¹ O Sul henagan owa it akhuni Israel meke emenogo it o Mesir nen dukhilagukhasikmo nen, o etnogo wagat atit o set walharekma it o limo o etaga Sinai etnogola ukilagukha. ² It o set walhakma etnogola nen it arat dukhilagukhasik nen, it o limo etaga Sinai etnogola ukilagukha, it ukilagukhasik nen it o limo etnogola nogeisukha; it akhuni Israel meke etnogo it noge ugulukmo o tom etnogo elokhoma meke noge isukha. ³ At Musa etnogo at Allah inom jawuasuok nen iluk at tom owa dafasikhe, nen at Tuhan etnogo at tom owa nen ane at Musa owa laisikhe: "Hat nen it akhuni at Yakub owa nen wikha lagakha meke emenogo jigisogon jogosano hat nen it akhuni Israel meke emenogo hat nen jogisano: ⁴ Hit hinalrik hinileken hegep an hagarik wagi it akhuni Mesir meke inelokhoma, nen nekesogon an hit wokhisik an jomala nen nowatne at, at sue roja nen eagi abikah akla wogosik lagarek etnogo talak hit an nen wokhisik dukhiagi o. ⁵ Nen jogotaknen hit ewerogon at hinewe inom hinetaiken inom hudiluk nen hinasuk holini o an nane ji nen an nen wene bigi meke ji hinikimo aninirogon hago dogoni o, nen an nen hit an meke umat naburi nalrik at meke iluk hagarogo binaigin o it akhuni ato inakla jomala, o agarowa joma sabokhogon meke o. ⁶ Hit hinewe an meke ite asugun ite atluk nen hit an meke imam-imam hagat latluk an meke jawu hagasugun nen an meke akhuni hagatlatluk hinewe kudus tegelek dogogun. Wene ji sabokhogon at an nen igirik nen bigima hit nen it akhuni Israel meke ji wogisik laga dogolik lagarik lani." ⁷ Nen at Musa etnogo wogikhesik nen it akhuni bangsa Israel meke inalrutek-inalrutek emenogo waisasikhesik nen it wogisik elokhomake Allah ane werekmake emenogo at Musa enogo at Tuhan Allah nen at ane waga itisogon jogokhikhe. ⁸ It akhuni bangsa Israel meke emenogo inewe dapulogo opakimo hagat lagukhasik nen it wene oko jogokhukha: "Tuhan Allah ane palek meke nit arat hagakho iluk jogokhukha." At Musa etnogo nen it akhuni bangsa Israel meke nen isukha meke emenogo at Tuhan Allah jogokhikhesikmo nen at ikomo bisikhe. ⁹ At Tuhan Allah etnogo nen at ane waga at Musa jogokhikhe: "Ewerogon at an o hena akla ke hat howa wisigin, an hat howa wisigin etnogo an nakla ap igi meke jokhesik iluk wisigin nen an nen hat jokhesumo nen hat nen it akhuni bangsa Israel meke iti jogisanok nen, nen it nen hat hane igin meke inasuk holiluk it inakla alreken owa ewerogon at iluk it hat hudauwak nen." nen at Musa etnogo nen it akhuni bangsa Israel meke nen isukha meke emenogo at Musa nen at Tuhan jogokhikhe. ¹⁰ At Tuhan Allah nen at Musa etnogo jogokhikhe: "Hat akhuni bangsa iti inowa lano; hat lalok nen it jogisano it nen o jogotak nen iwaga inom huwuluk owa it inowa kudus tegelogo dogoak nen, nen it sowalogo nen dogosak. ¹¹ O Iniki henagan hagat lagikhe sikmo nen it keameke waganogo bisukha it lasak owa etnogo wga at Tuhan etnogo usagikhe it akhuni it Israel meke inelokhoma tom Sinai owa nen usagikhe. ¹² Itigisogon halok hat nen hulri watno it akhuni bangsa iti inowasik inalilu ewetlak ewetlak hulri warogo bilik lano wenekak ilik lagalrogolik: hit suam hanorogon dogono, hit toma owa dagagusep o hitk hinisok tom owa dikhogon wara nogo, sanen tom iti waga ukuloak dikhogon warekhe halok. At iti wene kogat owa buluk nen at ewe warogo lausako. ¹³ It akhuni agikhe nen iniki inowa haginawunogo, it nen