4 ¹ Ta'kakaaw‌á ima chii e'kae'rip‌é, y‌é tishtatew‌á, kati'kakuaakero akuakenataãĩ, akriki aiwãripirikiã. ² Ekama awa'ña aakí kashiwistayó eñapakerí tõ'chẽ ae tishkuat‌ãni atus ñehir‌ó. ³ I'ka to'kema, pitasma ah‌í yé chẽrima, pitasukulera pita kuaakrí kilerchẽ yas kuk chuña. ⁴ Ah‌í ke tõ'chẽ aã te'kuayo tishpé, Patatatishtama a yerwãró tunhí, kortaña as chii peskí, ley awa'ña. ⁵ Ima t‌õ'karo kii ley awa' lerña taña suku ishkapirii pesh yerw‌ãke. ⁶ Akar‌õ pomaw‌ã ayerw‌ãñariñawĩ, Patatishta ayerw‌ãró arkatunhí wishki pitaturus‌ãña aña'ñew‌ã: "Abba tus." ⁷ Akarõ akema sukuhí piakoaarketuwã akẽsh ayerw‌ãro i ayerw‌ãrima, t‌õ'ke to'wá pesh iwá tishkupiwá Patatishta ñá. ⁸ Akar‌ã te'kuachẽma, pamawá Patatishta arihutuchẽma, pamawá kar‌ãshkera kuwakri wé katún ishkerpiró ekalerwá, tuñaleraska pesh tusmá acha kenalerí, Patatishta aye tãlerwá, tõ'kenaska. ⁹ Akar‌õ inkata pamawá Patatishta arihú chaũ te'kiy‌á, oike ña'pama, Patatishta kari'tuwã, ¿inkashki warkí te'ka}ishkesa ki te'kera mai maikiwaí átapún kakachituw‌ã? ¿Wark‌í we ñaskakilerpiro nauw‌á? ¹⁰ Pamawa ‌ãn as te'kuma enkiiya ae eñachẽ, yawi i'ká i ku‌í te'kuar‌í. ¹¹ Parishkiw‌á akatiaw‌á asna taka tunña payow‌á ima a ohnoripé ¹² Ta'pikaawá, arkiwas tasken tishkuwá, tõ'karõ taswa pakenwa tiskarii. Pamaw‌á iña warku‌á as takautirii. ¹³ Pamaw‌á ke arihiñawĩ ima tacha na as rii tapesh kaoñ‌á tasña ña kapashkarii ima evangelio ki'ró kapashkarii. ¹⁴ Akriki tapesh kaomá inkén ameshkí ki'piro kakatukí, pamawá untarii ta'takautirii tutúnhutirii. Atẽshkema ó atamakenma pamawá Patatishta ángel ke krẽsh ta sukuhíñawĩ, Jesucristo ke krẽsh takiiñawĩ. ¹⁵ ¿Ah‌í akashku‌á, piuñahama ke inkata aak‌í? tasña ke ña'ta'kaaw‌á, ke tishpima, papekaw‌á piwar‌ó paskuw‌á tatenrishki tasr‌ó. ¹⁶ Akashku‌á, tasm‌á pesh wark‌í tishkarii payow‌á i yar ta'kakaar‌ó? ¹⁷ Ekama katiw‌á ishkera kasukulerpir‌ó paroh‌ó, akar‌ó ima eñatãrii. Ekalerma tis tapeshkerpirishkrí tasña, pamawá ekaperó chaenkaupirii. ¹⁸ Atewata ima eñaí tõ'pero eña ishkapiró, i taspema tõ'ña a a'taparó payowá. ¹⁹ Tayelerma, warki ôhsitishká aryea apa´naro takiwá parowáhá Jesucristoña para kakipiwá. ²⁰ Ta rarí tõ'ña aakarishki payowá inkata tamaken kapa ta ara'nama, tõ'karo payopewa aakaawá. ²¹ Ta ishkuw‌á pamaw‌á ley ñapero aa'kishpikiñawĩ, ¿ima ley ñe'warõ weshketuwã? ²² I'ka tõ'karo ke kakorskaí to Abraham ma ye' pok akachii, ye asma to korta in ishtuyo pehí, i ye' asma to korta en ishkuá wetayo. ²³ Akarõ to asma to korta in ishtuyo chii yukú ekae'yo, akashkuá ye asma to kortaña en ishkuaro tõ'ña ti'kiiñaí. ²⁴ I yasma ñahañawĩ akua sán meshki ñe'piro alegoriaké, akashkuá i korta pok ma pok pactolerii. To korta asma Monte Sinaí chatarii i ekama ye pe'wá ima katiká inishketuwã. Ima Agar ñaí. ²⁵ Inkata Agarma i Monte Sinaí ñaraí to Arabía ña; i eka korta inkata Jerusalén i, akrõ ekama in ishtuña aakuá pesh ye'yo aakua. ²⁶ Akarõ to Jerusalenma ta'wa aaki ima tayo'weta eñaishkuá, i ekama pita kakii. ²⁷ Akarõ ima kakorskaí: "ARARITISHKU, PA INPEHMTUWÃ, IN YEA PEJUTUWÃ. ARARI AÑAHUWA WÃ'NUWÃWĨ, PAMAWA IN ÔHSI TISKUTUWÃWĨ ARYA APA'NARO. AKASHKUA TO KORTA PESH YERWAMA AKASTESHKRI IMA TIS WÊ LERII. KE TO KORTA AKAWAEKAMA I ARWA EKAYO IN PE'TII." ²⁸ Akarõ pamawá arkiwás isac ké, ima iñehiro ayerwãlerá. ²⁹ ‌Ã ãs te'kuachema, ima yukú akuansa chaenkii chii askenaí inkatama. ³⁰ Akarõ ¿kakorskama ñe'wã? "YE KORTA A YE'MA IN ISHTUMA AYERWÃYO ASKÉN AKASPASKÙ. AKARO ³¹ TO KORTA IN ISHTUMA IMA IN WISHKETIPE TO KORTA EN ISHKUAPERO WISHKERPE. Akẽsh, arkiwas, pitasma korta inishturo ayerwãra bartuwã, akẽsh to korta eña weta ishkuaró.