¹ At Tuhan Allah nen Musa inom at Harun inom waisasikhe: ² "It akhuni inoado waga patnegen hikhe halok nen kut negen hagatla halak inom, nen u etaga kusta inoadola welagarek meke inom, it emenogo wogisik at inom harun owa wogisik lano, nen at imam Harun aburi imam-imam emenogo inowa wogisik lano. ³ It imam emenogo nen it akhuni inowa u inowadola werek meke nen uwalro inoadola werek emengo ekak hagat lasigin nen u inoadola werek emenogo inowadila talak hagat lagisin, nen u emenogo u etaga kusta emenogo hagat lasigin nen at imam etnogo ileken hasikhe, at imam etnogo nen at akhuni etnogo jogokhikhe hathowa weak meke howa dekelaga iluk jogokhikhe. ⁴ Meke it akhuni haga ineleken habukmo emenogola welagikhe, nen oado nin meke hagat lagidek it imam nen it akhuni emenogo inewe dagak-dagak serisek tujuh hari motok-motok welagukha. ⁵ Hari ke tujuh etnogo waga it imam nen u penyakit atnogo penakhukha it akhuni emenogo inokla; penyakit etnogo ineleken lakhasukha meke u penyakit etnogo ikhok enanogo talak at welagikhe nen it inoado waga kogat wikha laga lagkhe dek, it imam emenogo nen tujuh hari eranogo waga inewe dagak-dagak serisek welagukha iniki pere waga. ⁶ Hari ke tujuh iti waga it imam nen inike pere dogoluk nen it u inowa werek meke emenogo inapoke penasusak; meke u etnogo ekadek nen kogat wikhalagidek it akhuni emenogo inoado waga, it imam nen it akhuni emenogo jogisano hit hinowa weak meke emenogo hinowa werek etoma hinowa horogo biluk dogoni; kagat negen. It akhuni etoma harogo bukalogo laisano. ⁷ U penyakit etoma wilrik-wilrik at meke hit hinoado akla kogat wikha lago halok, it nen kino usak nit ninowa u penyakit ji penak ninawini o iluk kinosasak it imam inowa it u penyakit weak meke ninowa welaga ewe joma iluk it inomlak inugun isasak, it nen it imam emenogo kino isasak nit u penykait ninowa werek joma iniki pere dogoluk nen. ⁸ It imam emenogo nen u penyakit emenogo arat herakhukhasik nen it akhuni u penyakit inowa werek meke emenogo jogisasukha meke it akhuni u penyakit inowa werek meke emenogo nen nit u niniwa bugulrak at meke kogat wikha lagama iluk it imam lakjogisasukha, meke it imam nen it akhuni emenogo jogisasak hi u penyakit weak meke hinowa dekelek werek o iluk jogisano; hit hinowa u penyakit kusta werek o iluk jogisasuka. ⁹ Sa nen u penyakit kusta owahagat laga halok, at akhuni u penyakit kusta werek etnogo at ewe wolok it imam inowa wolok wetno. ¹⁰ It imam nen u penyakit emenogo penakhukha meke it akhuni emenogo u inoadola hisik meke kut welagikhe hasukha, nen inomosi emenogo sabokhogon hagarogo bisikhesik nen inoado akla hisik etnogo winam agkhe. ¹¹ Nen u penyakit etnogo it inoadola werekma nen it akhuni emenogo it elrodek motok welagukha, it imam nen it akhuni u penyakit kusta welagukha emenogo jogisasukha hit hinowa u penyakit kusta werekma hit sekhisek dogosak elrodek o, it akhuni etoma inowa weak meke emnogo inowa dekelek werek o. ¹² U penyakit kusta it akhuni sabokhogon inowa inoado akla ke hogatlarik laga halok, it akhuni u penyakit kusta inowado aklake werek meke etoma sabokhogon it inoado wagake lawerogo bisik lano, it inukuloak owa nen inisok owa dakulogo sewelogo bisilik lano, it imam nen ineleken opakitek bersilik loak nen. ¹³ It imam nen u penyakit kusta pemago biluk nen, it akhuni etoma inewe sabkhogon inowa sewelogo dakulogo bisasuka, it imam emenogo jogisalak hit hinoado waga u penyakit emenogo sabokhogon arat dek agama o iluk jogisan o; Nen it akhuni etoma