Pasal 6

1 At Tuhan Allah nen At Musa jokhikhe: 2 "Akhuni nen dosa weak meke hagakhahalok it nen an nen dosa weak hagakhi o iluk at ewe inom etaikensewekhogon at Tuhan Allah owa ukisuak, nen at nen at Tuhan Allah ewe at iluk at etaikeh at Tuhan Allah owa hunik dogoak, nen at nen at nen aweak dosa etnogo at agosraklak inelokhoma selekma bualogo ait at agalraklak nen wene owa bega meke emenogo, o jimeke timeke wogokha meke etoma nen o jimeke timeke etoma apoke ikimo agama o jimeke timeke at ikimo nen nalaga meke etoma. 3 O jimeke timeke at ikimo nen nagikhe meke etoma at apoke ikimo hagat laga halok, nen selekma bualogo igidek halok, at nen ekalat an hagarik lagakha meke etoma, etoma sabokhogon at dosa weak at hagarik lagama. 4 Etoma at dosa weak meke hagarik lagama weak meke at hagakhemo, at nen it akhuni inameke waganke meke etoma it inameke iterek ina poke wogisasak nen it uang eka kinom isasak nen at erawut hano iluk at ewerogon at iluk at owa hudusak nen o nalaga etnogo arat inom jawuewerogon at iluk at owa hudusak nen o nalaga etnogo arat inom jawuagakha halok.
Wam Domba Kambing Warogo Palogo Nen Werago Bekhedogono

5 Ji meke ti meke iniki awusak waganhiluk nen o etnogo an waganhiluk igidek akla ninago bakhekhesik nen an waganhidek iluk ekalat ekhehalok. At nen oko owalikmo uang eka kogalupuwaga nen biluk nen agikhe inom at busak; at nen at ameke iterek etnogo wogosumo nen agikhe an weak hagakhio iluk nen at meke dosa weak emenogo horogo sowalogo mempersembahkan hagarogo buak. 6 At nen at owa dosa weak wetoma hotlasuak iluk at nen wam domba kulok owa agalumo paledek meke opakiat meke warogo palogo at nen mempersembahkan hagarogo at Tuhan Allah wogotno wam kambing domba etoma, arat hano hagakhiluk ineleken bekhega meke atoma, etoma weak dosa hagakho iluk wam kambing domba etoma warogo palogo nen dosa weak etoma horogo sualogo biluk nen it imam inikimo bino. 7 It imam nen at dosa weak hagakhe meke iti at aweak adosa etomahagakhi etoma hit nen degerogo horogo banini iluk uak"

8 At Tuhan Allah, nen at Musa jogokhikhe, 9 "Hat nen Harun jogotno nen at aburi inom jogosano: 'Wene hukum ti wam domba kambing warogo biluk nen hetumo werago bekhe dogoak iluk wene hukum ji hagarogo bisukha. Wam dom kambing etoma warogo palogo nen o mezbah palrogoma etomala hetumo upuwaga dukhogon etoma binoo nen hiwako etomala awusak weraklaklakhekhe dogoak nen mokalek werek iti amulok dagisikolrek hit nen serogo motok dogono. Itb imam it su lena ugu dogoak, nen it su wemawaga meke lenan iti ugu dogoak inoalriken lawerogo. Wam domba kambing warogo palogo nen haliupukwaga o mezbah pelragoma aliluke etomala kilelogo buak. 10 It imam it su lenan iti ugu dogoak, nene iti su wema waga meke lenan iti ugu dogoak inoalriken lawerogo. Wam domba kambing warogo palogo nen hali upuwaga o mezbah pelrogomo dukhogon begasik nen wam domba kambing werakha meke wul hagat laga meke etoma at nen waganuak, nen at nen wolok nen o mezbah pelrogoma aliluke etoma kilelogo buak. 11 At nen su baju upuwaga meke alepugu welaga meke iti korogo biluk nen agikhe ket meke isuak, nen wul etoma wolok uma nen wolok dukhilalek nen hanoma owa harekma soawalekma etoma wolok loak.
Wam Domba Kambing Warogo Palogo Nekedgosak Hagarogo Bisukha

12 Hetu mokalek o mezbah pelrogoma werek iti harogon serogo dogono nen hetu mokalek iti amulok dagisikmolok dogoak nen, hetu mokalek iti anagalakhanek ailuk here dugusep, hiwiku jogoku it imam nen o mezbah pelragoma itila upuwaga biluk nen werago nen wearago nen hanorogon selago biluk nen wam domba kambing warek palek etoma amok apusu etoma nawulralhawulral hasik upusu etoma nawulral hawulral hasik upuwaga etomala bino. 13 Hit nen hetu mokalek o mezbah pelrogoma werek iti amulok dagisi motok dogoak nen hit suam jaga hanorogon dogono."

