¹ Jjanü taneje SEÑOR NÜ penu kae jawa alta müjjü bürrita, nejumaitsi, kkonitajjuabare peünü piaja naetsituruto peotjopaenejja tsika boo. Tsapare pepiri ejjanare dajjita mata tuanü, jjanü beyeje bianaje dajjita espadata, itsajiwiyo apo ponae tsane tajü, apo pane pae tsane. ² Ponaeta tsane irabü jjapana bereka, bajara bereka kope pataje kajutsianinatsi. Ponae tsane atjübü abetsia, bajara wetsika kajjuabianü katsi. ³ Namotoryabü aata unü Carmelo tuuto mata tutatsia, kawaeta bianatsi. Manua mene bijjapana na matayabü atamü tsane, katsitorobi anatsi jama, bajara ponü. ⁴ Kaponae ata tsanetsi be pija dajubiwi nejja, kaponaenatsi pekue yawi pitabarata bajara pamonae be yejebiantsi. Jjanü bitso itoyanü tsane abeje tsane apo jjane panae tsane. ⁵ SEÑOR NÜ, wajabütsai DIOS ira jayata nayaeba; dajjita pamonae jinavanapa bajara jota ai ai ka; bajara pa monae vitsbiana be pe pamene, itsiata ikatsia tseviana be Egipto mene. ⁶ Bajara ponü rabaja nakueneba etabojjo pa kuenia baja tanetsi bajara pa kuenia toruta, na kueneba jjanivetsia pejjaniwatsia ira jumata. Bajara ponü manua mene weretsina jumata jjua kujinae runae ejjana mera ira jumabereka, bajara ponü rabaja pewünü SEÑOR NÜ. ⁷ ¿Jume pajjamü apo be paetiapia pijiwimü jjamü jawaberena, Israel tomara piijiwi jjua rabaja jumaitsi SEÑOR NÜ ¿ Jjamü apo pakajutsitsi Egipto nakua werena pa Israel ta winü, filisteowi Creta tomara pijiwi arameowi kir nakua pijiwi? ⁸ Taema, tane SEÑOR DIOS nakua ejjanaenü itoya pibisia kuene pe ejjanae nakua, jjanü peyebianaje ira jumata pejinavana paewi, baitsi jane apo beyebünü tsane dajjita Jacob; piaja monae; pejumeliwaisi SEÑOR NÜ. ⁹ Taema, Jjanü karajutatsi takai torobü livaisi, jjanü rajutsianaje Israelitawi dajjita nakua pijiwi, bajara pamonae pitabarata bekuene jiobü tsane, pa kuenia yakalita ba jjüaba bajara itsi tsane. ¹⁰ Dajjita pe akuene bejewi taja tomara pijiwi beyejebianatsi espadata, pa monae jumaitsi, pipisia kuene apo nakatsijapae tsane wajjaitsi. ¹¹ Bajara pa matakabi mata katsianajü David piaja boo büritonü pijiwi ira ta pe babenaewimü too kopia rutsianajü pipibisia kuene jjawanü. Jjanü too jjanebianajü piaja tomara, too nakuenebianaje ikatsia piabeje jawamü. ¹² Pe jinavanapae nejja pena kapapiwi Edom yajawünüwi, dajjita nakuanü tajunatsiwi tawünüta, ma paliwaisi toma jume kopata SEÑOR NÜ, bajara ponü ejjana jjuaje. ¹³ Taema, rena tsane matakabi, bajara paliwaisi rabaja tsipaeba SEÑOR NÜ, pa kujinae peubinü pü kajjünaena pe kae tuatsinü, pakujinae peubinü pika jjünaena pekaetuatsinü, uva kuai petsakibabenü pükajjünaena peubünü. Unü tsutonü juwi ejjanaena pejjaikae uvaranü, dajjita tsutonü unuanü juviana bajara jota. ¹⁴ Itsinü tsane pena wiabü nejja pa monae kaponatsi pekueyawi Israel monae. Bajara pa monae ikatsia nakuenebiana pe to bijianae tomara nüni ikatsia jinawanapakua, ubiana uva baka banü apaena piaija vinoranü, nakuenebiana. ¹⁵ Nubianaju piaja ira ta, ikatsia baja apo kaponae tsanetsi pekueyawi tara jutsi ira wekua, jumaitsi SEÑOR NÜ naku DIOS.