Pasal 25

Tahun Hari Minggu Ukekne Dogosak Meke

1 At Tuhan Allah nen at Musa jogokhikhe tom Sinai owa nen, 2 "Hat nen it akhuni Israel meke jogisan nen hat nen jigisogon, hit an nen o ne geri agikhe ukuwaik nen iluk wokhisagin, hit nen agat iti waga ukilalok dogolik nen hit hari minggu hiwiku jogoku at Tuhan Allah hasik hagarik lagadogono. 3 Hit enam Tuhan dogogolik nen ai jarik lagadogono hit hinaen waganek owa, nen, hit enam tahun o etomala dogolik nen hit hitowa abet hogon dogolik nen jawu anggur ai jasusak meke waganino nen wen arat waganiluk nen ai jailuk nen eken arat holre aga halok eken palogo nen hulogo bino. 4 Meke tahun tujuh iti waga meke hit nen agat agikhe waganiluk nen ite agep halok hit nen hari minggu hagakhe dogosak hasik hagarogo bino, hit nen hari minggu ukiluk nen hagarik lsgs dogono. Hit nen o hari minggu iti waga jawu hagakhik nen ai jakhep meke eken palhik hagakhe dogogusep. 5 Hit nen wen awaganogo nen ai jakhep meke etoma aku agatma nen awusak dagi ago halok, hit nen anggur ai jakhep meke ikiok etoma eken ugudek halok hit nen eken palhusep, etoma hit nen eken palhuse. Tahun iti waga hit nen hari minggu etoma hit nen at Tuhan Allah etaga motok kogodekhe dogono hit o agat iti waga dogolik nen. 6 Hit agat iti waga dogolik nen so agat iti waga nen o jijai tiai jakhep hit hari minggu etoma hagarik lagadogolik nen hit o ai jakhep meke etoma eken palogo nen hit meke dogosak hasik, hit shinalrik at neke dogono, hit hinatu an meke ap etoma inom, hit shinatuan meke humi etoma inom, it akhuni hit meke jawu hagakhu nen oko wagisekhe lagep meke etoma inom nen akhuni inai waligat meke hinom welagep etoma inom, it inewe sabokhogon hit hinom welagep etoma. 7 Nen hit qhinako kambing domba inom, nen wam kambing domba helo meke hit hinaweak etoma inom, hit nen jawu hagadiluk nen ekenugu meke etoma palogo biluk nen hit meke dogono. 8 Hit nen o ilugun dogogun esomake tujuh tahun o hari minggu hagarik laga dogogun esomake wenarik lano, nen tujuh tahun lugun eso make laga kolrek hit nen tujuh kali wenarik motok lano; nen tujuh tahun hagrik lugun esoma inom dapulik empat puluh sembilan tahun hagat lasigin. 9 Nen hat hasuk holek dogono o jomala tomala pogot ane kogat ilik ligin emenaga bulan ketujuh meke inom nen tanggal sepuluh bulan ketujuh iti akla meke hagat laik ligin emenaga; o hari kok iti wagga hit hinewe dapulinakhe kolrek hit hinewe sabokhogon hinasuk halugun etnaga o pogat ane kogat o joma toma inom hinewe sabokhogon hinasukkholugun etnaga. 10 Hit nen tahun ke lima puluh iti menguduskan tegelogo hagarogo bino, nen hit nen wene wulawino it akhuni agat hirerekma werek etoma sabokhogon inasuk holuak nen.Tahun iti akla owa meke it nen akhuni inameke jimeke ti meke oko palha meke etoma sabokhon it akhuni inameke iterek etoma inapake waginsano alep hak waganhip meke inom nen hit meke hinarugi nen wokhisasukha meke inom, nen it akhuni ato inaburi meke inawu mekedogoak iluk oko palinakha meke inom etoma sabokhogon inapoke inameke iterek wogosisano nen elege it inajawu kagakhe dogoak iluk oko palinakha meke etoma inapoke inagosa inopase lak wogisoak. 11 Tahun kelima puluh iti waga tahun hano meke nen hit meke, hit nen eken hilhup, at nen aku alrigat dukhekhe halok tahun iti meke akla laga kolrek eken ikhe halok hit nen eken palhusep, o anggur iti wikiok owa eken ugudek halok hit nen eken palhusep. 12 Tahun iti tahun hano meke, Tuhan iti kudus tegelek hit meke; hit nen tahun iti meke akla laga dogolik jawu waganogo nen ai jakhep meke eken ikhe meke palogo biluk nen hit nano. 13 Tahun hano meke iti akla owa nen hit whinasokhetek dopok hit hinailake welagasepmake dopok hinagat owake dopok lano. 14 Hit nen hit meke jimeke timeke hit hinagalrak hit hinom welagep etoma it inowa oko waga waganuok halok nen it enen hit hinowa waganuok iluk halok, hit meke jimeke timeke etyoma weagarogo bisugup. 15 Hit nen it hinagalrak inowa meke jimeke timeke waganuok iluk halok hit tahun jimeke nen jimeke waganho etnogo nen tahun jiakla meke waga nit nen jimeke waganuok iluk hagarik hano, tahun hano meke. Iti hagat larik lagakolrek, it nen oko hit hinowa waganuok iluk halok it enen tahun eken palukha waga at hit hinowa oko waganusak. 16 Tahun iti waga lagakolrek-logakolrek tahun etnogo kogat hagat lagikhe, it nen oko palusak owa kogat hagat lagikhe, nen tahun etnogo wenakhukha meke hemulruk at hagat lagikhe, it nen it ato inowa wanusak meke hemulruk at hagat lagikhe, it eken palukhasik nen dapulik weango bisukha it nen oko waganusak owa it inowa. 17 Hit nen it akhuni inameke etoma weagarogo bisugusep, meke hit at Tuhan Allah owa hinayuk dogono, an newe Tuhan Allah hit hinopase. 18 Hit nen an nen ikhok motok dogoak iluk hagarogo bigi joma hit hinikimo serogo dogolik nen hit hagarik lagadogono nen ikhok motok welagarek meke joma ikhok motok dogoak iluk an nen hagarogo bigi hagarik lagadogoak iluk, nen hit hit hinagat owa hinawolrodek dogono. 19 Agat etoma an nen wokhisigima hit nen aijailuk nen eken kogat isumo nen palogo bino, hit nen nasi motok dogolik nen hinelawut kelrekhagon dogolik hinawolrok dekhogon dogono. 20 Hit nen hinok waga nino, 'Nit nen ai jakho meke joma eken tahun ketujuh jiwaga at eken palogo nugun a? Dek halok nit nenai jasuok dek nen nit nen ai jasuok dek nen eken palogo hulogo buak dek agak niserekma waga meke jakho meke joma? 21 An nen wene wulawigin jimeke timeke an nen hagarogo bigi joma hasik hagarogo bigi joma tahun ke enam ji akla waga, it jawuhagakha meke eken palogo tiga tahun wogosigin. 22 Tahun ke delapan akla waga hit nen eken ai hilino, hit nen eke ai lilugun meke eken palogo biluk nen nasinem-nasinem tahun ke sembilan hagat lasigin, ukilagu nen hano hagatlasigin, eken ugu meke etoma hit nasinem-nasinem hit oagikhe inom at dogogun.

