Sa via raicia e dua nai vatakilakila ko ira na Farisi, 1 - 4. Sa vavulici ira na nona tisapeli ko Jisu, me ra kakua ni vabauta na nodrai vavulici ca na Farisi, 5 - 12. Sa nanumia ko ira eso ni sa parofita lia ko Jisu, a sa kila ko ira na nona tisapeli ni sa Karisito dina ko koya, 13 - 20. Sa vatakila ko Jisu na ka ena vosotia, a sa tukunia voki lia me da vosotia na ka ca e na vukuna, 21 - 28.
1
Sa qai qai mai ko ira na Farisi kei ira na tokani i Setoki, me ra vatovolei koya, a ra sa masutia me vatakila vei ira e dua na vatakilakila mai lomalagi.
2
A sa vosa ko koya, ka tukunia vei ira, Ni sa yakavi, dou sa tukunia, Ena siga vinaka; ni sa damudamu na lomalagi.
3
ia ena mataka, Ena siga ca edaidai; ni sa damudamu ka loaloana lomalagi. Oi kemudou na dauvivakaisini, dou sa kila rawa na mata ni lomalagi; ia dou yali beka ni kila rawa na veivkatakilakila ni gauna koya?.
4
ai tabatamata ca ka dauyalewa sa dauvasaqara e dua nai vatakilakila; ka na yali ni soli kinia e dua na vatakilakila, a i vatakilakila ga i Joni na parofita. A sa qai daini ira ko koya , ka qai yani.
5
Ia ni sa tadu ko ira na nona tisapeli ki tai kadua, era sa guilecavia me yadia na madrai.
6
Sa qai tukunia vei ira ko Jisu, Dou raicia ka qarauni kodou mai na nodra leveni na Farisi kei na tokani i Setoki.
7
A ra sa vivosakitakia vakai ira, ka tukunia, Sa ka beka ni da sa yali ni yadia mai na madrai.
8
Ia ni sa kila ko Jisu, sa tukunia vi ira, Oi kodou sa lailai na nomudou vabauta, e na cava dou sa vinanuyakia kinia e na lomamudou, ni dou sa yali ni yadia mai na madrai?
9
Dou sa yali beka ni kila rawa mai, se nanumia nai buli madrai e lima vei ira e lewe lima na udolu. ia ka vica nai su dou a vasinatia?
10
se nai buli madrai e vitu vei ira na lewe va na udolu, ia ka vica na sova a vasinaita?
11
E vaevei ni dou sa yali ni kila rawa niu sa yali ni vosatakia na madrai, na nodra leveni lia na Farisi kei nai tokani i Setoki kau sa tukunia mo dou qarauni kodou maikinia?
12
Era sa qai kila ni sa yali ni vosa ko koya me ra qarauni ira mai na leveni ni madrai, mai na nodrai vavuvuli lia na Farisi kei nai tokani i Setoki.
13
A sa tadu ko Jisu ki na yasayasa va Sisaria-Filipai, a sa tarogi ira na nona tisapeli, ka tukunia, Era sa tukunia na tamata se ko cei koi au na Luve ni tamata?
14
A ra sa tukunia, Eso, Ko Joni na dauveipapitaiso: ia ka so, Ko Ilaija; ia ko so tale, Ko Jeremaia, se dua tani na parofita.
15
Sa qai tukunia vei ira ko koya, Ia dou sa tukunia se ko cei ko au?
16
Sa qai vosa ko Saimoni Pita, ka tukunia, Oi kemunu na Karisito, na Luve ni Kalou bula.
17
A sa vosa ko Jisu, ka tukunia vua, O sa kalougatia, Saimoni Pa-Jona: ni sa yali ni vatakila vei ikonu na lewe kei na dra, na Tamaqu lia sa tiko mai lomalagi.
18
Au sa tukunia voki lia vei ikonu, O konu ko Pita, ia e dela ni vatu koya kau na tara kinia na noqui soqosoqo lewe ni lotu; ena yali ni rawatia na matamata-ni-koroni etesi.
19
Au na solia voki lia vei ikonu nai dola ni matanitu valomalagi: ia na ka kece lia ko na vauca e vuravura, ena vauci mai lomalagi: ia na ka kece lia ko na sereka e vuravura, ena sereki mai lomalagi.
20
Sa qai varota vei ira na nona tisapeli, me ra kakua ni tukuna vua e dua ni sai Jisu na Karisito ko koya.
21
E na gauna ko ya sa vatekivu kina ko Jisu, me vatakila kivei ira na nona tisapeli, ni sa kilikili kaya me qai ki Jerusalemi, ka vosotia na ka e vuqa mai vei ira na qase, kei ira na bete levu, kei ira na vunivola, ka me vamatei, ka me vakaturi cake tale mai e nai katolu ni siga.
22
Sa qai yadia koya ko Pita, ka vatekivu me vunauca, ka tukunia, Me vakayawa vei kemunu na Turaga: na ka koya ena yali sara ni yaco vei kemunu.
23
A sa vuki ko koya, ka tukunia vei Pita, Lako tani ki dakuqu Setani: ko sa via vatarabetaki au; ni ko sa yali ni vananumia na ka ni Kalou, na ka lia ni tamata.
24
Sa qai tukunia vei ira na nona tisapeli ko Jisu, Kevaka e dua sa muri au, me kakua ni muria na lomana, ia me colatia na nona kauvelatai, ka muri au.
25
Ia ko koya yadua sa via maroroya na nona bula, ena vayalia: ia ko koya yadua ena vayalia na nona bula e na vukuqu, ena maroroya.
26
Ia ka cava na kena yaga vua na tamata, kevaka e rawati vuravura taucoko, ka vayalia na yalona? se cava ena solia na tamata mei sau ni yalona?
27
Ni sa qai mai na Luve ni tamata e nai ukuuku nei Tamana, kei ira vata kaya na nona agilosi; ena qai saumia ko konu vei ira na tamata ydua me vaka na nodrai valavala.
28
Au sa tukunia vaidina vi kodou, Sa tu eke eso, era na yali dina ni mate, era na raicia mada na Luve ni tamata ni s a qai mai e na nona matanitu,