¹ At Allah nen at Musa jogokhikhe: "Hat Tuhan elokhoma eme, hat inom Harun inom, Nadab nen Abihu, nen inewe tujuh puluh it inalruetek-inalruetek Israel meke etoma inom nen hit hinewa walek at dogolik nen an hogot nawino. ² At Musa alrigat at Tuhan Allah owalagikhe, at Tuhan nen it ato etoma an wisunog iluk isikhe, nen it akhuni Israel meke at Musa inom an nowa dagisunogo." ³ Nen at Musa etnogo wagikhesik nen at Tuhan Allah nen jogokhikhe meke emenogo it akhuni Israel meke emenogo sasikhe it nen at Tuhan Allah nen isikhe meke etoma inikimo hanorogon tegelek hago dogoak iluk jogosasikhe, at nen jogosasikhemo nen it akhuni Israel meke emenogo inane dapuldisukhasik nen wene oko jogokhukha: "At Tuhan nen jiwene tiwene ape waga nen ekehe meke etoma, nit hagarik lugun." ⁴ Nen at Musa etnogo nen at Tuhan nen isikhe meke emenogo holan waganogo bisikhe o huwulkhe ertnogo waga huwen siakhogon at Musa etnogo o Mezbah o tom etnogo isokma wema wagake emenogo pelrago bisikhe, nen dua belas tugu it akhuni Israel meke inewe dua belas suku etnogo higit hogon hagarogo bisikhe. ⁵ At Musa etnogo nen it elege Israel meke emenogo jogosasikhe, it nen jimeke timeke emenogo inom wam lembu-lembu kulotek emenogo palogo sekelrogo nen mempersembahkan nawulral hawulral hasik at Tuhan Allah wogotno. ⁶ Emenogo arat hagakhukhasik nen at Musa etnogo wam emenogo inamep waganikhe, inamep waganikhesik, nen aperek baskom owa ukhalrogo bisikhe, nen ato o Mezbah etnogo owa upuwaga tisalogo bisikhe. ⁷ At Musa etnogo nen kitab Tuhan nen wene worogo bisikhe etnogo waganikhe, at Musa etnogo nen Kitab etnogo waganikhesik nen it akhuni Israel meke emenogo inelokhoma wenakhikhema nen it akhuni Israel meke emenogo inasuk holukha Kitab perjanjian at Allah nen wene worogo bisikhe meke etnogo, nen it ishukha: "At Tuhan Allah nen jiwene tiwene ekhe meke etoma nit hagasugun o iluk isukha nit nen ninasuk halho meke etoma. ⁸ Nen at Musa etnogo nen wam mep emenogo waganikhesik nen it akhuni Israel meke emenogo inowa tisalogo usasikhesikh nen at nen wene isikhe, "Mep ji at Tuhan Allah nen wene warogo bisikhe hit hinm hagarik laga dogoak iluk, wene halraga at Tuhan nen bisikhe waga harik lagadogoak iluk. ⁹ Nen at Musa emenogo at Harun inom dagisukha, nen Nadab nen Abihu, nen inewe tujuh puluh etnogo inom nen it inslruktek-inalrutek it Israel meke emenogo inom dagisukha. ¹⁰ Nen it allah Israel inopase etnogo ineleken hasukha; it ineleken lkhasukha meke toma nilam upuwaga opelragoma werek hakene lakhasukha. Nen at owa lajhasukha meke o pogot owa elomala isaga iwalrek werek hakene lakhasukha. ¹¹ Meke it akhuni Israel meke wogisik nekhe lagukha meke emenogo it nen Tuhan Allah ineleken hasukha; meke it emenogo at Tuhan Allah nen it inakhidek, at it inom hipiri nikik i niki hagakhukha.

¹² At Tuhan Allah nen at Musa ane jogokhikhe: "Hat dagime an nelokhoma eme Tom Sinai jiwaga, hat tom iti waga dagitluk nen etala dogon, an helekit loh batu holan wanharek meke etnogo wokhesik nen, an nen ween hukum ji hat hikimo bumo nen hat nen holan waganogo buno nen hat nen jakulisekhe dogonok nen." ¹³ Nen at Musa dok Yosua dok it nen at jomakhawok nen iluk at elohkoma welagukha, nen at Musa etnogo tom Allah meke etnogo waga dagisikhe.