5 1 Inkatama inke tu'teshki to'hkri pesh atauwéhí aakrimá kri Jesus abri tóh Patatishta a'kapash weshkra. 2 Ekama aakiri tóh aso abri Genesaret. Eká puró pok kacheí aso abriña. Toh wichá pastamá apaskra pes redesró suka ki'rí. 3 Jesus tokí toh purúh asña. Tóh Simón i'riña i akapeitis araspiró toh abriña. Akashki eka chechihi kachawishki toh puró ara'na, 4 Akashkí kapashya'kií, ti'kií Simón: "Paku'h toh purú aso uru'ña acha'u la redes wicha paska." 5 Simón ti'kií "achiwista untasma krí kakañañas katuishbarchi i wicha as naní pasbatua, akes papiña'raí in redes acha'pa." 6 Toke ki'remá wicha wria'katis uwe'ri i toh redesmá katauweska ishkí. 7 Akashkra karwa'taró karwari toh purú akua wetri te'kra karwarke3piro. Eka te'kri i umustri toh purúpok, i akes cha'toki nerí. 8 Akashki Simón pedromá, inró chewamá, achanyopé tishki Jesusña. Ne'hia: "Tisteshku tasña, tamá arwá warkuá ishtarawá, Señor." 9 Akes toh kri'ro ekayo aakrimá, wa'tawarkri toh wicha paskerwá aakiriró. 10 Inrerirí Jacobo (Santiago) toh Juan Zebedeo ayerwá, taro Simón arwa'tarerí. I Jesús tikirií simónró: "Akatiutí, toh inkatama pamá wicha arwa'pastaropé. 11 Eka peshpurú pe'kra ku'ña, tu'kra akashteskra nerí. 12 Akaskí tu'teshkí, eka toh kaauyá asña aakuamá, arwa abraspeas aakirí to'ña. 13 Akashkri Jesusró chewamá, eka achanyope tishki abriña i inké ti'kií ñe'ia "Señor eñarimá, te'tausku. 14 Eka ti'kií asnanií ti'kitipiro, inka ti'ki: "Nau pita'ke achiwishku toh paré i sacrificio as. Cau pi uskririskiá, toh Moisés ye'hí tonhike toh testimonio eka reri." 15 Inkariké eka aña'ma kara'naboní i pesh wria'katis te'kri weskerpiro aña'a i toh peschana karpespiró. 16 I akes tishkua eka tisteshki toh ku'asennaña i arñehí. 17 I tu'teshki to'che toh kachiwiskakiwamá, to'ña Fariseo as aakiri maestro de la leyrí acha'a ishkri taro te'kri ka'a akua chata toh abri toh Galilea Judea y akes toh kaa Jerusalenri. Toh atapun del Señor ekañá aakirí chana karpespiró. 18 Inkatamá arwá tiste'kerá, camilla as atu'kra te'kra arwa as aa'turi i ekama pro'ra pe'tukepirishki asaña pe'kra pe'pishkerpiro Jesús aki'ña. 19 Ekama to'keki'retiri, toh pesh wé rishkra, ake pe'ri kao kaanke pe'ra toh arwá atapa'h ő'ti as ki'ra toh kao i akamilla, toh pesh peshkera mono'pishkri Jesús aki'ña. 20 Toh pesfé kacheí Jesús ti'kaki: "Arwa, pi warku pipeshkawa." 21 Tóh escribas i tóh Fariseos akape'ri inke, ñe'ra: "¿Tasa inhí in blasfemia ñe'waí? ¿taró karpeshkasa pecado. Toh Patatista peí?" 22 Akashki Jesús kacheí tóh eka warkua ameshka inshkriró kawarpishkí ñe'í. "¿Irish ña'ñawisa pawaí peshturusaña? 23 ¿Piña'ro cresh eñasa ña'a: 'Pi pecadoí kipershkaí; o ña'a: 'Ishtakú tarteshkú?' 24 Inkarke pawá ari'upiwaró toh arwa aye'erwá autoridad aka'chuí inku'ña pecado karpeshpiro, tas paro tapikaawá: 'Ishtaku, pikamilla suku'u nau pi kaoké.''' 25 Akaski waripé ishtaki ekakri peshkera, camilla ishpaki toh aprishkuaruriña; a kaoke te'ki Patatishta eyeshkíá. Kri'ro wa'tawarkra Patatishta eyeshkríá. 26 Kri'ro wa'tawarkra Patatishta eyeshkí. Akatia'ishkra, ñe'rí: "Untasmá chamará chamati'iwayas inkata." 27 Akes intu'teshchewamá, Jesús apaski tohñá chi'ia i to'ro cheí plato impuesto uwa'taas apinmá Leví achi'iri toh tienda toh colectores riña de impuesto. Eka ti'ki "Taracha'u." 28 Akashki Leví ishtaki arachi'inai, kri'ro su'ña akasteshkia. 29 Akaski Levimá banquete a'kaas kií Jesús i'ro. I tohya plato impuesto uwa'ta wé aakri i pesh akuatis taróh toh mesaña aaishkri aske ekaño. 30 Inkarike toh fariseos i toh escribama ñe'ri asu'nata lero, ti'kakira: "¿Irish pawaí a'uto'kuwa iskiawisa toh plató recaudadores de impuestos reyo i toh pesh akua warkuá ishtareyowá? 31 Jesús kakawarpishki: "Toh taróh pesh pesh ensarema ekama: chana peshta ameshkertuá, taróh toh pesh archanawá leperó untasró ameshkera. 32 Tasma te'ka pesh eña pero karwá te'tari te'arrepeti akirepiró." 33 Eka ti'kiri: "Toh Juan asu'natamá atunáishkra arñe'rera i toh Fariseo pesh su'natawa askashkera. Inkarike pisu'natama e'ra to'kra ishkera." 34 Jesús ti'kaki ekaró: "¿Ki'piti as toh aakiña ayunaishka, i'ka toh tu asen atewata aakii ekayo? 35 Inkarike a'as te'pe toh pesenmá kartesu'pe, akashki to'chemá. 36 Akashki Jesuswá ye'hí parabola as ekaró: "Arwá as chani tastuwá kaowa tas ás kaowá we'ka asña i to'ro tu'tuwa kaowá warwa asña. Inró ishkuamá. Ekamá wesche'pipra toh kaowa warkuama akashki kaowa wé'katisma tauwrí'che'pipro. 37 Akashki arwa as chani tu'tuwa vino we'kaas ache'tua odres warkuaña. Eka inró ishkuama toh vinoma ta'awar'pipra i toh odresmá toshpipra. 38 Akes toh vino we'kamá tu'karó eñai toh odres we'kaña. 39 Toh arwa as chani toh vino toka ukua toki teshkuama tokish kiwa vino we'karó, tóh inkenewá: toh warkua tis eñai.'"