
Ia ni sa tiko ko koya mai na ulu-ni-vanua ni violive, sa qai vuni vua ko ira na tisaipeli, ka tukunia, Ni tukunia mai vi kitou, se na yaco ninaica na veika koya? ia ka cava nai vatakilakila ni nomuni qai mai, ki nai vataotioti ki vuravura?
4
A sa vosa ko Jisu, ka tukunia vi ira, Qarauni ikodou vinaka de vacalai ikodou e dua.
5
Ni ra na lewe levu era na qai mai ka vacavutaki au, ka tukunia, Oi au na Karisito; ia ka lewe levu era na vacala.
6
Ia dou na rogocia nai valu, ki nai rogorogo ni valu: mo dou kakua ni kidroa: ni sa kilikili me yaco na ka koya, ia ka sa bera lia nai vataotioti.
7
Ni na vibolebolei na vivanua eso, ki na vimatanitu eso: ena yaco voki lia na dausiga, ki na tavuki ni vanua, e na yasana e vuqa.
8
Ia na ka kece lia koya sa kenai vatekivu ni ka rarawa.
9
Dou na qai soli yani me vararawatakia, ka dou na vamatei; ia dou na cati vi ira na lewe ni veivanua kece lia e na vuku ni yacaqu.
10
Ia ena lewe levu era na qai tarabe, a ra na visoliyaki, ka vicati.
11
Ena lewe levu voki lia na parofita vailasu ena tubu cake mai, ia ka lewe vuqa era na vacala.
12
Ia ni sa tubu valevu nai valavala ca, ena batabata mai na nodra loloma na lewe levu.
13
Ia ko koya ena vosotia me yacovia nai vataotioti, ena vabulai ko koya.
14
Ia ena vunautakia mada e vuravura taucoko nai tukutuku-vinaka koya ki na matanitu, mei vadinadina ki na vivanua kece lia; sa na qai yaco emuri nai vataotioti.
15
Ia ni dou sa raicia sa tu e na vale tabu na ka vasisila sa dauvivarusai, o koya sa vosa kinia ko Taniela na parofita, (me kila mada ko koya sa wilikia:)
16
me qai se ki na viulu-ni-vanua ko ira era sa tiko e Jutia:
17
me kakua ni qai sobu mai ko koya sa tiko e dela ni vale, me yadia tani na ka mai nona vale;
18
ia me kakua ni lesu voki ko koya sa tiko e na were, me yadia na nonai sulu.
19
Ka na ca vi ira e ra sa bukete, ki ira era sa vasucumia na gone, e na gauna ko ya!
20
Ia dou masu me kakua ni yaco na nomudou se e na vula i liliwa, se e na siga ni vacecegu:
21
ni na qai levu sara na rarawa, ka yali ni vakinia eliu mai nai vatekivu ki vuravura ka yacovia na gauna koya, ka na yali sara voki lia emuri.
22
Ia kevaka ena yali ni valekalekatakia na gauna ko ya, ena yali na tamata me bula rawa: ia e na vukudra sa digitakia ena valekalekatakia na gauna ko ya.
23
23Kevaka ena qai tukunia vi ikodou e dua, Raicia, sa tiko koya na Karisito; se, sa tiko mai gona; kakua ni vadinatia.
24
Ni na tubu mai na Karisito vailasu eso, ki na parofita vailasu eso, a ra na vatakila na vivatakilakila lelevu ki na veika e vivakurabuitaki; ia ke rawa, ke ra na vacalai ira voki lia sa digitakia.
25
Raicia, au sa qai tukunia oti vi ikodou ni sa bera ni yaco.
26
Kevaka era na tukunia vi ikodou, Raicia, sa tiko ko koya mai vikau! kakua ni qai kinia: Raicia, sa tiko mai loqi! kakua ni vadinatia.
27
Me vaka sa tibi na livaliva mai na tu i cake, ka sa rairai yani ki ra; ena vaka voki lia kinia na nona qai mai na Luve ni tamata.
28
Ni ra na soqoni vata na ikeli ki na yasana kece sa koto kinia na yago.
