¹ Allah Nen At Musa Jogokhikhe, ² "Hat nen iti imamlak jogisan, nemat Harun aburi inom jogisan, nen iti inewe at jogisan, it imam nen it inowa weak meke etoma dawulogo binogo it akhuni werek etoma inom at it iowa dawulasunogo weak meke etoma waga. ³ At holrak hat heru iti, at agun waganek dekma nen at hat hinom horok at dogono nen at holrak iti at agun waganekdekma, at holrak iti at owa weak meke dawulasunogo it akhuni inagikhuni inom werek etoma inom it inakla dogolik nen at owa weak meke etoma dawulasunogo. ⁴ At he iti agun iti weak meke etoma at owa dawulogoba khaunogo it akhuni at agalraklak inom werek etoma inom inakla dogolik nen at nen kekudusan tegelek hagarek etoma weaga rogo binogo. ⁵ It nen inisi awelken ewetlake palogo nen it nen inukuloak waganogo buak, nen it nen inisi hak palunogo, meke inaporo hak paluak, it nen inewe inowa penasunogo. ⁶ It akhuni it inewe kudus tegelek dogoak at Tuhan Allah hasik nen it nen at Tuhan Allah etaga kudus tegelek iti it nen weagarogo bunogo, it nen jimeke timeke warogo kudus tegelek iti it nen weaarogo bunogo, it nen jimeke timeke warogo nen warogo nen hetumo werago nen mepersembahkan hagarogo biluk at Tuhan Allah wogosuak, it nen at Tuhan Allah at hipiri neke dogosak meke hagrogo buak, nen it qnen itigisogon hagarogo biluk nen it inewe kudus tegelek dogoak. ⁷ It nen humi jugun at hagari ogi meke etima inom nen it inowa hano harek meke it inekagrek nen weak meke it inowa hagarogo bakhiliagi etoma inom nen it humi inaguni nen here disegarekma it ap waga nedek werrek etoma inom, it nen weak meke etoma hagasunogo meke it imam hak it inewe at Tuhan Allah hasik kudus tegelek dogoak. ⁸ Nen hit hinakla apekhe dogono it inew kudus tegelek werek iluk meke it imam nen at Tuhan Allah hipiri nasak meke it imam nen mepesembahkan hagarogo biliogi. At Tuhan Allah nen hit hinewe kudus tegelogo binagilogo, an newe Tuhan Allah, an nen hit kudus tegelelogo binakhe lagi hit hinewe kudus tegelek dogono. ⁹ At imam abut holrak etnogo at ap inom panam jugun at hagarik liliogo halok at opase alon degerogo biliogo, at halrak iti at opase owa kekusdudsn tegelek at owa werek meke at holrak iti nen weagarogo bekhe sikmo, at holrak iti at ewewarogo nen hetumo hali hunogo buak. ¹⁰ At imam kain hak it agalrak ato inom werek etoma it inakla kelrekma it inom dogolik nen, at arat minyak ukuloakma tisalogo bisukha sik nene ukuloak sewelogo bisukhasik nen at su ibusak meke owa sowalogo nen at su kudustegelek meke etnogo ikhogo bisukha, hit nen at isi helre waredek bugusep, at nen at su ugu etoma libilogo bunogo. ¹¹ At nen it akhuni warek meke werekma etomala harok at dogosak dek, at nen at opase inom at agosa inom it inewe warek meke it inowa weak meke etoma at owa dekelasunogo. ¹² At Kudus tegelek jila. Minyak at Tuhan Allah, meke ji at ukuloakma tisalogo usailuk nen at ukuloak sewelogo bino, ji at meke o iluk nen hinelekelrogo bino, iti at ukuloakma upuwaga werek; an newe, Tuhan Allah. ¹³ At nen holrak agikhe agun waganedek meke werek at werek meke halok at age waganuak. ¹⁴ At nen he agun warek meke at ap waganedek welrek at werek meke inom nen he agikhe at agun nen here disekhemo nen welrek at werek meke inom at he agikhe jugun at ap inom sekmanke param agari ogo nen inom, at nen woginawusak dek, at nen homalrugi inaguni dek meke waginawik iluk halok it homalrugi akhuni at meke inom werek etoma inaburi halok wonawusak. ¹⁵ At nen wene hano meke kudus tegelek hagorogo bisukha mawelagarek meke etoma wearogo bumo nen at meke akhuni etoma it itaklago helalogo hagat larik dukhugun etoma it inowa weak meke iti it inowa dogosak dek, an newe Tuhan Allah. Hit hinewe an nen kudus tegelogo hagarogo binaisiginmo." ¹⁶ At Tuhan Allah nen at Musa jogokhikhe, ¹⁷ "Hat nen at Harun jogosin, at Harun yogatno jigisogon: It akhuni hit meke etoma it inewe kogat wikhalarik laga dogolik it inewe ineleken pukinom inisok ta meke inom nen inasuk dogu inom it inane ako palek inom etoma sabokhon, it nen mempersembahkan at Tuhan Allah nasak meke hagarogo biluk nen at Tuhan Allah owa horokhogon wolok wisunogo. ¹⁸ It akhuni it inowa weak meke werek etoma it nen at Tuhan Allah owa horok at wisunogo: It inewe ineleken pulk meke inom, it holak lasak dek meke inom, it inelokhokon owa libilik telrelek meke inom, it akhuni inoak eka watek pelraktek meke inom, it at Tuhan Allah harogat wisusak dek, ¹⁹ it akhuni iniki tamelek inom, nen inae tamelek inom, ²⁰ it akhuni inewe inameke dek meke inom nen it ino agaka beno at meke inom, ineleken meke inom. ²¹ It akhuni at imam Harun meke wikhalek meke, it inoado waga japalek ta palek werek meke etoma it nen jimeke timeke warogo nen hetumo werago biluk nen mepersembahkan hagarogo nen at Tuhan Allah wogosusak dek motok, at ewe owa weak motok ma nen at ewe harok at witluk nen mepersembahkan hagarek at Tuhan Allah nasak meke iluk etoma wolok wisusak dek motok. ²² Wene at Tuhan Allah at hipiri meke dogosak hasik etoma, persembahan-persembahan kudus tegelek biliogi meke inom nen persembahan-persembahan kudus tegelek qbega meke etoma it elrok nasak. ²³ at nen su kain jendela palekma dekelek werekma etomala wisusak dek at nen at o mezbah pelrago werekma itila wisusak dek at, at owa ewe waga etoma sabokhogon weak meke at owa dawulik werekma, at nen kudus tegelek hagarek werek joma inom nen at Tuhan Allah meke kudus tegelek werek joma inom, etoma sabokhogon wak asunogo, an newe Tuhan Allah, it inewe kudus tegelogo an harogo bisasiginmo." ²⁴ At Musa nen at Tuhan Allah nen jogokhikhe meke sabokhogon at Harun jogokhikhe at Harun aburi inom at nen it akhuni Israel meke inom at sabokhogon jogisasikhe.