Oagat Oko Palogo Bisukkha.

23 Hit nen agat oko wagan ho motok hagaklhe dogogusep, agat etoma sabokhogon ite an meke hit hinewe, hit hinewe owalik nen at waiginp meke nen hit hinewe an hasik waigip mo. 24 Agat etoma sabokhogon hit arat ite aigip mo it akhuni inagat iterek inowa hit nen oko palino. 25 Hit hinagalrak ato it ina meke dek meke, hit nen agat it meke hit nen it inowa oko palino, it hinagalrak ato etoma it nen oko paluak nen, nen it hinagalrak hinom harok at welagep meke etoma it inewe witluk nen it oko paluak it hinagalrak inagat werek meke oko waganuok iluk hagari ogi etoma.

26 It atoagat dek meke, at nen jawokane oko palusak owane hagat laga halok, at ite hagat latluk nen oko paluak at ite asuak nen, 27 At ap agat oko palikhe meke iti at oko wogo susak at nen at akhuni at owa oko palugun meke itijogosiginluk halok an Tahun agatji wagan higi tahun jawaga waganhihigisik mo nen tahun jawa-jawaga hagat laga iluk jogosusak at ap agat waganigin meke etnogo nen agat ilugun kogat halok at ap agat iterek etnogo apok wogosuak nen at ap agat iterek etnogo at apoke aila laok. 28 At ap iti nen agat iti iligun apoke at agat iterek wogosusak owatnedek aga halok, at ap agat ilugun waganhe meke iti at inikimo hago at werekma nen tahun hano meke iti hagat lasuak; tahun hano meke iti hagatlaga halok ogat iti wenedek etala dogoak, nen at ap agat iti waganikhe meke iti at apoke aila laok.
O Halek Meke Oko Palukha

