¹ At Tuhan Allah nen at Musa jogokhikhe, ² "Hat nen it akhuni Israel meke jogisan, it weak dosa hagasusak dek o, iluk inilu at meke it nen inokodek-inokodek wea dosa at Tuhan Allah nen weak dosa iti hagasusak dek o iluk ekhe meke at asudek hagarikli-liogo halok nen, at owalropok at hagarilik lago dogonek at. ³ It akhuni weak dosa hagkha larik lau nogo, at nen weak dosa hagakhe halok at nen wam kambing warogo nen mepersembahkan hagarogo nen at Tuhan Allah wogosuak. Wam lembu sapi opakiat kulok awan ket kogariogo meke halok owa agalumo pa ledek meke halok warego nen at owa weak dosa iti degerrogo buak nen. ⁴ At nen wam lembu sapi iti wolok o at Tuhan Allah ame jakulharekma holago pema elokho make etamala wolok wisuak, at Tuhan Allah elokhomake, at nen iki wam lembu sapi iti ukuloak awa sewekogon buak, nen wam lembu sapi iti at Tuhan Allah elokhoma nen paluak. ⁵ At imam ukuloak sewelek meke iti nen wam lembu sapi iti ame patowagawak, waganogo wolok nen a at Tuhan Allah ane jakulharekma emata mala wolok wisuok. ⁶ At iman nen iniki lembu sapi meep ukalrek werekma itila iniki akha wemawaga at usauak, nen meep etoma hemubukat dawulogo bilik hano, hano Tuju kali at Tuhan Allah elkhoma, aliluke lawerogo biluk at O kudus tegelek meke iti asokne at bino. ⁷ It imam nen meep etoma hemulrugat waganiluk nen o mezbah pelrogo iti aik upuwaga hunik werek etoma waga dawulhigik bilik laok werago nen owasik hano meke bilik laok. At Tuhan Allah elokhoma worek etoma sabokhogon agikhe inom tisalogo upuwaga biluk nen werakharekma itila usa iluk nen o at Tuhan Allah etogajakulharekma iti elokhoke wolok witluk nen hetumo weratno. ⁸ Wam lembu sapi ikuko iti warogo palogo nen bino, weak dosa etoma dek asuak nen at wam lembu sapili iti at alri lagawa nen hagarogo bino. Nen amok apusu etoma waga al elawutla meke etoma owa dikilogo bino, nen amok apusu etoma al elawutla meke etoma waga owa dawulogo bino. ⁹ Nen o pinggang eken pere eta inom nen wam lembu sapi kulok iti amok apusu owa ewa etoma dekelogo bilik lano. O punggang o wa werek etoma, nen etaiken iti agikhe inom dapukhogon biluk nen o pinggang eken etoma asokne at pisalogo bino. ¹⁰ Nawulral hawulral hasilk wam lembu sapi warogo palogo nen asok ne at begep elronogo talak asokne at pisal logo bino. It iman nen wam lembu sapi kulok ai warog palogo biluk nen sabokhogon o mesbah pelrogo iti woaga upuwaga dukhagon bilu nen hetumo abakhegon weralmo. ¹¹ At wam lembu sapi kulok iti oado inom inopalek etoma inom ukuloak palekma iti inom nen oalriken inom nen al elautla meke etoma inom nen al kotoran etoma inom. ¹² Wam lembu sapi kulok iti palek etoma sabakhon wolok dukhit no o. At Tuhan Alla etaga jakulharekma etoma nen, ji meke ti meke owa sowalek motok welagarekma etoma nen, wul hulogo begorekma etoma sowalek motok welgarekma etoma nen, wul hulogo begarekma etoma nen, nen wam lembu sapi kulok iti warogo nen palogo begep ma etoma biluk nen werakho motok-motok onal werago bino upuwoga hali ugu erekma etomala wul mulailuk nen hulogo begarekma etomala. ¹³ It Akhuni Israel meke it dosa hagasusak dek iluk inilu at dogolik nen it weak dosa inokodek- inokodek hagakha halok, nen it jemaat inakla eweredek hagaklukha, it nen weak dosa hagakhukha iti at Tuhan Allah nen wenemuk isiklrek, at ne it weak hagakhukha. ¹⁴ It akhuni Israel meke nen weak dosa hagakha meke etoma arat it perek iniluaga hakok, it umat Israel meke etoma it nen