¹ Ben Adad de Arampijinü, kaetuata dajjita wajabitsaü. Treinta y dos (32) pa waja bitsaü nüyobeje baja ra ponüta caballos carros yajawa. ² Baja ra ponü yakürta Samaria ba rü bia. Baja ra ponü piajiwi ito roba Acab piaja toma ra belia Israel piaja reynü jumaitsi: "Ben Adad jjüa jumaitsi. ³ Nija palata, nija oro jjanü tajawa. Pijnia, nija wajji, nejji, baja ra pamonae pe asiwa jawa, jjanü rabja tajawa. ⁴ Israel piaja rey jumepita: "Jjamü pakuenia jumaitsimü, taja tujjane nümü taja reynümü. Jjanü rajaba dajjit jjüayobeje jjainajü yajawa pitsianame. ⁵ Piajiwi ikatsia pa rena jumaitsitsi: "Ben Adad nejjata jumaitsi: kana jume ito robatsi ma jumai tsinü ne rajutsiame nija palata, oro, nijawajji nejji. ⁶ Baja ra jjüa kuijinae ito robianajü tajiwi me rawia, be pitsi horage, piaja kuata taikaena pekobeta nija boo we rena, niajiwi piaja boo we rena jjua pejjane panae jawanü". ⁷ Nejjata rey Israel pijinü junata dajjita pena mata kanübe naewi baja ra pai ra pijiwi jumai tsejebi: "Pejania kuenia, pa yakina re pakuenia ponü naka anae ejjanaaje. Baja ra ponü nenajume ito roba, neya küjür tsijitsia dajjita tajawa yobeje, tajji, palata, oro, jjanü jume apo janü. ⁸ "Dajjita ancianowi dajjita jiwi jumaitsi Acab jawabelia", pütsa jume kowünü tame, o jume kujunawame peka neko nitsijawa". ⁹ Baja ra, pakuenia jumaitsi Acab, Ben Adad piaja jiwi jawabelia: "Jumaitsi mü re taja tujjanenü jawabelia reynü jjanü jejanü jjüabeje nejajume ito robame jjanü jawabe rena, namata jjainaya pajume, jane baitsi kotokaewi pajume jume". Nejjata pejume kapona biabawitsi nawiaba nejame kapona Ben Adad jawabelia. ¹⁰ Nejjata, Ben Adad jume kanawiata Acab, ma jumaitsi: "Jima niti diosnüjji bitso, itsa nekopata abajjü ayi ipunama Samaria jawata pamonae tayajawa ponaewi kaenü kana kuijitsia kobena ponaena". ¹¹ Israel piaja rey jume kanawiata jumaitsi: "Jumaitsi mü re Ben Adad, jawabelia kaenü ata abajü apo natsia kübi weretsi jjanü baja we retajü ta isikaejawa be penaisi kaejawa". ¹² Ben Adad jjüa jumeta neje ma pajumeje abajjü itsa ba rü apa piaja reynüjji piaja boo jjiya, Ben Adad ito roba ma pa pebijiwi: "Pana kaetua re pana kujaruba re waja namajjü wanitsi nejja" ma pakueniaje naüjüba pakuenia tsimajjü ponajitsia, toma ra pijiwi we re retijitsia. ¹³ Baja ra jüa küijinae pataba profetanü Acab jawata, Israel piaja rey, jumaitsi petu jjanenü jumaitsi: '¿Taneme ma pajabitsaü bitsaütaje? Taema, jjanü katsi kobe kopa tsianatsi nekobea agena, yapütaename Dioso kuenenü" ¹⁴ Acab jume kanawiata: "¿Itsa ponüta? Dioso jume pita, jumaitsi: "Wajabitsaü pewü juawi nüjjita, peya ewetsiwi pito robiwi tsikiri toma rajji" ¹⁵ Baja ra jjüa kuijinae Acab jumaitsi: "¿Ipatsa kobe namata jjainata biana?" Dioso jume pita jjanü. Baja ra jjüa kuijinae kaetuata ü pewüjüawi wajabitsaü, peya ewetsi pito robiwi toma rajji. Baja ra pamonae pikani doscientos treinta y dos (232). Baja ra jjüa kuijinae Acab kaetuata