29 It ap ato nen o halek meke leget semen owa dagak-dagak waganek meke it o kota itila werek meke nen it nen oko waganuok iluk halok, it iterek oko palukha meke nen it inikimo tahun opaki at hago dogoluk halok hulri it waganukha hulri waga nen; at oko palikhe meke etnogo at inikimo tahun opaki at meke akla godoluk halok. 30 Meke o halek iti o tahun opaki at iti akla waga meke oko wagan hidek halok, o halek iti at ap oko palikhe meke iti at ite motok-motok dogoak at aburi o pai itak lago helalago it inikimo ite doak; tahun hano meke iti akla lagakolrek o halek iti welrek at dogogin dek it nago iterek meke inikimo dogogin.

31 Meke uma o halekma desa-desa etoma o leget betong owa dagak-dagak waga nedek halok o etomala jawu wagan harekma usak o, meke oko paliluk nen etoma ite an meke o iluk nen tahun hano meke iti akla laga dogolik nen o halek iti dek at jugun at dogosak. 32 O ahalek etoma hasik di kota-kota it akhuni Lewi meke welaga kharek ma etomala, it akhuni etoma nen o etoma oko arap palogo biluk nen dogoak o. Etoma ite it akhuni lewi meke, o etoma ite it meke it nen arat oko palukkhams it akhuni lewi meke it o etomala-motok dogoak. 33 It akhuni ato it akhuni lewi meke inom werek etoma it nen etoma oko palusak, o etoma it akhuni ato rekma meke oko waganukhama etoma o tahun naho meke iti lagakolrek o etoma jugunat etomala dogoak, o it akhuni lewi meke halek werek etoma itenogo inikimo dopok-dopok serego dogoak it akhuni Israel meke werekma inakla tulrumo werek etoma. 34 Meke oka it akhuni suku meke werekma etoma oko waganusak dek it nen oko wagan unogo, oka etoma iti ite motok-motok dogoak."
It Akuni Ina Mekedek Meke It Inelokhoma Dogosak Owa.

35 Hi hinagalrak lak it ina meke dek meke, it inowane dek hit hinelohoma dogosak owa, hit nen jomagisano iti inewe walek at snen hit hinowa wagukha meke at he it inewe hit hinowa wagukha meke qetoma, it inewe hit hinom dogolik it inewe dogosak owa. 36 Hit nen it meke eka agkhe inom waganusak dek, hit hinopase Tuhan Allah owa anek hinajukhan dogono, it hinagalrak lak etoma it hit hinakla etoma hinom dogolik it inewe hanorogon dogoak nen. 37 Hit nen it eka hit meke wogisalok nen it nen hit apoke wokhisega halok hit nen eka agikhe inom owa lapelogo woknisani ilu ugusep, hit nen it hip iti melagisalok nen oko bini iluk jogosugusep. 38 An newe Tuhan, Allah hit hinopasa, hit hinewe an nen o Mesir nen wokhisik dukhi aigimo, o agat kanaan owa binaigiluk, an newe hit hinopase Allah hagat lasuak iluk.