wam lembu sapi kulok awan ket kogari ago meke iti warogo palogo nen mempersembahkan hagorogo nen warogo bino weak dosa etoma horogo buak nen. Wam lembu sapi iti it nen wolok o at Tuhan Allah etaga jakulharekma etoma elokhomake etoma wolok wisuak nen. ¹⁵ It ap inabua-inabua umat Israel meke etoma nen it iniki wam lebu sapi kulok iti ukuloak owa dukhon biluk nen at Tuhan Allah elkhoma buak, nen at eam lembu sapi kulok iti at Tuhan Allah elkhoma wolok witluk nen palino. ¹⁶ It imam inukuloak sewelek meke emenogo nen wam lembu sapi meep emenogo ato o at Tuhan Allah etaga jakulharekma emenogola hhakla wolok ukuak. ¹⁷ It imam nen iniki ekaka eloma sabokhogon wam lembu sapi meep ukkhalrek werekma etomala iniki tujuh kali at Tuhan Allah elokhoma usuak, nen sukain aliluke dakulogo buak. ¹⁸ It igisogon hagarogo biluk nen wam lembu sapi meep etoma hemulruk at waganogo nen o mezbah pelrogo iti ukuloakma aik etoma waga dawulhigik bilik lalok nen at Tuhan Allah elokhoma bino at Tuhan Allah etaga jakulharekma etamal akla wolok ukiluk nen, nen meep etoma sabokhogon at doa lek at hagal laga halok agikhe o mezbah pelragoma wam lembu sapi warogo palogo biluk nen werakharekma itilah wemawagake bino. o at Tuhan Allah ah etaga jakuharekma itilah su holaga pema dukhigik ukigik hagoakhorekma elokhomake. ¹⁹ At Wam lembu sapi amok apusu etoma o mezbah pelragoma itila upuwaga biluk nen hetumo werago nen asokne at hagarogo bino. ²⁰ Hit nen wam lembu sapi kulok iti hagasuok iluk halok jigisogon hagat no: Hit nen wam lembu sapi kulok iti warogo palogo nen weak dosa dek asuak iluk hagarogo bekhe lagep etnogo sogon hagarogo bino, hit nen wam lembu sapi iti itigi sogon hagorogo bino. Itigisogon hagorogo biluk nen it imam nen dapulogo bisasak it nen wene iti dek asuak it nen ulogo bisasak it nen dapulogo bisamo nen it hano dapulik dogoak nen. ²¹ At nen wam lembu sapi kulok iti o it halek werekma etomala nen wolok dukhuak nen, it nen satok hogon hetumo warogo buak at nen haga nehak lembu sapi kulok warogo palogo nen hatumo warogo bilikhe tatak werago nen buak nen. At nen wam lembu sapi warogo nen bisik iti dosa weak meke iti jemaat inowa korogo bisasikhe. ²² It akhuni inetaga upuwaga werek meke menogo nen dosa hagasusa dek o iluk iniluat meke it nen inokodek-inokodek soda at Tuhan Allah nen, dosa weak meke iti hagakha hakok, at iti at weak at hagakhen o iluk jogosusak. ²³ It nen weak dosa hagatluk halok at jogosusak, at weak hagakhiluk at nen wam kambing kulok opaki at ogalomo paledek meke wolok witluk nen persembahn hagarogo buak. ²⁴ At nen iki dukogon at wam kambing kulok iti ukuloak owa dukhagon buluk nen owam kambing palharekma emenogola wolok nen palino at Tuhan Allah elokhoma nen palogo nen weratno; ewe itisogon hagatno weak dosa horogo biluk nen halok owa horogo sowalogo bino. ²⁵ It imim nen iniki ekaka etoma waga wam kambing kulok iti meep hemulruk at waganiluk nen weak dosa etoma harogo bino, nen wam kambing kulok iti meep etoma o mesbah pelrago it iaik ukuloak owa hunik werek etoma wa waga dawuligik bilik lano nen hetemo werago nen bino o mezbah pelraga wam kambing warogo palogo iti waga biluk nen hetemo werago nen begarek meke iti waga bino. Wam kambing meep ato daolek at etoma ato o mezbah pelrago iti aliluke dawulogo bilik lano. ²⁶ Meke at wam kambing kulok iti amok apusu etoma o mezbah pelrogo iti owa upu waga dukhagon biluk nen weratno, wam kambing warogo palogo