¹ Pakujinae petujjanewa Sabá jumetane pejjania kuene Salomón yabara, bajara powa rena Jerusalén java berena peya nijiobi nejjatsi pe ayapübeje jume anü. Piayai bitsaüto yajava pata, camellos anüta kapona oromonae, pejjania ibo. Jjua bajarapowa pata Salomón javata, bajara powa jumeitsi dajjita jjüa jjaina pejamatabü ütjutota. ² Salomón jume kanaviaba dajjita jjuabeje yanijobatsi; itsajava ata apotsita ayapübejetsi Salomón; kae jume ata apo jume jjuabi. ³ Jjüa petujjaneva Sabá pijawa tane bitso peyapütaejava bitso Salomón, tanenua ayai boo penakuenebijava. ⁴ Pejjaijava eena mesata, piajivi nejja, peyawenonaebitsi pena jjatabijawa, piaja coperobi ata penajjatabijava, bajara pakuenia rajuta biaba petsakiapae ofrenda waja tujjanenü piaja boota, piaja espíritu baja wekua ponatsi bajara powa. ⁵ Bajara powa jumeitsi ira ewetsinü jawabelia: "Jjaniajai, jjüa jume tanejü pepa taja nakuata nejume liwaisi bitso peya pütaejava. ⁶ Jjanü apo jume jjania taenü jumetaitanü ata tapatsi java berena, baja patapania tae tajjutokuenia tanejü. ¡Be epatua ata apo nejumeitsi peya pütaejava pejjainae java ata kuene! Jjamü bitsto naye putaya ejjane, bajara pakuenia jjanü jumetanejü. ⁷ Ya tomara jjanepaname, nia jiviata kato jjanepana, kajume kowünütanüa, tsipiji bajara pamonae jumetane nekuajarubi java. ⁸ Pejjania jamatabükuenenü niaja Diosonü, tsipiji niaja Diosonü bitso jitsipa Israel tomara, dajjita matakabi jawabelia nejja, bajara ponü tomarane ewetsinejja kanuta arapamonae nejja, neya matamatsinejja jjania waitsia kuenia". ⁹ Bajara powa rajuta tomara pe ewetsinü ciento veinte (120) pekuenebeje cuatro mil ochenta (4,080 kilogramos) oro ayai javanüa pejjania iba. Itsa java ata apo mata tojjenatsia itsakuena wiria, pakuenia petujjanewa Sabá tomara pijava rajuta ira ewetsinü Salomón, baja matawüjüa apo rajutsitsi. ¹⁰ Peto nakuene biwitsi Hiram tomara pijivi peto nakuene biwitsi Salomón, to kapatatsi pamonae oro ofir, komuakanüa sándalo pa anü pejjania ibonüa. ¹¹ Sándalo pa anüta, tomara ewetsinü nakueneba pejunaejava nejja waja tujjanenü piaja boota. Yajava kapata berakatsi javanü pena jjünaevi nejja. Kaeto ata pitsa wirria naejava apo pa taenü Judá tomarata. ¹² Ira ewetsinü Salomón rajuta piajava Sabá tomarepijiva dajjita jjua arapowa jitsipa, dajjita jjüa arapowa wajükabiaba, to nakaituanatsi kaejavata tomara ewetsinü perajutsijawatsi bajara pakuenia arapawa navieta pepa piaja nakua jawabelia, yajava piajivi. ¹³ Ajjona jjaita pia rebe kuene oro pakuenia Salomón ba to patatsi kae wai kuenia raja seis cientos sesenta y seis (666) ¹⁴ pakuene beje veinti tres mil kilogramos (23,000) oro. Saikaya oro wekura, pekanajitsivi pejjainaivi kapata. Dajjita tomara ewetsivi Arabia tomara pepovi piaja nakua pijivi bajara pamonae ata ikani to kapatsi oro yajava palata Salomón. ¹⁵ Ira ewetsi Salomón itsi doscientos penayaranatsi java beje oro jawa anü. Seiscientos (600) ayai jabakuene oro, dajjita ya kobe kajüpaya. ¹⁶ Bajara ponü ata ejjana boo pa escudo beje oro java. Akueyabi kuenia pa orobeje jjaina kai escudota; tomara ewetsinü, to jeba piajaboo jjanetota wayafojo tutujuta Líbano javata. ¹⁷ Bajara jjuata tomara ewetsi ayai java jjaneto ejjna pe ekaijava petjijaijava, ya juma akata orota. ¹⁸ Ikani seis (6) jjuabeje pejunaijava pejunai nejja waja tujjanenü javabetsia, pe ekaijava pina ikani petoyoroto, bajara jjüa pina jjaina pemujjunene java pena majjü wüotsinejja, itsania pine pijinia jjaina najua newütjübeje. ¹⁹ Doce (12) pinapa newütjubeje nubene pejunai javata, kainü tsaponae seis (6) ponü beje kai pejunaijava. Ajibibaja itsa nakuajava matawüjua bajara pitsa pe ekaijava. ²⁰ Dajjita kopa peka apainü tomara ewetsinü Salomón pina wü orojava anü, dajjita peka apai kopa anü peje bi java Líbano unuta bajara jjüa anü ata pina wü orojavanü. Ajibi pina jibi Salomón pija matakabita. ²¹ Tomara ewetsinü mar meneta jjaina jeramonae, yajava piaja jeranü Hiram. Tres (3) pawaibeje kana kuijitsia bajara pamoanü kapatabiaba oro, plata, dajjita pesi kuene bajayatamü pijivi yajava bababüsitonü. ²² Bajara pakuenia, tomara ewetsinü Salomón rajuta dajjita tomara ewetsivi pejjainaijava, peyapütaejavakuene ²³ ata. Dajjita iranakua pijivi jaitabiaba Salomón jumetejema pejumetainejja peyapütaijava, ponüta Diosonü tsijamatabü ütjü kueikueijaitsi. ²⁴ Pamonae siwa jjainabiabatsi kaponabiaba, pejjania wajji platanü anü, oronü anünua, pejjatabijaua, yamajjü, yajava caballoanü, mulaanünüa, dajjita wai. ²⁵ Salomón ikanijjaina cuatro mil (4,000) caballo piaja boo bejeyajava yajava carruajes, doce mil (12,000) ponübeje, pamonae tsanatsi tomarajava itorobatsi Jerusalén. ²⁶ Dioso piaja tomara, dajjitta tomara ewetsi Eufrates mene java werena, piaja tomara filisteos imojjoyo Egipto. ²⁷ Tomara ewetsinü platabajjaina Jerusalén tomarata, pejania ibo jjaina piaja boo unüta. Ejjana peto ayaijaba nejjetsi cedro naenü be welia irata. ²⁸ Bajarapamonae kapata caballo Salomón nejja Egipto java werena, dajjita nakua wiria. ²⁹ Itse jume Salomón yabara, penamatajjainanü peyakopia rutsinü ¿Apo itane ruka Natán Diosoliwaisi paibinü piaja liwaisi, pejumeta Ahías silonitanü, petaya ejjainaijawatsi iddo, Jeroboam pejjünato Nabat? ³⁰ Salomón eweta Jerusalén Israel tomara bitso eweta cuarenta (40) pa waibeje. ³¹ Bajara ponü majita yajava berujivi, dajjita tomara pijivi mütjütatsi David pajja tomarajavata. Roboam, pejjünato, juya naijjana tomara pe ewetsinü, pekowüta.