39 Hit hinagalrak etoma hit hinom opakimo werekma nen it inameke dek halok, hit nen inewe hit hinatuan meke hagarogo bisugup. 40 Hit nen it oko wogisekhe dogono; hit hinom etomala werekma-werekma tahun hano meke iti hagat lasuak it jawu hit meke hagakhe dogoak. 41 It nen dukhuok iluk halok hit bino hisalok nen it dukuak, it inewe dukhuak iluk halok it inaburi inom dukuak, it inewe inagalrakla inowa lalok nen iti inewe inapoke wisuak iluk halok it nen inapoke wisuak agat it inagonalak inakhopalak it ite dogolik welagu khama etoma. 42 It akhuni etoma it inewe sabokhogon an natuan meke an nen o agat Mesir owa nen wogisik dukhiai gimo, it inewe etoma oko palinakhusep, it akhuni ato nen it inatuan meke dogoak iluk oko palinakharek etnogo sogon hakene dek. 43 Hit nen it jogosawok iluk halok wenemuk owa jogosusep, hit hinopase Tuhan Allah owa hinayuk dogono. 44 Meke hit nen hit neke hinatuan dogoak iluk wogi nawuok iluk halok hit nen it akhuni hit wmeke hit hinom hinaliluk werek etoma meke woginakhe dogono; it hit hinom welagep meke etoma etoma anek woginawino elege inom homolrugi inom it hit hiantuan meke dogoak nen iluk akhuni hit meke etoma at weginawino. 45 Nen agikhe it akhuni inai walik at meke hit hinowa wagukhasik hinom welagep etoma it inaburi elege homalrugi etoma oko palinawino, it inaburi agalo hirerekma nen itaklagakha meke etoma, It akhuni etoma it inewe hit meke ite atno. 46 Hit nen it inewe mikilrogo wogi nawik lano nen hit hibari elege jawok kaneitak lasugun esoma waga. It inewe hit hinikimo werekma nen it inewe hit ite asuwaik nen; it hit meke hinatuan meke hagat lasumo nen hit hinom motok-motok dogogun, meke hit hinagalraklak inetaga waga, it akhuni Israel meke nen, it wene jogisawok iluk hit hinaweak meke jogosugunsep hit nen at agikhe wenagakhik nen at agikhe nen at agikhe wenaga khik hagakhe dgogusep. 47 It akhuni inai walik at meke hit hinowa wagukha meke it hit hinakla werek etoma it nen jimeke timeke it dogosak owa it inowa at werek, meke it hit hinagalrakla hit hinom welagep etoma it inameke jimeke timeke dek halok, it inewe etoma awit at it akhuni inai walek atn at nen wagukhe meke hit hinom welagep etoma nen it akhuni ato walik at nen wagukhasik hit hinom welagep etoma it inai elro walik at meke etoma. 48 At ap Israel meke etnogo at nen oko palkhesikmo ite at qnen at meke, at agarak ap iti. 49 At opase agarak halok nen at agalrak elege iti opase halok at agalrak inom hulik horok at werek meke halok at nen oko palusak owatne werek halok, ite at alrigat halok at alrik at nen oko paloak. 50 At ap oko paligin meke inom talak lalok nen anjawaga waganigin iluk nen at nen wenago buak, hulri elro at nen tahun at ewe wogokhikhe iti hulri waga nen lok-lok lagnem tahun hano meke iti ukuloak, at ewe oko paluak iluk halok at ewe it akhuni wogisagin meke emenogo nen hulri warogo buak nit ap iti oko palhugu hulri tahun jiwaga nen tahun jiwaga nit oko palhugumo iluk it inakla ekelrogo bulri warogo buak; menit it ap oko palukha meke iti it nen nit oko alhogosikmo nen nit niom welago hulri jawaga nen jawaga nit ninom welago iluk it nen hulri warogo bu meke hasik inom hulri warogo buak. 51 It nen ap iti oko palukha waga tahun uan at hagat lasi aga halok, it nen eka oko palukha meke etoma ato it inaeka iterek inapok wogisoak it nen nit oko woknisasukha waga tahun uan at laga jomare iluk eka etoma apoke it inoeka wogisoak. 52 O it wealgukha etanogo waga it werekkolrek-werekolrek tahun hano meke etnogo inom wenago bisikhe; at nen tahun etnogo wenago bisikhesik nen at ewe hasik eka agikhe inom oko bisikhe. 53 At nen itigisogon hagarogo bisikhesik nen at ewe it inom tahun nin hagat lago tahun nin hagat lago at inom motok welagukha nen at it inom dogolik jawu hagakhe lagikhe emenogo oko eka wogokhe lagukha. At ap iti at hit hinelokhoma dogolik at jawu hagarik lagunem hit nen hinane alrok werek negen wenemuk jogokhusep hit nen jawu jimeke hagasin iluk jogokhe alrok werek negen wenemuk jogokhusep hit nen jawu jimeke hagasin iluk jogokhe dogolik nen. 54 Hit nen at jawu hagakhe laga hasik oko eka wogokhidek alok at nen hit nowa kino hisalok nen at dukhuak tahun hano meke iti lagakolrek akla waga at waburi inom sabokhogon it inewe tatak aukhuak. 55 An nowa nen it akhuni Istrael it inewe akhuni inatuan meke hagat laggukha; it inewe an natuan meke it inewe agat Mesir owa werekma an nen wogosik dukhiagi; an newe Tuhan Allah hit hinopase."