sabokhogon inowa ket hagatla iluk nen it inowabut hagat lasuak, nen it inowa etoma apoke dek atluk nen apoke hano asuak. ¹⁴ Meke o esanogo waga u penyakit kusta enogo ekak-ekak hagatlasigin inino akla etoma ena waganhe dogogun, nen it akhuni etoma inowa weak meke etnogo inowa dogogin. ¹⁵ It inimo akla u penyakit emenogo kogoriogi dek halok it imam emenogo ineleken bekhehagun, it imam emenogo nen it akhuni emenogo jogisagun hit hinowa u penykait waganhe lagukha emenogo waga it inowa weak meke emenogo inowa dekelek welagikhe, nen it u penyakit kusta welagikhe. ¹⁶ Nen it u penyakit ininola kogokhe lagukha emenogo owatne dek atluk hemulruk at hagatllagikhe nen u penyakit emenogo it imam lak inowa wetno. ¹⁷ It akhuni u penyakit iti penakharek meke nen u penykait etnogo penokhekha meke u penyakit etnogo kut motok welagagikhemo ineleken hasukha, it imam nen it akhuni u penyakit iti meke werek meke emenogo jogisasukha hit hinowa u penyakit weak meke werek emenogo hinowa hanodek agama iluk jogisaskha; it sabokhogon inowa hano hagatlagukha. ¹⁸ It akhuni inoado aklah kogat hiliduk nen kulrele walogo nen dek agarek, ¹⁹ Meke u pot hikherekma etala kogat hidiluk nen kut panuhakene hagatko bisasat it nen ineleke penasuak nen iluk. ²⁰ It a imam emenogo nen u pot kut emenogo penasugun meke u pat kut panu hakene hagat latluk nen owa meep-meep, hagat laga halok it ap imam emenogo inayoko bisasat it nen ineleke penasuak nen iluk. ²¹ Meke it ap imam emenogo nen u panu kut enogo penasugun meke meke at ap etnogo u panu kut etnogo ap etonogo omosi akla ineleken hugun dek motok, alat iti oadoa akla u akla akman hagat etomala hagat laga ineleken lakhagundekmo tok ineleken akhumak negen hugundek at, it imam nen ap iti leget negen waganego o tujuh hari serogo dogogun. ²² Nen u punuh keet iti it akhuni etoma inoado akla kogat wikhalaga halok, it imam nen it akhuninu panukut inoado akla werek etoma hulriagap perek o iluk usak, u iti etaga penyaki kusta. ²³ Meke u panu kul iti ikhok motok dogogin kogot wikhalasigin dek, u itialep hak kulere walek walaga meke, nen it imam nen ap u panu kut iti akla werek meke iti jogosuak hat u panu kul kusta iti dek iluk jogosuak. ²⁴ Meke it akhuni u iti inoado akla ukiluk nen kogat hikhe iti hetumo horok-horok dogogun halok nen inoado weak meke winam asigin nen kogat hisigin nen u panu kut hagat lasigin. ²⁵ It imam nen u panu iti pemasusak; u panu iti inomosi kut hagat laga halok nen u panu kut iti inoado akla akman hago etomala ekak asigin, nen hagat hikhogo dukhisumo nen u etaga penyakit kusta iti hagat lasigin, nen it imam nen at ap iti u weak meke owa werek iluk jogosusak; iti etaga penyakit kusta werek iluk jogosusak. ²⁶ Meke u iti penasungun meke u panu kut iti inomosi kut iti nen u panu kut iti akla akman haga nen dek oado akla, meke oado akla hisik anek, iti imam nen akhuni iti o tujuh hari serisek motok dogosak. ²⁷ O hari ke tujuh etnogo waga it imam nen it akhuni u inowa werek meke emenogo penagi nawusak; u panu kut iti it inoado waga kogat wikhalaga dek a iluk penaginawusak, u panuh kut iti penatluk nen hit hinowa weak meke werek iluk jogisasak, u etaga penyakit kusta iti iti werek oiluk jogisasak it inom nen. ²⁸ Meke u panu kut iti ikhok motok nen inoado waga kogat wikalagidek werek halok, u pol iti hisik motok dogogin. Meke inegen hagatlaluk nen dek asigin iluk it imam nen jogisasak, u iti alep hak pol hisil walagasikmo. ²⁹ It akhuni ap inom humi inom it u inakuloakma