¹ It akhuni ato nen it akhuni ato meke sapi lembu inelalrulru waganiluk nen palhik oko wagan hik hagakho halok, at ap elalrulru waga igin meke etnogo nen oko at ameke iterek etnogo wogosusak, lima hakeme lembu etnogo oko busak nen empat hakene domba etnogo oko busak. ² It akhuni agikhe nen it inelalrulru waganuok iluk ukiluk nen o misalik lagunem it inewe hago bisalok nen, at etnogo akhuni nen tugi warogo buno nen at akhuni etnogo watlaga halok, at ap wasigin meke etnogo at wene owa dek nen at amep ikimo dek at. ³ Nen ap wakhe etnogo omulikin arat dukhiagasikmo nen wakhe halok, at ap warek meke amep at ap wakhe meke etnogo ikimo werek. At ap elalrulru waganhe meke etnogo at okobusak dek halok at meke kambing hakeme domba hakeme werek halok oko wagnogo nen at ap ameke iterek etnogo wosusak. ⁴ At ap oko lembu sapi werek etnogo at meke lembu sapi emenogo at nen serisek welagidek, at nen owakhanini heredisekhe halok it wam lembu sapi emenogo it akhuni rekma jawula jiai jago emenogo sabokhogon namo, halok at ap alembu asapi iterek etnogo arerekma jawula emenogola jiai yiai nen anggur aijago emenogo sabokhogon at ap ayawula weaga dekhe meke emenogo jogo awit at wogosusak. ⁵ At ap ako lembu sapi werek etnogo at meke lembu sapi emenogo at nen serisek welagidek, at nen owakhanini heredisekhe halok it wam lembu sapi emenogo it akhuni rekma jawula jiai tiai jago emenogo sabokhogon nanmo, halok at ap alembu asapi iterek etnogo arerekma jawula emenogo jiai tiai nen anggur ai jago emenogo sabokhogon at ap ayawula weaga dekhe meke etnogo jago awit at wogosusak. ⁶ At ap agikhe etnogo nen at rekma emenogola oka welrelek werekma nen at ap etnogo nen hetu jiwalrogo bekhemo nen hetu emenogo nilik-nilik nen it akhuni ato inaen owa gandum emenogo ato holre agama meke eken awan palidekma nen awan holre agidekma awan aku werekma nen it akhuni ato rekma emenogo sabokhogn hali neke halok, at ap hetuwaga herekne bekhe atnogo nen it akhuni inameke jimeke timeke jogo hali neke emenogo at ap iti oko sabokhogon wogosilik lasak. ⁷ At ap agikhe nen at alrak agikhe owa eka hakene nen onenahakene owa bilukmo, nen at ap etnogo rekma uma etnogo ukiluk nen jimeke timeke elalrulru sabokhogon wolok dukhiaga halok, at ap elelrulru waganigin meke etnogo nen at ap ago iterek etnogo oko kogat alep wogokhik jawokkane wogokihk hagasusak o. ⁸ It akhuni inelalrulru waganha meke etnogo inom wjawuagi dek halok, at akhuni ago iterek etnogo at Tuhan Allah etnogo owa lolok nen nopase an it akhuni inameke it akhuni inowa bilagakhe iti an waganhikdek at Allah jogosusak, an nen it nagalrok lak meke etoma an niki nen waganhidek iluk selekmaat buakhogon usak. ⁹ Hit hiwiku jogoku tugi, kina meke lembu hasik inom, keledai hasik inom, domba hasik su hasik inom, nen jimeke timeke nenameke nalasumo inom, it wakhuni etnogo nen usak: an meke jimeke timeke ewe joma iluk usak nen it akhuni inewe pere iti meke wene rtoma wolok at Tuhan Allah wolok wisusak. Nen at ap weak hagasigin at Tuhan Allah nen hat weak hagakhen ma iluk jogkhe halok at ap weak hagakhe meke etnogo nen at ap ameke iterek etnogo oko atep wogokhik jowokane wogokhik hagasusak. ¹⁰ At ap agikhen at agalrak owa keledai inom lembu inom domba inom nen jimeke timeke aperek inom at agalrek etnogo bilamo nen jimeke timeke emenogo sabokhogon watlasumo, nen ato inisok tame lagik nen ato akhuni nen inelalrulru wagan hik hagakha meke it agikhe nen ileken hisigi dekma? ¹¹ At ap etnogo nen an waganhidek o iluk at nen at Tuhan Allah owa witluk nen an waganhidek o it ha hogo dogon iluk nowa bega meke etoma meke at ap jimeke timeke owa bega meke etnogo nen an wagandek isihalok, hat nen akhuni inameke etoma hat nen oko bin iluk at jogosusak dek, nen oko bin iluk jogosusak etnogo it ap inewe pere etnogo nen oko busak nen it ap pere ina meke iterek etnogo it hudusak at ap owa bega meke etnogo nen an waganhidek iluk isihalok. ¹² Nen wam lembu sapi emenogo it akhuni inom wereke emenogo nen waganha halok, oko it akhuni inameke iterek etnogo wogosasak owa nen at ap inom serisek welaga meke etnogo nen oko it inameke it eterek etnogo wogisasak. ¹³ It wam sapi domba emenogo it walro okma meke emenogo nen waro bekhemo nen hilri aga halok it ap inom meke iterek emenogo hat oko bin usak dek at ap owa bugun meke etnogo nen wam sapi domba oak menogo inugurisasak walro okama meke nen warinakhikhemo iluk nen it wam inoak emenogo meke okoma meke nen warinakhikhemo iluk it wam inoak emenogo meke inugur isasak. IUti inoko iterek meke emenogo it oko wogosasak dek. ¹⁴ It akhuni ato nen it wam sapi kambing it inagalrakla ato meke nit pinjam o iluk waganha halok, wam sapi kambing emenogo oak iamelagik nen watlagik, nen at ap oko iterek etnogo at ewe etomala dek at, meke wam etoma oko busa. ¹⁵ meke at ap ako iterek etnogo atewe etoma werek halok, at oko wogosusak dek o. It wam etoma at ap iti nen sewa hagrogo nen waganikhesikmo, nen wam etoma oko busak dek it wam etoma sewa hagarekma ma. ¹⁶ At ap etnogo nen it akhuni inabut halrak agikhe ap waganedek welrek at werekma agun huto warek dekma, at ao etnogo inom noge ega halok, nen at ap iti nen at holrak iti at waganigin halok at nen halrak iti oko biluk nen wagnek dogosak o. ¹⁷ At ap holrak etnogo opase nen an nabut holrak iti at ap iti at waga nusak nait iluk isihalok, at ap holrak iti waganigin meke iti nen at holrak iti oko busak owa oko kogat doalek at busak."

¹⁸ Humi hasaleh etoma sabokhogon it iniluk bisugep o. ¹⁹ Ap sa nen at wam owa dagekhesik nen weak hagakhe halok ap iti hukuman warogo motok-motok busak o.