¹ At Tuhan nen at Musa jogokhikhe: "Hat at Firaun owa lalok nen jogosilan o, an nen at Firaun etaiken inom nen at meke pegawai inetaiken inom abereak hagarogo bigin o, an nen elalin meke hagasigin ji it inelokhoma hagarogo bigin o. ² Hat nen hat hopai inasuk owa lisogo jogosekhe dogonok nen o, nen it inakla apasak dek negen meke hagarogo bigik nen elalin meke hagarogo bigik it inelokhoma hagarogo bilik lamo nen, it iniluagik hudigik hagarik bigik it ienlokhoma hagarogo bilik lamo nen, it iniluagik hudigik hagarik loak nen o, an newe iti Tuhan Allah at ma." ³ At Musa dok Harun dok at Firaun owalagukha nen at jogokhukha: "At Tuhan, Allah akhuni Iberani meke inopase etnogo nen: 'Hat kawaga nen an nelokhoma herawut sewegiluk nen an holigin? An meke umat iti it heredisan it lalok nen an netaga kogodiloak nen. ⁴ Nen huluke an meke umat iti loak iluk heredisigidek hagakhen halok, huwuluke an nen o o milriwan etnogo harerekma o welagema etoma laisisgin. ⁵ O mulruwan etnogo kota Mesir sabokhogon sewelikiagikhe, agat owa sabokhogon sewelikiagikheskmo agat kota Mesir ineleke bekhasa elrodek motok; nen jimeke timeke ai jago jio tio eken ugu meke ato o miso digiken degerogo bisikhemo nen, ato heredisikhe meke at o milriwan emenogo nen sewelogo degerogo motok gat hagarogo bisikhe. ⁶ O mulruwan etnogo at Firaun rekma uma sewelogo bigik, nen at meke pegawai emenogo inaila sewelogo bigik, nen it akhuni Mesir meke it inaila sabokhogon sewelik wagikhe nen o walro milriwan kok seweliagikhe iti it akhuni o Mesir etoma ineleken hekhe lagukha dek meke nen it meke inagona inakhopalak inelehekhe lagukha meke it inelokhoma hagat lagikhe, it itak lagukha bulri waga nen it welagukha esawaga nen hagat laga lagikhedek meke hagat lagikhe." Nen at Musa etnogo at Firaun etnogo heredisalok dukhiagikhe. ⁷ It akhuni at Firaun meke pegawai emenogo at Firaun etbogo jogokhukha: "It akhuni ji nit apik weagarogo binanugun jihulri kiwaga? It akhuni ji it loak nen heredisani o it lalok nen it lalok nen at Tuhan Allah, it inopase. Etaga kogodiloakma arat weak aga o?" ⁸ At Musa etnogo inom at Harun inom it inapoke wogisik at Firaun owa lagukha nen at Firaun etnogo nen it jogisasikhe: "Hit lani, hit lalok nen at Tuhan Allah, Allah hit hinopase. Etaga kogodilani nen hit lugun sani-sami isikhe?" ⁹ At Musa ekhe dogolik: "Nit lugun elege etoma inom nen ap inalruetek etoma inom; nen elege nit ninaburi nen homalrugi nit ninaburi etoma inom, nen nit meke kambing domba sapi nit meke etoma sabokhogon ninom lugun, nit esoma lalok nen nit hagasi lasakma." ¹⁰ Meke at Firaun etnogo nen jogisasikhe: "Meke at Tuhan Allah iti at nen hit elrok sekhisek dogogin a, hit an nen hinaburi homalrugi etoma inom heredinaumo nen hit lugun meke hineleken lakhatni hinakla ewekhelagep etoma wim kabelek meke hinakla ewekhe lagep o. ¹¹ Itisogon buk, meke hit dukhilalok nen lasak, meke ap anek lasak humi jikirugi inom dek, hit salok nen at Tuhan Allah etaga kgodilasak, hit hinkala apege itisogon halok." It isogon buk, meke hit dukhilalok nen at Musa dok Harun dek it mukhogo wulaisagukha at Firaun elokhoma. ¹² At Tuhan Allah nen at Musa jogokhikhe: "Hat hiki o agat Mesir owa