inom initoak maukhe halok. ³⁰ It imam nen u iti penasusak; u iti inoado akla akman haga esomala werek meke ekak asuak nen iluk, nen agikhe inisi podi hago meke dewelek hagat lagik hagatlaga halok, iti imam nen it akhuni iti it inowa u weak meke werek o iluk uak, iti inowa u etaga kudis inukuloakma werek o iluk isukha it imam nen, u etaga kusta inukuloak ma welagarek meke inom iniloakma welagarek meke inom werek o. ³¹ Nen u iti it nen penakhukha meke u iti inoado akla akman haga werekma nenn it inisih milri negen dek, nen it imam nen it akhuni u etaga kudis iti inowa werek meke it nen leget negen waganogo tujuh hari negen serisek dogoak. ³² O hari ke tujuh iti waga it imam nen u iti penasuak; meke u kudis iti kogat wikalagidek halok nen inisi podi warek negen hagat lasigin, nen u kudis iti inoaso akla akman haga esomala ekadek hagat lasi ukigin, ³³ Nen it akhuni iti inisi palusak, u kudis werekma etala inisi palusak elrodek. It imam nen it akhuni iti it inenwe leget waganogo negen serisek dogoak u akhuni u kudis inowa werek meke iti iniki pere hagat laga halok o tujuh hari agikhe inom serisek dogosak. ³⁴ O hari ke tujuh etnogo waga it imam nen u kudis etnogo penasusak; u kudis etnogo penahukha meke, u kudis etnogo kogat wikhalagidek it akhuni emenogo inoadoa waga, nen ineleken habuk akla akman hagat inoadoa akla, it imam nen u kudis iti arat dek agama o iluk jogisasak nen it su ugu stoma sabokhogon sawaluksak nen it u etoma dek asuak nen. ³⁵ Meke u kudis iti kogat wikhalagama oadoa akla, meke jogosusak u etnogo arat dek agama oiluk. ³⁶ Nen iti imam nen u kudis iti penatluk nen u kudis iti kogat wikha lagama oado akla iluk jogosusak, it imam nen at akhuni iti isi podi iti herakhidek heredisasak, at akhuni iti owa hulri agap weak meke owa werekma. ³⁷ Meke it iman nen u kudis iti ineleken bekhasukha meke u kusta etnogo ikhok motok welagikhe hasukha, nen u kudis etnogo akla isi milri meke dukhi agikhe, nen u kudis etnogo dek agikhe, nen akhani etnogo jogokhu kha hatu howa aret hano hagatlaga o iluk jogokhukha. ³⁸ It akhuni etoma inom humi inom it imowa u panu-panu werek etoma u panu-panu kut meke werek. ³⁹ It imam nen u iti nekesogon werek iluk penakhukha; Meke at akhuni etnogo owa u at oado owa kutek-kutek welagikhe, nen at owa agal-agal oado owa hagat lagikhesik nen u etnogo dek agikhe. ⁴⁰ At ap etnogo isi ukuloakma emenogo sabakhogon, nen ata petnogo ukuloak waganagi ikhe, nen atap etnogo owa hano hagatlagikhe. ⁴¹ At akhuni etnogo isi elokhomake sabokhogon at, nen at ukuloak elekhomake ukul wagagikhe, nen at owa hano hagatlagkhe. ⁴² Meke at ap ukuloak waganagikhe etnogo, aweleken upuwagake nen aweleken elokhomake, u agikhe kut meke inom agikhe owa meep negen agikhe inom owa welagikhe, nen ap ukuloak waganek welagikhe etnogo u kusta etnogo at ap ukuloak waganek welagikhe etnogo u kusta etnogo at ap ukuloak waganekma emenogola winam agikhe. ⁴³ It imam nen u iti penasusak at ap iti owa; at ap iti ukuluak waganekma etomala hisik dogolik nen owa kut imam meep-meep inom werek halok, nen u iti kusta hakene oado waga hagat latluk nen ekaka asigin. ⁴⁴ Nen at ap iti u kusta iti owa hagat lagikhe, nen owa weak meke hagat lagikhe, iti imam nen ap etnogo jogokhukha hat howa weak meke werek o iluk jogokhukha, u ewe at ap iti ukuloakma welagikhe iti nen. ⁴⁵ it akhuni u kusta inowa werek meke it su libilik meke ugu dogosak, inisi helre hisalek dogosak nen at elakhoken la werek dogolik nen an nowa weak meke