wajabitsaü, dajjita Israel piaja wajabitsaü nüyobeje; siete mil (7000) ponübeje. ¹⁶ Kaniwiyo ponka. Ben Adad apae ponapona aitajibi tsapona ponae piaja boota, baja ra ponü piaja treinta y dos reye nüjju piaja jamatamü jüpaenü jjitsi. ¹⁷ Wajabitsaü pewü jüawi pey wennaewi toma ra ito robiwi kuiji ruu namata jjaina rüküpa. Nejjata, Ben Adad tsipaebatsi pena itajjüto kaewitsiwi baja ra ponü baja ra ponü pito robiwi "Samaria we rena kuijinae tane pebijiwi. ¹⁸ Ben Adad jumaitsi: "Jima jina wanapae ata o maka tsimajjü ponaeata, pa taika re paka pona remena". ¹⁹ Baja ra pakuenia pewüjüawi wajabitsaü peya weninaewi pito robiwi toma rajji pitsapa toma ra wekua nejjata wajabitsaü ba rapona. ²⁰ Kaenü kana kuijitsia piaja wajabitsaünü beya jjuaba arameos monae nejjata rüküpeka. Israel ba rapona. Ben Adad, Aram piaja rey najeta biji rawaa piaja caballota itsa caballo bitsaütota pepüta. ²¹ Nejjata, Israel piaja rey to tsekona piaja caballo, piaja carro yajawa, we reta arameos monae ayay kuenia. ²² Baja ra pakuijinae, Israel jawa be rena patajopa profetanü rey jawata jumaitsitsi pona re nakue ro kaeka re nasaü kaetua re, nejume taema de pakuenia meta itsinü tsane, tsipaji kae wai kuijinae, rey Aram pijinü katsimajjü ponaena ikatsia. ²³ Aram piaja rey piajiwi jumaitsitsi baja ra ponü jawabelia: "Nija dioso unü diosonü. Baja ra jjuajitsia bitso asaü wajjai wekua. Nejjata juya pajjanü pa ba rü nabenajü pejuma tsutota pena pebetsi jawata, pajjanü raenta jane pamoneya bianajü". ²⁴ Ma jjüa jamü ree: jume jai re reye monae; kapona re dajjita jiwi piaja comando wekua nuba re pito robiwi wajabitsaü ewetanu bejaetsia. ²⁵ Ikatsia matako re wajabitsaü be pitsi bitsaü najjüabame, caballo pa caballobeje carro pa carrobeje, ikatsia pata ru nabenajü pe napebetsi jawata. Baja rameta jane pa amoneya bianajü. Nejjata, Ben Adad jume kowünüta baja ra pakuenia pamonae jumaitsi. ²⁶ Pakuijinae tajjü jjuaba pejana wai Ben Adad kaetuata arameos monae ba rüpona Afec tsekonajitsia Israel monae. ²⁷ Dajjita Israel monae nubena eweta nubena piaja wajabitsaü pena ba rü natsekonae nejja. Israel monae pata baja ra pamonae jawata be anija cabra bitsiüto yobeje. Jane baitsi jane arameos monae yakaüjüpa baja ra pawayafo. ²⁸ Nejja Dioso pia jiwitonü kuijitatsi ba rü kuikui jaitsi rey jumaitsitsi: 'Petujjanü jumaitsi: tsipaji arameos monae jumaitsi petujjanü unü piji diosnü, itsiata baja ra pawajabitsaü katsikobe kopatsia nasti, mataponia jjamü yapü taename Diosonü kuenenü." ²⁹ Pa kuijnae, wajabitsaü patakaejiwi kana kuijtia nataena bena siete (7) pa mata kabije. Baja ra (7) mata kabita tajjü jjuaba pena tsekonaejawa beje. Israel piajiwi beyajjüaba (100.000) cien mil ponü beje arameos pijiwi kae matakabi. ³⁰ Itsa bitsaüto rükü peka Afec jawabelia, toma ra tutujuta, veintisiete mil ponü beje tsimata jotapaikatsipenaya ka rante kaejawa apo pena ponaewi. Ben Adad pane pata biji rawa toma