Sa vavulici ira na nona tisapeli ko Jisu me ra kakua ni viavia levu, 1 - 6. Me ra biuta na ka ca kece lia e dauvacalai ira, me ra lomani ira era gone lalai lia e na lotu, 7 - 14. Sa qai vatakila ko koya nai valavala e dodonu ni da sa vacacani, 15 - 20. Me da kakua ni saumia vei ira era sa vacacani keda vavuqa, 21 - 35. 22
1
A sa vosa voki ko Jisu, ka tukunia vi ira na vosa vatautauvata, ka tukunia,
2
Sa tautauvata na matanitu valomalagi ki na dua na tui, ko koya sa caka na magiti ni vawati ni luvena-tagane;
3
a sa talai ira yani na nona tamata me ra qaivi ira ka sureti ki na kana magiti ni vawati: a ra sa yali ni via qai mai.
4
Sa qai tala voki ko koya na tamata tani eso, ka tukunia, Qai ka tukunia vi ira era sureti, Raicia, kau sa varautakia oti na noqui vasigalevu: sa vamatei eso na noqu pulumokau, ki na noqu manumanu uro, ka sa varautaki oti tu na ka kece lia; dou qai mai ki na kana magiti ni vawati.
5
A ra sa vaweleweletakia, a ra sa dui qai, e dua ki na nona were, ka dua ki na nona vivoli:
6
ia ko ira na kena vo, era sa tauri ira na nona tamata, ka vacacania, ka vamatea.
7
Ni sa qai rogocia na tui, sa cudru ko koya; a sa talai ira na nonai valu, ka vawabokotaki ira na daulaba ko ya, ka visa na nodra koro.
8
Sa qai tukunia ko koya vi ira na nona tamata, Sa varautakia oti tu na magiti ni vawati, a ra sa yali ni yaga kinia ko ira ka sureti:
9
o koya mo dou qai qai ki na visalatu, ia ko ira kece lia dou na kunea, dou sureti ira mai ki na magiti ni vawati.
10
Era sa qai qai yani ko ira na tamata oqori ki na visalatu, ka vasoqoni ira kece lia era sa kunea, se ra ca se ra vinaka; a sa mai tiko me ra kania na magiti ni vawati.
11
A sa qai curu mai na tui me raici ira era sa tiko me ra kana, a sa raicia kinia e dua na tamata sa yali ni vaisulu e nai sulu ni vawati:
12
a sa tukunia vua, Noqui tau, e vaevei ni ko sa curu mai kike ni sa sega vi iko nai sulu ni vawati? A sa vagagalu lia ko koya.
13
Sa qai tukunia na tui vi ira na nona tamata, Dou vesukia, a yavana ki na ligana, ka yadi koya tani, ka dainia ki na butobuto etautuba; ena dautagi kinia, ka vasequruquru bati.
14
Ni ra sa lewe vuqa era sa kacivi, ka lewe lailai era sa digitakia.
15
Sa ra qai qai ko ira na Farisi, a ra bose se ra na coriti koya vaevei e na nona vosa.
16
A ra sa talai ira na nodra tisaipeli vua, ki ira nai tokani i Eroti, me ra tukunia, Vavuvuli, kitou sa kila ko sa dina, ka sa vatavuvulitakia vaidina nai valavala sa vinaka vua na Kalou, ia ko sa yali ni rerevakia e dua: ni ko sa yali ni doka na matadra na tamata:
17
o koya mo qai tukunia vi kitou, A cava ko lewa? sa tara me da soli ka ni matanitu vei Sisa, se yali?
18
A sa kila na nodra yaloca ko Jisu, ka tukunia, Dou sa dauveretaki au e na vuku ni cava, koi ikodou na dauvivaisini?
19
vatakila mai vei au nai lavo ni soli. A ra sa yadia mai vua e dua na pene.
20
A sa tukunia vi ira ko koya, A mata i cei koya, ki na yaca i cei sa volai tu?
