¹ Eau vakara vagari soio tegiteu la mulugaluga tamutou,eau tai isasa la mulugaluga.Eau tai latalo isa eau pou eau ilo la tikumula ale karisito bolea.Eau pou kabili tela marasala te la Uru.Tela imamala ale Karisito ge beua. ² Mae moli eau vakara vagari soio tamutou la mulugaluga amutou ge vaibomuli tigi la sipsip tela uru.Vaikapopo mela tia ale tartigi mae lauru eia masagea ma amutou ge igo la igogolu ale mela gabutala tamutou, kama vaisapolo ge veia mutou. ³ U mala igo aururu eme tela mata la valulua me tavivile,a le amutou bomuli egiteu. ⁴ Mae la imamala tela talo la vaibomuli egiteu la sipsip ea ge sibitala,amutou ge sautola la mapa la mauli sosoula. ⁵ Mae moli,amuotu lavalua alaba ge vaibaisi amotou lotalo tegiteu ale aururu.Amutou tomi ge masaga la valalua me tavivile isa polo me ge suli egiteu lavula la Uru ea ge vagotalo egiteu la valalua ale vagoatata e gite,eage abia egiteu ale vagotaotalo egiteu lagilogo. ⁶ Mae moli,eme ge vaibaisi eme, tela matala Uru la Uru ea ge bolesae em tela imamala tetala. ⁷ Bole tomi la iliburukola tamutou soio tela Uru,lavula la Uru ea gogo eme. ⁸ Amutou pou mela raragila lavula lagima tamutou ea tuga vulovulo mae la laion,me ea pamulimuli la valalua vea ge bili egiteu. ⁹ Magiri vagari,sautola la tautaula ilo.Eme ge rovia mae,egiteu la valalua la tautaulailo tela magasa egiteu tai gabu la iligiligi ale vaisauru moli. ¹⁰ Agaviti amutou tai ge abi la tikukumula.Lauru tela gilogo tomi,ea tola amotou soio tela marasala me marokala oilo te Karisito,ea ge vaimaroka eme me vaivagari eme. ¹¹ Lauru ea sautola la vagagarila eia ge mauli sosou. ¹² Eau kekesi la vakarakara ale,veage vei matagaga amuotu mae silvanus ea isasa tabara gatou ale bomuli tao la igogolu.Eau vakara vagari ma veipala la igoigolu ale tartigi te silvanus tela imala ale eau kekesia a sesele. Amutou ge magiri tela vakarala ale. ¹³ La tavile loio babilon,ba laharo soio tegiteu.Mak tai ea latugu ea ba tai laharo tetala soio tamutou. ¹⁴ Veia giteu isasa tai laharo vaikapopo mela momogela oilo telauru. vaimalmalu te Iesu Karisito ge pou tamutou tomi.