29
Ia ni sa oti mada na gauna rarawa ko ya, ena qai vabutobutotakia vasauri na mata-ni-siga, ena yali voki lia ni cila na rarama ni vula, ka na lutu mai lomalagi na vikalokalo, ka na vitosoyaki na veika kaukauwa ni lomalagi:
30
ena qai rairai mai nai vatakilakila ni Luve ni tamata mai lomalagi; ena qai tagi na mataqali vakayadua lia e vuravura, era na qai raicia na Luve ni tamata ni sa qai mai ena veio mai lomalagi e na kaukauwa ki nai ukuuku levu.
31
Ia ena talai ira na nona agilose ko koya ki na davui sa rogolevu, ka ra na vasoqoni ira vata na nona digitaki mai na mata ni cagi e va, mai na vu ni lomalagi e dua ka yacovia na vu ni lomalagi kadua.
32
Mo dou kila mada na vosa vatautauvata ena lolo: Ni sa qai lavovou na tabana, a sa tubu na drauna, dou sa kila kina sa voleka na vula i katakata:
33
Sa vaka voki lia kinia koi ikodou, ni dou sa raicia na ka kece lia koya, dou kila sa voleka ko koya, io mai na mata ni darava.
34
Au sa tukunia vaidina vi ikodou, Ena yali ni takali mada nai tabatamata koya, ena yaco eliu na ka kece lia koya.
35
na takali ko lomalagi ki vuravura; ia na noqu vosa ena yali ni takali.
36
Ia na siga ko ya ki na tiki-ni-siga ko ya sa yali e dua e kila, ko ira na agilose mai lomalagi era yali ni kila, se ko koya na Luvena, ko koya dua loa lia na Tamaqu.
37
Ia me vaka e na siga i Noa, ena vaka voki lia kinia e na nona qai mai na Luve ni tamata:
38
ni sa bera na waluvu era sa kana na tamata, ka gunu, ka vawati ka vimusumusukitaki me ra vawati, ka yacova na siga sa vodo kinia ki waqa ko Noa;
39
39a ra sa sega mada ni kila eliu, a sa qai yaco dina na waluvu, ka yadi ira kece yani; ena vaka voki lia kinia na nona qai mai na Luve ni tamata.
40
Ena qai lewe rua na tagane erau na tiko e na were; ena yadi tani e dua, ka dai e dua.
41
Ena lewe rua na yalewa erau na qaqi sila, ena yadi tani e dua, ka dai e dua.
42
O koya mo dou qai vatawa; ni dou sa yali ni kila na tiki-ni-siga sa qai mai kinia na nomudou Turaga.
43
Ia dou kila lia koya, kevaka e kila nai taukei ni vale na tiki-ni-bogi e qai mai kinia na daubutako, sa vatawa lia, ka yali ni dainia na nona vale me vabasukia.
44
koya mo dou qai varau tu, koi ikodou voki lia: ni sa qai mai na Luve ni tamata e na tiki-ni-siga dou sa yali ni nanumia kinia.
45
Ia ko cei na tamata yalododonu ka vuku, sa lesia na nona turaga me lewai ira na nona lewe-ni-vale, me solia vi ira na kedra e na gauna dodonu?
46
Sa kalougata na tamata ko ya, ni na qai mai na nona turaga ka kunei koya ni sa caka vakinia.
47
Au sa tukunia vaidina vi ikodou, Ena lesi koya me lewa na nona ka kece lia.
48
Ia kevaka ena tukunia e lomania na tamata ca ko ya, Sa vaberaberatakia na nona qai mai na noqu turaga:
49
a sa vatekivu kinia me yaviti ira na nonai tokani, me daukana voki lia ka dausomi vata ki ira na daumateni;
50
ena qai mai na turaga ni tamata ko ya e na siga e yali ni nanumia kinia, kei na tiki-ni-siga e yali ni kila kinia;
51
ena qai varomusukia rua, ka vota vua mei votavota vata kei ira na dauvivaisini: ena dautagi kinia, ka vasequruquru bati.