¹ At Tuhan Allah nen at Musa jogokihekhe : ² "Hat nen akhuni Israel meke jogosisano, nen it jogosisan : 'Hit inewe tegelek dogono, An newe Tuhan Allahmu, hit hinopase kudus tegelek. ³ It akhuni etoma etoma inewe sabokhogon at he nen ap hogorakhik nen ap nen he ogorakhik hagakhe dogolik nen hari minggu etoma hit nen hanorogon serogo dogono; an newe Tuhan Allah hit hinopase. ⁴ Hit nen kaneke hogorakhusep nen logam meke patung hagarogo biluk nen hogorakhusep; at Tuhan Allah hinopase. ⁵ Hit nen jimeke timeke etoma hulogo biluk nen mepersembahkan nawulrak hawulrak hasik hagarogo biluk at Tuhan Allah wogekhe dogono, hit nen mempersembhakan itigisogon meke hagarogo bino, at Tuhan Allah akla alreken hit hinowa dogogin. ⁶ Hit nen mempersembahkan hagarogo begep etoma hit nen o mempersembahkan hagarogo begep itiwaga namo elrok at nen huwuluke namo elrogat, nen etoma hit hinikimo hago werekma nen o hari henagan hagat laga halok hit nen hetumo werago bino. ⁷ Nen mempersembahkan hagarek etoma hit nen o hari henagan iti waga nano, nen it akhuni etoma it nen o persembahan hagarogo begame ke etoma it nen neka halok o weak meke iti it inowa dogogin dek. ⁸ San nen mepersembahkan garek etoma niliogo halok, at nen weak meke at ekagarek nen oko holroligin, at nen at Tuhan Allah nen wene weak meke at nen wene palogo hulri warogo beke meke it nen bekhe sikmo. At ewe nalogo bigin it akhuni Israel meke werekma inakla tulrumo werek etoma. ⁹ Hi nen jimeke timeke agatlowa jakhep meke etoma eken paluok iluk, hit nen o karok sab it owa sabokhogon paluse paliluke etoma, hat nen arat palhen meke hat nen ato alikuke paledek begen meke etoma palhutek. ¹⁰ Hat nen o anggur hat meke eken arat palhetik nen ato aperek heredilik lagen meke werek etima palhutek hiki agikhe dagakhogon nen anggur eken ato palogo nen wen owa usaga meke hat wagan hutek meke etoma sabokhogon hat nen it akhuni ap erek inameke dek meke inowasik bino, an newewe Tuhan, Allah hit hinopase. ¹¹ Hat nen helaklrulru waga nusak dek, hat nen hekal bitok usak dek nen hat nen hat hane milrok it hagalraklak at o jogisasak dek. ¹² Hat nen hekalat milrokhogon an Tuhan Allah etaga waga ekhe lagi iluk usak dek, hat nen at Tuhan Allah etaga kudus tegelek iti weagarogo busak dek; ekhe iluk usak dek, an newe Tuhan Allah. ¹³ Hat nen hiki hagi nakhun it akhuni hat hinom welagep meke at nen etoma an meke iluk wagan hun; hat nen it akhuni jawulagari agi etpma it oko wogisasak hat nen it meke etoma hat hikimo hakhugutek it nen jawu iniki pere hasik hagakha meke etoma. ¹⁴ Hat nen it akhuni inasuk dogu meke hat nen homan bisu gutek it akhuni ineleken puk meke inelokhoma etoma ha nen helekit joma it begama joma an agikhe bilkhe iluk bugutek, meke hat Tuhan Allah hat meke iti at owa hoyuk dogono, at Tuhan Allah hat hopase iti. ¹⁵ Hat nen herawut hanorogon dogolik hanorogon hagarik lagadogo no nen herawulmot hogon dogono; hat nen hit jikirugi hak weak iluk jogo suggutek hat nen it inameke dek meke inowake hagatlagutek hat nen it akhuni inameke werek meke it inowa hayuk wegutek meke meke hat nen it akhuni hat hinom welagep meke etoma hanorogon hino dogono. ¹⁶ Hat nen jomalagik tomalagik hagakhe dogolik at iti erawul itigilrik iluk hat hagalraklak hinom welagep etoma itisogon jogosekhe dogogutek; hat nen hat hagalreakla hinom welagep etoma hat nen wene weak meke jogisugutek; an newe Tuhan Allah hit hinopase. ¹⁷ Hat hetaiken owa nen hat hagalrak hinom welagep etoma hetaiken owa nen inakhulek, meke hat nen it wenagisagaluk halok selekma at wenagisano it akhuni hat hinom welagep etoma nen hat weak meke it inowa wolok hat howa bakhagutek it inowa nen. ¹⁸ Hat nen hit nen an nakhe piluk hat nen oko iti inakhutek, nen it akhuni hat hinom welagep etoma nen hat hakha halok hat nen hetaiken owa nen iti inowa inabua dogono; an Tuhan Allah hit hinopase. ¹⁹ Hit nen an wene hagarogo bigi joma hit hiniki abet hogon serogo dogono. Hit nen wam meke