¹ Ya Waiwacali imaca Samuel iri: "¿Caina idecuni piuchaidaca Saúl, idecunicateisi camitaa nuwawani iyuwa Rey Israelnai iri? Pipuniada piasu cawesi ichaleca aceite iyu. Nuchulia pina piacawa alee Isaí nere Belén iyacalenere, nuedaquina aberi nuasu Rey benibe yewise". ² Samuel imaca: "¿Cana yewana nuacawa nua? Saúl yemiacanamini, yaa inuacanua". Waiwacali imaca: "Pedaa abechua pacaa walisiari asaica piapichawa yaa pimaca, "nuanaca nunuaca Waiwacali iri". ³ Piwaida ya Isaí ale pinua catale ya nuacata yasaida pina piri pimaniri pinaca pia ipusua nuwali yai nuchaliarica pimanica. ⁴ Samuel imani caide uyawa Waiwacali imana ya yacawa Belén nere. Niai beyeineica yacale iminanai natatacawa nacaluniwa ya naca naica ipunita ya naimaca: ¿Piana casimaiwaca? ⁵ Ya imaca "nuanaca casimaiwaca; nuanaca alee nunuacatena Waiwacali iri, masacacue piacue Waiwacali iri iripina nanuacatai pina yacue piaca nuapicha nese iwenuadaca ya Isaí yenibe yapichawa imaidacani alee nanuacataicapinaca". ⁶ Ya nanacanami, icaidaca Eliab iri ya imaca iriwa yederipinaca Waiwacali baisita ideca ibaluacawa ipichale. ⁷ Yai Waiwacali imaca Samuel iri: "Pica pica icacanawa, ichenunica; camiquina nawawani. Yaquina Waiwacali camiri ica caiwaca iyuwa icacana ya asiali; yai asiali icaca icacanawa inatabawa, yai Waiwacali icaca nawawa. ⁸ Nese Isaí imaidaca Abinadab, ichuliaca ichabacawa Samuel ipichale. Ya Samuel imaca: "Camita nacai Waiwacali yedayai". ⁹ Nese Isaí ichuliaca ichabacawa Sama. Samuel imaca: "Camita nacai Waiwacali yedayai". ¹⁰ Isaí ichuliaca nachabacawa siete (7) yenibecawa Samuel ipichale. Ya Samuel ima isaí iri: "Yai Waiwacali canacata yederi newise niai". ¹¹ Nese Samuel imaca Isaí iri: "Niata macaita penibe nia?" Ya imaca: "imacacawa ucurisiwata, quewa icuacawaca ovejanai". Samuel imaca Isaí iri: "Pichulia nayami nanedacanu; camita wayana pinatawa waunacawa ata yanacatale pinata". ¹² Isaí ichuliaca nayami nanedacani ya nanaidacani. Nese, yai irica cayaberica icacanawa ya niai ituica caiyeitanaica cayabanamaca icacanawa. Ya Waiwacali imaca: "Pimichawa, piposuanani; yacainata yai nuederica". ¹³ Quewa Samuel, yedaca yai ichaleni yapicha yai aseiteca yai ipusuacani yenanai yacualicuwa. Nese Waiwacali yasu Espírituca ideca iyaca David yapicha nese erimita caita siucalenama. Idenami Samuel imichacawa ya yacawa Ramá nere. ¹⁴ Yai Waiwacali yasu Espírituca imacaca yai Saúl yai espíritu bawerica yeriwa waiwacali imacaca yuwichacawa. ¹⁵ Niai Saúl yasu weneicaca naimaca irii: "Picayai, aberi espíritu baweri Waiwacali neserica yuwichaiderica pia. ¹⁶ Pichulia ya waiwacali, iculiaca niai piasu weneicaca, wia iyeyeca pipichale, picuta aberi asiali yaliariacawa inuaca yai arpa. Nese yai, espíritu baweri Dios iyaca piwali, ya pinata idunuani ya cayabaca pia. ¹⁷ Saúl imaca nali niai yasu weneicacawa: "Picaidacue nuli aberi asiali ya inuerica cayaba ya pitecue nuataleni". ¹⁸ Nese aberi nena niai asianai uculiyeica yebaca ya imaca: "Nuicaca aberi Isaí iri Belén neseri, yaliarica inuaca, cachainiri asialica yaliari ipeliaca yaliari itanica, cayaberi iwitaise; ya Waiwacali iyaca yapicha. ¹⁹ Nese Saúl ibanuaca aberi tacaisi Isaí iri ya naimaca: "Pibanua nuli yai piri David, yai icuerica niai ovejanaica". ²⁰ Isaí ibaca aberi burru yepunideri pani, aberi catua yacanasi ituni yalu, aberi chibuna ya ibunuacani iri Davis yapichawani Saúl iri. ²¹ Ya David yanaca Saúl yatale ya iwaluacawa ale ibaidacataica. Saúl iwawaca cayabanamani, ya imacaca yasu iwi iyuwani. ²² Saúl ichuliana Isaí imaca: "Pimaca David iyaca nuapica, cayabaquina nuicacani. ²³ Yasu espíritu baweri Dios iyacaa Saúl iwali, David yedaca arpa ya imanica isanana. Yai espíritu baweri yacawa icha nese Saúl cayabaca iri wawasi.