ne amok apusu nawulral hawulral hasik bekhe lagakha etnogo sogon it ap imam emenogo nen it akhuni weak dosa hagakhe lagakha emenogo it nen apulogo inom bisasak, it nen it hano dogosak hasik dapulogo bisega iti it inewe dapulogo bisegama itila apulik dogoak. ²⁷ It akhini masyarakat jelata meke emenogo it dosa weak meke hagasusak dek o iluk inilu at dogolik meke at it weak apik hagakhe lagukha, it nen wene agikhe opaki at meke hagakhe lagukha eweji at Tuhan Allah nen layukha, it nen wene agikhe opaki at meke hagakhe lagukha eweji at Tuhan Allah nen hit nen dosa weak meke agasusak dek o iluk ekherek meke it nen at Tuhan Allah inom wim jakhelagukha, iti it nen weak motok hagakhe lagukha. ²⁸ It nen dosa weak meke emenogo hagatluk halok it nen at Tuhan Allah jogosusak, it nen dosa weak meke hagatluk nen it wam kambing holri owa agalumo paledek meke etmogo persembahkan hagargo bino. ²⁹ At nen iki upuwaga wam kambing hobri warogo palogo nen bega etnogo ukuloak owa dukhogon bugun halok dosa weak meke iti horogo binaigin nen hit nen wam kambing holri iti warogo nen paluok o. Wam kambing warogo nen palogo werakharekma emenogola nen warogo palogo nen heteumo werasi lano. ³⁰ It imam nen wam kambing holri warogo nen palogo begama iti at meep eloma it nen iniki ekaka etoma waga hemulruk at waganiluk nen o mezbah pelrogoma aik ukuloak'ma hunik werek etoma welaga meep apik at at etoma dawulogo bilik lano. Meep ata apik at etoma at o mezbah pelragoma iti waga aweluken wemawake etomala tisalogo bino. ³¹ Meke at wam kambing holri iti amok apusu etoma asok neat pisalogo bino, wama kambing ato warogo palogo amok apusu etoma nawulralha wulra hasik asokne at tegelogo bino, meke it ap imam emonogo nen at Tuhan Allah elokhoma liaino at Tuhan Allah etaiken alreken asuak nen. It imam nen it akhuni etoma dapulogo inewe opakiat hagarogo bisamo nen it dapulogo bisamo itila dapulik dogoak nen. ³² Dosa weak etoma horogo degerogo buak nen wam domba opaki at iti warogo palogo nen at nen persemahan hagarogo buak, at nen wam domba holri opaki at meke motok wisuak wam domba iti agalumo paledek meke. ³³ At nen iki upuwaga dukhogon wam domba warogo palogo dosa weak iti hasik werek iti warogodukhogon bino dosa weak etoma hatlasuak nen, nen wam domba warogo palogo dosa weak meke hagatlik nen wam domba warogo palogo nen hetumo werakharekma samala wolok lano. ³⁴ It imam nen iniki ekaka waga nen wam domba warogo palogo dosa weak meke harogo korogo buak iluk meep etoma hemelruk at meke waganiluk nen dosa weak meke etoma horogo sowalogo buak, nen o mezbah pelrogo wam domba warogo palogo nen owa dukhogon biluk nen werakharekma iti aik ukuloak'ma etomala dawulhigik bilik loma. Meep etoma doalek at hagat lagatlaga halok o mezbah pelrogo wam domba warogo palogo nen owa dukhogon biluk nen werakharekma iti owa aweleken wemawalagake etomala tisalogo bilik lano. ³⁵ Wam domba warogo palogo nen amok apusu emenogo asok neat tegelogo pisalogo bino, nen wam domba warogo palogo nen amok apusu emenogo nawulral hawulral hasik asokneat tegelogo pisalogo bino, nen etoma sabokhogon at it imam nen o mezbah pelrogo etnogo upuwaga dukhogon biluk nen werago buak at Tuhan Allah elokhoma buak. It imam it akhuni dosa weak hagariogi meke etoma it nen opakimo dapulogo bisano it weak hagariogi meke1etoma it nen opakimo dapulogo bisano it weak hagai ogi meke etoma, it nen hano meke etoma inom hanorogon dogoak nen.