¹ Acab tsipaeba Jezabel dajjita Elías pe ejjanaejawa yajawa pakuenia werebiaba dajiita profetawi pija espadata. ² Nejjata Jezabel itoroba mensajeronü Elías jababelia, jumaitsi: "Pakuenia ne ejjanaena dioswi, aurajibia, itsa po ka ejjanaetsanetsi pakuenia ejjaname profetawi tüpaename merawia pa horaje. ³ Pakujinae ajarajjua Elías jumetane, najetabijirawa pe beyajjuabi yaniwatsi pona beerseba jawabelia; Judá iratalia, ajara jota puemeta peto nakuenebinütsi. ⁴ Ajaraponü pona dsiertojawa kae matakabi, rena ekojopa enebronae büjjüpanata. Jamatabü tüpa yajawa jumaitsi: "Jjanepana rabaja Dioso ne pire baja, tsipaji jjanü apo jjanepanaenü tajamone petüpaewi wekua". ⁵ Nejjata majitanuka enebronae bujjüpanata.Jemata angelnü jeyetatsi yajawa jumaitsitsi: "Nonotapunare jjaema". ⁶ Elías naukota, imojjoyo pe matabokoto jawata boka panbü pe sebibü iretota yajawa merabü. Nejjat nabane mera apa ikatsia boka. ⁷ Ikatsia Dioso pija Angelnü patajopa, jeyatatsi yajawa jumaitsitsi: "Nonotapunare jjaema, tsipaji bitso nakuenebianame jjamü". ⁸ Nonotapuna jjane, apo mera, pejjaejawa asauya ejjanatsi pona cuarenta (40) pa matakabibeje yajawa cuarenta (40) pa merawibeje Oreb jawabelia, Dioso pija unu. ⁹ Waju jawabelia pona ajara jota pona pona. Nejjata Dioso jumaitsitsi: "¿Elías itsajjua jaita ponaponame jotaje?". ¹⁰ Elías jumaitsi: "Bitso jamatabü bü janü Dioso yabara, ejército pija Diososü, tsipaji Israel tomara nakofünüba nitorobijawa kato bijinia nija altar jawanü, kato beyejeba espadata nija profetawi. Jjanükaenünü, nakopatajü ajara pamonae jjanü ata jamatabü nebeyajjuaba. ¹¹ Dioso jumaitsitsi: "Pitsapare petsuto jumata nukare netsita naitajüre". Nejjata Dioso ajarajjuayo najetaruka yajawa piasaü jowibo asaüya júababa nejjata iboto tojjtojjoka Dioso pitabüta, jane baitsi Dioso jowibota. Jowibo kujinae, ira jiarata, ajarajota Dioso apo najetarukae. ¹² Pe ira jiaratsikujinae naje taruka isoto, jane baitsi Dioso apo najetarukae ajarapa kotiata ikatsia ajarapa isoto kujinae pejume najetaruka. ¹³ Pakuijinae Elías jumetane ajara pajume, natabara akata pika panata pitsapalia, waju wüpata nukojopa. Nejjata ajara ponü jumetane pe jumaitsi jametsi: ¿Elías itsa jjua jaita ponaponame jotaje?" ¹⁴ Elías jumaitsi: "Bitso jamatabü bü janü Diosoyabara, ejército pija Diosonü, tsipaji Israel tomara nkofunuba nitorobijawa kato bijiana nija altar jawanü, kato beyejeba espadata nija profetwi. Jjanü kaenünü, nakopatajü ajara pamonae jjanü ata jamatabü nebeyajjuaba". ¹⁵ Nejjata Dioso jumaitsitsi: Kaewüalia, pakuijinae paremelia ungibianame Hazael reynünejja Aramjawata, ¹⁶ yajawa ungibianame Jehú Nimsi pejjunato reynünejja Israel jawata, pijinenia ungibianame Eliseo afat pejjunato Abel Mehola pijunü profeta nejja nekowüta. ¹⁷ Jehú pina beyajjuabiana pajiwi wekua panepaetaba Hazael pija espada, nejjata Eliseo beyajjuabiana wekua panepaeta Jehú pija espada. ¹⁸ Jjanünejja kopatsianajü siete mil (7.000) ponübeje Israel pijiwi, pematabakabüta apo pemwajükaewi Baal, jawabelia, pijinia apo tsutsubanutsi". ¹⁹ Nejjata Elías pitsapalia ajara jota kajjitajaraba Eliseo Safat pejjunato, doce (12) pa yuntatabeje bueynuanüta ajara ponü pitabünejewa, ajaraponü arabaponapona pena kopatsi yuntata. Elías lia ajara ponüjawabelia pija mantata juma akata. ²⁰ Eliseo nejjata kopabanuba bueynuanü, napona Elías peputa; ajaraponü jumaitsi: "We napüjiobajü tajja taena yajawa, ajarajjua kujinae kayapüna ponaenatsi". Nejjata Elías jumaitsi: "Liamüre najamatabüne pire jjua ka kujarubatsi". ²¹ Ajarapakuenia Eliseo kppata Elías ajara kujinaepita bueynuanü pija yunta beyejeba pija nüjji, ajara jjua kujinae pewi seta yuntanaenuta. Nejjata ajaraponü rajuta pija jiwi ajarapamonae pejjaenejja. Nonotapuna, Elías pepüta na pona peto nakuenebinejja.