ra tutuajü jabwabelia, namata yaba kae kuarto kana kujitsia. ³¹ Ben Adad piajiwi jumaitsitsi: "Abajjü pane pane jume taema pona jumetaniji Israel piaja reyemonae pitajjüto tsoniataewi. Pane jjata bia ejjana re penojjo jai jawanü panamata kübena ponae najü yajawa, pa kajjitaja ra bijitsianü Israel piaja rey. Belia baja ra pakuenia apo kabeyjjuabi. ³² Nejjata, nejjataba piayo jawanü naepa küba namata kübiaya pona rey jawabelia jumaitsena ponae: "Nito robinü Ben Adad jumaitsi: putsa nebeyajjüaba. Acab jumaitsi ¿Baja ra ponü kaejena abajjü apo tüpa? Taja monaenü raja. ³³ Juya baja ra pamonae ewetanubena pe je jaijawa Acav, ponapona kaejena jai juya baja ra pamonae, "jaja'a nija monaenü abajjü asaü". Nejjta Acab, jumaitsi: "Monaenü abajjü asaü". Ben Adab nejjata pata jopa baja ra ponü jawabe rena, Acab juae ejjaina piaja mo jawatsia. ³⁴ Ben Adad jumaitsi Acab jawabelia: "kato kanawia tsianatsi tajja patoma ra beje wekua pita ajja, jjamü komuak re pena bani jawa jjamü nejja Damasco jawabelia, pakuenia tajja itsi Samaria jawata. Acab jume pita: "Kakopatsiatsi ma pajumetaje". Nejata baja ra ponü jawabeli jume panepa baja ra pakuenia kopalia. ³⁵ Waja jume yeitaünü, profeta pejjünato jumaitsi penajua ponaponae nübeje, üprofetabeje petu jjanenü jume kowünta najjatsia nekonita jjüa re" jane baitsi baja ra ponü jume jai. ³⁶ Nejjata jumaitsi pewüna profetanüjawabelia penajua ponaponae nübeje jawabelia: "Itsa jjüa jitsia apo jume kowünü tsimü petujjanenü, pakuijinae newekuanatsa tsiname newütjü ka bella jjuabiana. "Pakuijinae wekua natsa tabaja newütjü kuijita ba renatsi beyajjüa batsi. ³⁷ Prfetanü ikatsia itsanü kajjitaja raba jumaitsi: "Nekonita jjua re" nejjata konita jjüaba titibiaba. ³⁸ Nejjata profetanü pona eweta nukaetsia calle jawata; baja ra ponü natajjuto küba. ³⁹ Pakuijinae rey nukapona. Profetanü wawajai rey jumaitsi baja ra ponü jawabelia, nija jiwitonü penabe jawawe rena pitsataba rena itsa wajabitsaünü nuka ponapona nekapona taja wajabitsaü jawabelia: "Jumaitsi ma ponü ya ewetanuka re. Itsa jawayo yaba ra, ajibi tsa rukae tsane, nejjata jjanÚ juy tüpaename baja ra ponü itsa panepae ejjanaename. O itsa jume matamo tsianame 3000 pamoneda beje palata nüjji. ⁴⁰ Jane baitsi nijja jiwitonü kobe enatsi lia welia baja ra jjua kuijine belia, waja wajabitsaünü najetabiji rawa. "Baja ra pakuijinae Israel piajarey jumaitsi baja ra ponü jawabelia: "Ma rajaba jjüa kajumaitsi kaitsi tsaneje, jjamü ra bajamaje jjüa jitsipameje. ⁴¹ Nejjata, profetanü ji rawapuna naitaba ra isikapeneta, nejjata Israel piaja rey itaba ra yapütame profetanü kuene. ⁴² Profetanü jumaitsi rey jawabelia: Diosnü jumitsi: 'Itsa jjüajitsia katsi kobe panepa baja ra ponü ta tiabinü petüpae nejja, jjamü nejjata tüpaename baja ra ponü pe panepaejjae nija jiwi ü pamonae nawe retsiana. ⁴³ Nejjata, Israel piaja reinü bitso jamatabü büajai anaepanaya, Samaria jawalia be patajo palia.