iniki inowa halok it nen helekit emenogo waga it inasusak at nen sikhe malre emenogo it inasmo nen it watlasusak; domba kambing lembu sapi nen akhuni sabokhogon watlasusak; at nen it iniluk dogoak iluk here disagindek nen at Allah ane kogot pogot owa nen igin esanogo ane uang at isi motok dogogin, nen it tom kok etnogo waga dagugun." ¹⁴ It akhuni bangsa Israel meke emenogo it otm kok emntogo waga dagi sinem at Musa etnogo it inowa usaikhe; at Musa etnogo it akhuni bangsa Israel enogo inowa usagikhesik nen it jogisasikhe hit hinowa kudus tegelek hagt latluk nen dogoni o nen agikhe hit meke hinasu sowalek dogosak o. ¹⁵ Nen at Musa etnogo nen it akhuni bangsa Israel meke etnogo jogisasikhe: "Hit jimeke timeke karelogo biluk dogoni o, hiniki henagan jaawan hagat lasiagidek kolrek, nen hinaugi hinom noge ugusep." ¹⁶ Nen o iniki heneagan etnogo waga wene aginkhe hagatlagikhe, wene ewe ji ane koga at pogotlowa nen isikhe, nen o isa etnogo toma kok etnoga kelrekhogon welagikhe ne pogot owa emenogo nen ane kogat isikhe, nen it akhuni bangsa Israel meke it uma perekemahan welagukha emenogo inakmaken apik lagikhesik nen inayuk agikhe. ¹⁷ Nen at Musa etnogo at nen it akhuni bangsa Israel meke emenog wogosik uma perkemahan nen dukhisikhe it nen at Tuhan Allah etnogo nen it woginawigiluk wagu nen at elokhoma mellasilagukha o tom kok etnogo isokma wemawaga emenogo. ¹⁸ At tom Sinai etnogo owa upuwaga emenogo sabokhogon o sode emenogo sewelikhe, at Tuhan Allah etnogo ato hetu akla emenogo inom usagukha; o sode menogo apik hulogo o uma hulina nen dukhekherek emenogo talak hagat lagikhe, nen o tom etnogola sabokhogon inayuk agikhekherek nen inakmaken lagikhe kogat. ¹⁹ Opogot etnogo ane bukigik kokigik hagakhe dogolik nen jowokane ane kogat abet werek negen meke isikhe. At Musa etnogo nen wene isikhe, at Allah etnogo nen wene oko o sepelre akla emenogo nen at etnogo jogokhikhe. ²⁰ Nen at Tuhan Allah etnogo o tom Sinai etnogo owa nen usagikhe, o tom iti owa upuwaga etoma nen, at Tuhan Allah etnogo nen at Musa wakhikhe nen at Musa etnogo tom etnogodagisikhe. ²¹ Etnogo nen at Tuhan Allah etnogo at Musa jogokhikhe: "Hat usame, hat usaluk nen it akhuni Israel meke ji jogisan it jogsamo nen it an nen an betneasusak igin etnogo waga arat hagat latluk mo an bekneasunogo athe an igin etnogo waga at an beknesusak; nen it an beknea susak igi etnogo waga it an betneagidek halok it sabokhogon watlasungun nen at Tuhan Allah etnogo ileken berisek welagikhe. ²² Nen it imam-imam emenogo it at Tuhan Allah owa holok-holok witluk nen it inowa kudus tegelek dogolik an nowa wisusak, it inowa kudus tegelek an nowa wisugun halok nen wene it inowa kogat bigin." ²³ At Musa nen at Tuhan jogokhikhe: "It akhuni bangsa Israel meke ji it toma Sinai jiwaga dagisusak elrodek o, hat nen wene akin werek meke nit ninowa bilik iti it inelokhoma selekma bino." ²⁴ At Tuhan etnogo at Musa jogokhikhe: "Hat lalok nen, hapoke usame, nen hapoke dogisigiluk, hat at Harun hinom dagitno; nen it imam inom nen it akhuni bangsa ISrael meke it an nowa dagisuok iluk halok it an nen hulri warogo bigi waga biluk dagisunogo, it wene akin werek meke inowa hagat lasunogo." ²⁵ Nen at Musa etnogo it akhuni bangsa Israel meke etnogo inowa usagikhesik nen at Tuhan Allah nen at wene jogokhikhe meke emenogo it jogisasikhe.