14 Wene hukum ji hagarogo bisukha wam domba kambing warogo palogo biluk nen neke dogosak qo iluk hagarogo bisukha. At Harun aburi nen wolok at Tuhan Allah elokhoma wolok witluk nen o mezbah pelrogoma itila elokhoma bisuak. 15 Wam domba kambing etoma palogo neke dogosak hasik hagarogo biluk nen asokne at tegelogo bino nen tepung hano meke iti minyak dawulogo bino, ji meke ti meke inom ikan inom wam domba kambing warogo nen palek etoma inom etoma sabokhogon meke dogosak hasik hagarogo bino. Meke etoma sabokhogon o mezbah pelrogoma upuwaga aetoma biluk nen hetumo awerago nen Tuhan Allah etaiken hi inowa hunik ewerek dogoak nen. 16 Jimeke timeke nasak meke etoma aagikhe inom at ma nen ato at Harun inom at Harun aburi inom it noak; roti hano meke etoma inom noak hanoma kudus tegelekma etomala nen nekedogoak, o uma Allah ane jakulharekma etomala nen. 17 Hit nen jimeke timeke etoma huwennke werakhusep. An nen hit wokhisigi meke etoma hetumo werago nen biluk neke dogon no; Etoma sabokhon kudus tegelogo hagorogo bino, wam domba kambing warogo palogo nen dosa weak meke tegelogo hagarogo etnogosogon. 18 Elege at Harun aburi etoma ne it nekedogosak etoma hagarek motok-motok dogoak iluk hagorogo bilukha it inaburi inopai it aklago helago hago dogoak iluk etoma it hasik etoma hulogo waganogo biluk nen hetumo werago nen at Tuhan Allah hasik hagarogo bino. It akhuni inasokhetek dopak kulogo nalolrogo nen kudus tege logo bakhasi dogono." 19 At Tuhan Allah nen at Musa jogokhikhe, 20 "At harun inom at Harun aburi inom inom it meke persembahan ewe joma, it wnen mempersembahkan hagarogo nen at Tuhan Allah hasik bekhe dogoak at nen waurapi tegelogo hagarogo bekhedogoak: Sepersepuluh efatepun hano meke neke nogosak hasik hagarogo bino motok motok dogoak ne, ewtlakmikilhogon huwen hasik nen ewetlak mikikhogon dikne hasik hagat higi bilik lano.
Dosa Weak Meke Horogo Degerogo Bekhedogoak Iluk Jimeke Timeke Hagarogo Hulogo Bekhe Lagukha

21 Epa tepung hano meke etoma upu waga biluk werago isago agakerego biluk nen minyak inom dawulogo bino, art dawuk khawuk khogon nen hat nen wolok nen etoma nasak meke iluk hat nen mempersembahkan hagarogo bino, arat werago nen palogo-palogo bino, nen awasi hano meke etoma at Tuhan auakma ukiluk nen at akla alreken hit hino wa dogoak nen. 22 Nen At Harun aburi emenogo at awalikmo it inukuloak sewelogo nen tegelogo bisalok nen at Harun owalikmo bisano, etomahulogo natolrogo biluk werogo isago agakenrego bino; itigisogon hagarek matok-motok dogoak nen hagarogo bino. Sabokhogon at wat Tuhan Allah hasik werago bino. 23 It imam nen ji meke ti meke nekedogosak meke hagarogo hulogo biluk nen jimeke timeke eloma sabokhogon werago nen busak, meke it nen nasak dek."

24 At Tuhan Allah nen at Musa itigisogon jogokhikhe, 25 "Hat nen at Harun inom Harun aburi inom jogisan: 'Wene jihukum jimeke timeke hagarogo hulogo bekhedogoak iluk hulri warogo bilukkha it akhuni dosa weak werek meke at Harun aburi inom nen dosa weak etoma degerogo horogo bisekhe dogo akiluk, wam domba kambing warogo palogo nen dosa weak meke at Tuhan Allah elokoma nen horogo sowalogo bekhedogoak. Persembahan kudus tegelek bekhe dogosak meke iti. 26 It inom nen wam domba warogo palogo nen mempersembahkan hagarogo biluk nen dosa weak emenogo horogo sowalogo bisekhe dogoak iti nen mepersembahkan hagarek emenogo it imam nekedogoak; it imam nen persembahan emenogo neke dogosak o kudus tegelekma emenogola akla nen neke dogosak o. At Tuhan Allah etaga jakulharekma silimo agat etagoma etoma. 27 It akhuni ato wam domba kambing inopalek meke eit winowa hagatlaga halok it inewe kudus tegelek hagat lagakha, wam domba kambing meep etoma subayu upuwaga meke ugu weleagep etoma owa hosigiluk halok o kudus tegelek ma etomala nen owa hatno.. 28 Wam domba kambing palek etoma manei agat meke hagarek iti selreklogo bino, nen hit isasuok iluk halok o belenga o tembaga meke hagarek iti waga isatno, o belangaiti owai dawulogo owahatno. 29 Wamb domba kambing inopalek isago etoma it ap it imam lak etoma noak; wetoma persembahan kudus tegelek meke. 30 Meke wam domba kambing warek inom palek etoma dosa weak qetoma owak horogo bino, nen meep etoma wolok uma at Tuhan Allah ahane jaku harek ma etomala akla wolok uma at Tuhan Allah ahane jakulharekma etomala akla wolok ukino o akhuni weak meke dapulinakharekma kudus tegelekmo emala wolok ukino, hit nen nukusep, etoma hetumo weraklakhasi dogoak nen heredisa no.