kambing owa ahunlik hagasusak dek nen su upuwaga meke nin meke nin meke ugu hslok hit nen isusak dek. ²⁰ It ap nen it huni inom param hagakhi, it homalrukgi it ap ato inatuan meke werek meke it ap emenogo jugun param hagarinakluk, meke inaguni dek meke oko palinakhidek meke nen he jian nen oko at iti wene kogat meke owa bino; meke it akhuni inewe pere iti it inewe warinawusak dek. ²¹ At ap iti nen weak meke oko palek etoma at nen wolok at Tuhan Allah owa wolok hoaga pema o at Tuhan Allah etago ago kogokharekma wolok iti warogo nen dosa weak meke etoma owa horogo bino. ²² It nen weak hagakha meke iti imam nen inom dapulogo bisoak wam domba kulok meke warogo nen it weak hagakha meke etoma owa horogo at Tuhan Allah elokhoma bisusak, it dosa weak meke hagakhasikmo, at dosa Tuhan Allah elokhoma bisuak, it dosa weak meke hagakhasikmo, at dosa weak hagakhe meke iti owa harogo buak nen. ²³ Nen it o hanoma itila arat ukagasikmo it nen o eken nekarek meke etoma nin meke - nin meke aijarik loak nen, hit nen o etoma eken palusak dek tahun henagan awan hagat lagidek kolrek nen eken palogo nen nasak dek sat. ²⁴ Meke tahun ke empat iti waga o eken etoma palogo biluk nen persembahan kudus tegelogo hagarogo biluk nen etai waga wolok at Tuhan Allah hasik wolok bisuak. ²⁵ Nen Tahun ke lima waga o eken ugu etoma hit nen palogo nen hit nano, eken etoma jawokane kogat ikhu nen hit ite dogolik hit nen palogo neke dogowaik nen; an newe Tuhan Allah, hit hinopase. ²⁶ Hit nen jiwalro tiwalro amep werek meke jogotak werek etoma hit nen nasak dek. Hit nen ilmu-ilmu gaib. ²⁷ Hit nen hinisi palusak elrodek meke hinisi aliluke ewetlak-ewtlak etoma palusak elrok nen hit oak make etoma weagarogo bugun. ²⁸ Hat nen hat hewe perakhun hat howa akhuni inowa inagalumo palek meke welagakharek talak hat howa itigisogon hagatlasunogo; newe Tuhan Allah. ²⁹ Hat Howa hano horek welagen etoma weagarogo bugun hat abut holrak iti at ewe weak meke hagarik laga dogoak itigisogon hagarogo bugun, nen hirerekma o negeri hirerekma itila it ap-ap hagat hagat igik nen it humi-humi hagat-hagat igik hagarik launogo. ³⁰ Hit nen o hari minggu an meke iti hit hanorogon serogo dogono nen an rekma o kudus tegelek itila hogorak dogono; An newe Tuhan Allah. ³¹ Hat nen it akhuni hagane at watlagukha meke inagoreke etoma; hat nen it etoma heragin awik lagun nen hat howa weak meke hat howa dekelasu nogo it inowa meke: an newe Tuhan Allah hit meke hinopase. ³² Hat nen melagik hurek lagik it akhuni inalru-inalru werekma inelokhoma etomala han nen hat hopase Tuhan Allah owa hajukhogon dogono; an newe Tuhan Allah. ³³ It akhuni werek wmeke inago walik at meke hit hinom negeri hirerekma welagep etoma, hit nen weak meke hagarogo it inowa hagarogo bisugup. ³⁴ It akhuni welrek meke inai walik at meke hit hinom welagep etoma iti talak at hagat lasusat it hit hinom welagep it inewe it akhuni Israel asli meke werek iti talak it inerawut - inerawut iti talak at hagat lasusat it hit hinom welagep etoma, hit hinekagarek hinowa hinabua welagep talak hit it inowa itigisogon hagarinakhe dogono, it alep hako Mesir dogolik hit hinewe iti talak wealgigipmo; an newe Tuhan Allah hit hinopase. ³⁵ Hit nen it akhuni ap erek hirekal bitok nukhe disugup iti nen nawulrut nit ninerawut witi talak hagat lasuak nen iluk hit nen it itigisogon hagarogo bisugup, it inerawut nit ninerawu itigisogon at hagat lakhanek iluk hit nen it itigisogon hagarogo bisugusep, hit nen hinakla hano meke ewetmno weak meke iti nayuk a? Iluk hinakla hanorogon ewetno. ³⁶ Hat nen helre waganiluk nen helre itiwaga walhalok nen, alabin walhono nen owakha walhano, etoma sabokhogon hagarogo biluk nen hit hinikimo hanorogo senorogon serogo dogono; an newe Tuhan Allah, Allah hit hinopase o agat Mesir nen hit wokhisik dukkhiagi. ³⁷ Hit nen an nen wene hagarogo bigi joma hiniki abet nen hanorogon serogo dogolik nen hagarik laga dogon etoma sabokhogon; an newe Tuhan Allah.