21
Era sa tukunia vua, A ni Sisa. Sa qai tukunia vi ira ko koya, Mo dou qai solia vi Sisa na ka ni Sisa; vi koya voki lia na Kalou na ka sa nona na Kalou.
22
Ia ni ra sa rogocia, era sa kurabui; a ra sa daini koya, ka qai yani.
23
E na siga ko ya era sa qai mai vi koya eso nai tokani i Setoki, ko ira era sa dau tukunia ni na yali ni tu cake voki na mate, a ra sa tarogia,
24
ka tukunia, Vavuvuli, sa tukunia ko Mosese, Kevaka sa mate e dua na tamata vawati, ka yali na luvena, me rau qai viwatini kei na nona yada na tuakana se na tacina, me vaivakawa kinia ko koya vua na tacina se tuakana.
25
Ia ka tiko ki kitou na matavitacini eratou lewe vitu: a sa vawati ko koya sa qase, a sa mate, ka yali na luvena, a sa dainia vua na tacina na watina:
26
a sa vaka voki lia kinia nai karua, ki nai katolu, ka yaco ki nai kavitu:
27
sa qai mate emuri na yalewa:
28
ia ni na tu cake voki na mate, ena wati i cei vi iratou na lewe vitu ko koya? ni ratou sa watina ko iratou kece lia.
29
A sa vosa ko Jisu, ka tukunia vi ira, Dou sa sese, ni dou sa yali ni kila nai Vola Tabu, se na kaukauwa ni Kalou:
30
ni ra na tu cake voki na mate, era na yali ni vawati, se vimusumusukitakia me ra vawati; era na vataki ira lia na agilose mai lomalagi.
31
Ia e na vuku ni nodra tu cake voki na mate, dou sa yali li ni wilikia na ka sa vosatakia vi ikodou na Kalou, ni sa tukunia,
32
Oi au na Kalou i Eparaama, ki na Kalou i Aisake, ki na Kalou i Jekope? a Kalou sa yali ni nodra Kalou era sa mate, sa nodra Kalou lia era sa bula tiko.
33
ia ni ra sa rogocia na lewe levu, era sa kurabui e na nonai vavuvuli.
34
Ia ni ra sa rogocia na Farisi ni sa vagalui ira nai tokani i Setoki ko koya, era sa qai soqoni vata.
35
A sa dua vi ira, e dua na vu-ni-vunau, sa tarogi koya, ni sa vatovolea, ka tukunia,
36
Vavuvuli, a cava nai varo levu e na vunau?
37
Sa tukunia vua ko Jisu, Mo lomani Jiova na nomu Kalou e na lomamu taucoko, ki na yalomu taucoko, kei na nomu nanumia kece lia,
38
Ai matai ni vunau koya, ka levu:
39
a sa tautauvata na kenai karua, Mo lomania na kai nomu me vaka ko lomani iko.
40
Sa vu ni vunau taucoko ki ira na parofita na vunau e rua koya.
41
Ia ni ra sa soqoni vata tiko na Farisi, sa tarogi ira ko Jisu,
42
ka tukunia, A cava dou lewa e na vuku i Karisito? a luve i cei ko koya? Era sa tukunia vua, A luve i Tevita.
43
Sa tukunia vi ira ko koya, Sa vaaevei ni sa vatokai koya me Turaga ko Tevita, ni sa vuna na Yalo Tabu, ka tukunia,
44
Sa tukunia ko Jiova vua na noqu Turaga, Mo tiko e na ligaqu i matau, me yacovia niu sa caka na nomu meca mei tutu-ni-yavamu?
45
Ia kevaka sa vatokai koya ko Tevita me Turaga, sa luvena vaevei?
46
a sa sega e dua sa tukunia rawa vi koya e dua na vosa; a sa yali voki e dua e doudou me tarogi koya e na visiga emuri.