werek-an nowa weak meke werek: iluk at ane kogat ekehogo ak. ⁴⁶ At u iti werek kolrek etawaga, at owa weak iti owa weak at dogogin; iti at owa weak halok at; at asokne at buma dogoak, o it olo inowa hano meke werekma etomala inom dapulik dogosak dek. ⁴⁷ At su ugu owa werekma etomala kusta iti owa dekelek werek, su wam domba isi karek meke ugu inom nen su jo lenan owa karek meke ugu inom u iti su etoma waga dekelek werek. ⁴⁸ Jo benang awit helre warek meke owa inom nen benang su karek meke owa inom, at oado waga inom nen jimeke timeke welrek meke oado waga inom u iti sabokhogon inowa dekelek werek. ⁴⁹ U kusta iti o ji keke ti meke owa deklek werek etoma owa meep-meep dawulik werek, nen u iti kusta u iti it imam nen penasuak. O ji meke ti meke etoma owa u kusta iti dekelek etoma it imam nen hanorogon penasuak, it imam nen u kusta iti tujuh hari nege tegelogo biluk u kusta iti penasuak. ⁵⁰ O jimeke timeke etoma owa u kusta iti dekelek werek etoma it imam nen hanorogon penasuak, it imam nen u kusta iti o tujuh hari negen tegelogo biluk kusta iti penasuak. ⁵¹ O hari ke tujuh waga u kusta iti jimeke timeke owa dekelek werek etoma apke dagakhogon penasuak; u kusta kogot wikha lagama halok suwaga inom nen benang awit kok holre warek iti owa inom nen jo benag akla kolawek werek etoma inom it inoado waga dekelek werek etoma inom, meke jimeke timeke oado etoma ugu dogosak, etoma u kusta iti anini werekma nen jimeke timeke etoma owa weak meke werekma. ⁵² At nen jimeke timeke u kusta dekelek werek etoma hetumo hunogo buak, u kusta iti anini werekma; nen jimeke timeke etoma sabokhogon hetumo hunogo busak. ⁵³ Meke u kusta kogat wikha laga iti it imam nen pemakha meke kogat wikha lagidek jimeke timeke emenogo owa. ⁵⁴ Meke it imam pemasuak it akhuni u iti inowa werek meke etoma arat inowa sowalogo beaga, dek a? Iluk pemasuak, nen o tujuh hari egikhe hagarogo buak o iniki pere waga agikhe inom buak. ⁵⁵ It nen ji meke ti meke emenogo owa arat sowalogo bisukhama nen, it imam emenogo nen u emenogo inom wadek agama werek a iluk penasukha; it nen u emenogo penakhukha meke u emenogo dek agidek welagikhe hasukkha, meke u emenogo kogot wikha lagidek welagikhe, u emenogo weak meke welagikhe, hat nen u owa dekelek werek etoma horogo nen hetumo poisono, u etnogo werekma-werekma aweleken opolrike inom aweleken elokhomake inom kogot wikhalrik akma haga u kisikhe. ⁵⁶ Nen iti imam nen u etnogo penakhukha meke u etnogo ekadekhagat lagikhe arat owa sawalogo bisukhasikmo nen jimeke timeke emenogo owalro sasikhe. ⁵⁷ Meke jimeke timeke emenogo sabokhogon ekakhagat lagikhe nen u kusta etnogo winam agikhesik nen ekak-ekek duksi agikhe jnimeke timeke inowa dekelek walagikhe emenogo horogo korogo, nen hetumo hunogo bisukha. ⁵⁸ Hat nen jimeke ti timeke weak etoma owa harogon sowalogo bino, nen ji u ti u at owa werek etoma dek asuak nen jimkek timeke weak meke werek etoma agikhe inom owa sowalogo agikhe inom bino, u iti dek asuak nen. ⁵⁹ Ji hukum u kusta meke su ugu waga dekelek welagikhe meke inom nen domba isi waga dekelek welagikhe meke inom jo lenan su kaharek meke owa dekelek welagikhe meke inom jo benang akla kolawek welagikhe etnogo owa dekelek welagikhe meke ino nen jo benang helre kolawek welagikhe etnogo owa dekelek welagikhe meke inom nen jimeke timeke oado waga dekelek welagikhe emenogo owa dekelek welagikhe meke inom jimeke timeke oadowoga dekelek welagikhe meke inom, etoma sabokhogon umo etoma weak motok o iluk usak.