¹ Mugangatalo Natavolo ingongo pagire rasasame ke ie larutamareme page nasau songan me naroro gegegia. ² Me knge naetnareme erekauranga Ie ingongo pagita gonke Ie Tuangata aua,se ie matetoue so itokore lavungata vunoinge.Page ie volem,Natavolo ipapote nagolta vunoinge ke natatano eko. ³ Ke ie Tua ipaunake navavanga einge ke Natavolo,pa ie tingtia iwai tamengata.Ie ikiskiskire navulnga vuno ke Ie langonga.Eimul page Ie ipakaure nagol ke nasagula,lapata iroun imateknge nasarara einge vagia otai. ⁴ Ie epasis ipot einge me gegia pagire ensel. ⁵ Page ensel seime Natavolo ivul,iom pa kupot kuwai namelamela me alavoko iau napot nauai tamam? ⁶ Lapata eimul Natavolo ikeve namelamela lautave kie imai iroun knge natatano eko,me ivul,iami ensel ke Natavolvo apakilala page ie taua. ⁷ Ie i keve nagonga eko pagire ensel vileko,"ie taua ikevire ensel tipot nanuni me larutametame tiwai naringa vavage." ⁸ Ie ivule Tua vileko,"Nasarara Larenren eio kiom Natavolo, igingin mot me ila."Nasarara Lavovo kiom ipon page nagol nalnge. ⁹ Iom kukime nagol nalnalnge me tinim siange page nagol siangesiange.Taiola Natavolo,am Tavolo,ie isauom page lavue ke natinigelgelnga einge ngata pagire waiem terenge pau. ¹⁰ Iange,mugalo iom tole natatano pua.Me heven eio ipot page iom vagem. ¹¹ Ire pa tikaura, me iom pa kugingin, ire pa timotmot tiwai namalo mugange. Me iom pa kulokire tiwai namei me kutilkire tiwai nalulunga.Meiom pa kumapul avo. Iom pa kugingin tintiavolem me amkauranga avo. ¹³ Pa Nasau tia Natavolo i vulre ensel ,"Iom kumate knge vagek otai palaso natolre iom amili timai kuruatare knge aem vulolua"? ¹⁴ Ge eio ire ensel sogan tikeve lourata, me terenge tigulore timai so tipaulore seime tikim so titoke natokomulengaga kire ?