upuwagake liain nen owalro milriwan emenogo wisuak nen o milriwan etoma witluk nen o kota Mesir sewelisuak nen it mulruwan etoma witluk nen timeke eken ugu meke o miso digiken waga dogolik sewelhe meke ato heredekhe meke etoma at mulruwan etoma nen seweluak nen o." ¹³ At Musa ne o segelruk etnogo ikima wa ganikhesik nen o agat Mesir awa upuwaga ke liaisikhe, at Tuhan Allah nen o hisakne emenogo timur ke nen o Mesir owalaiagikhe, hiwilu jogoku nen jiwako hiwako laiaga lagikhe, nen o arat wiagikhemo nen, o hisakne otimur nen wagikhe etnogo o mulruwan wwolok wagikhe. ¹⁴ O Mulruwan emenogo o agat Mesir owa wagikhe sabokhogon nen o Mesir owa siwik sewekogon hukagikhe, apik motok; o haganehak esoma itisogon hagat laga-lagakhe dek meke o esanogo waga o milriwan isi winam agikhe nen o esanogo wagat winam amagikhesik nen jawokane itigisogon hagat lagidek. ¹⁵ O walro mulruwan emenogo o agat Mesir owa seweli sagikhe, nen o Mesir etnogola mum motok hagat lagikhe; nen at o walro milriwan, emenogo nen o hi ai tiai Mesir wjago welagikhe emenogo inom nen jimeke timeke nekarek meke ekeugu agat owa jogo welagi emenogo inom o miso hudeken digiken kilelogo usaaga dogolik henediksikhe meke emenogo inom, o ai jogo emenogo inom o eken inakherek meke eka milri o jawula o agat Mesir owa jago welagikhe emenogo sabokhogon degerogo bisikhe. ¹⁶ At Firaun etnogo nen at Musa dok Harun dok waisasikhesik nen wene jogosasikhe, "An dosa wean meke at Tuhan Allah, Allah hit hinopase etnogo elokhoma inom hit hinelokhoma inom an weak hagokhio. ¹⁷ Iti halok, hit nen an dosa kogat hagakhi ji hit nen degerogo banini o yogotak jawaga at nen hi berdoa hat Tuhan Allah, Allah hit hinopase etnogo kino jogosumo nen an weak hagakhi meke iti nen walek gat mukhogo lauak nen o." ¹⁸ Nen at Musa etnogo at Firaun uma biluk nen at Musa dukhialagikhesik nen berdoa waga at Tuhan Allah inom wene palukha. ¹⁹ At Tuhan Alla etnogo nen o hisakne Jerusalem ke nen wagalagikhe etnogo hewanokhogon, o berat etomake bisikhe mo nen o hasakne etnogo owatne ak wagadogolik, o walro milriwan emenogo wolok wagikhe, nen o walro milriwan emenogo i laut Teberau owa kilelogo sabokhogon usaisasikhe, o walro mulruwan emenogo o agat Mesir owa agikhe bigidek motok. ²⁰ Itisogon meke at Tuhan Allah etnogo nen Firaun etnogo etaiken abet weak hagarogo bisikhemo nen, at Firaun etnogo nen it akhuni Israel meke emenogo laok iluk heredisigidek.

²¹ At Tuhan Allah nen at Musa jogokhikhe: "Hat hiki upuwaga pogo owake liain, nen o mum iti o agat Mesir owat mum asisuak nen, it akhuni iniki jawak tawak hagarik laok nen o mum itiwaga. ²² At Musa etnogo nen iki upu pogot owake liaisikhe nen o mum o agar Mesir sewekhogon hagatlagikhe nen iki hen agan o mum motok welagikhe. ²³ O mum hagat lagi khesik mo nen at agikhe nen at agikhe lakhigik hagasusak elrodek motok o mum sewekhogon usagaikhesikmo nen, it akhuni o iki henagan owa mum welagikhe eranogo waga noge isi motok wealgukha iniluk mum welagikhe eranogo waga noge isimotok welagukha iniluk asusak elrodek; Meke it akhuni Israel meke it welagukhama iniluk asusak elrodek, meke it akhuni Israel meke it welagukhama ke o lia hano motok welagikhe.