¹ Na lomu ela God ile volun, kene imoloku it mo it vene i tuntunre. ² Na lomu estomo ne volun ke lomu lemial rorer na re kene, vene a Krais ile mial it ka i sun vet i sivena la won enrona vene Opa ke unana senuna ies a la God ne. ³ Naro lomu monta lemirum volun pasana vene toko ievo senena ivol naro ies tomo ne senrorerna, o monta volvolun pasana, naro volun ke i senu avele, naro volun ke i pasa selele kene, volun ke von lemirum vet sivenom kene. Volun aureke varo ioma toko na sen rorer na re varo ole pipelon i senu avele ne a toko na senre ke oro ole peralon a God nekene. ⁴ Na lomu monta palosa tokonare o-opo ne rurumon pasana o pipelon vululutnare, ole pipelon pasana auke ioma vene loplopon kene. Na volun aureken i senu avele. Ave senuna mos ve neke te sun senuna la ar God ne. ⁵ Ave lomu mire ne vene auke, toko i oma volun ve, ino tomo ne senrorerna omole, naro i oma volun pasana aureken, naro toko ke ilemirum i sivena vet, ini toko ke i panasal ile god apalteton, toko aureken varo eso a Krais na God ole rem senuna avele. ⁶ Na lomu monta lopolvulut toko ke iapaltet lomu ne pipelon vulutna, kene ne tepun auke varo God i lemi kinina ne toko aureke o lombol a God ile pipelon avele kene. ⁷ Naro vene auke ka lomu monta es luluna tomo ne toko vene aureke. ⁸ Na lomena lomu vol a pen videna, ave ponane auke lomu vol a pen malana tevina. Na lomu es ven naintiti pen malana re. ⁹ Pen malana i pavelpol volun senuna ven toko na sen o vol a pen malana la Jisas ne mo i pavelpol volun senuna na pipelon nuanana. ¹⁰ Na lomu tomborum mo lomu peleval pot utuna nuana auken Pomna i oopo omole ne kene. ¹¹ Na lomu monta tombak tomo ne tokona ke i oma volun i pasana la penvidena ka a mon avele kene i seni mos lomu palem pot volun pasana aureken. ¹² Na volun pasana aure ken lomu omai a penvidena ini utuna ke lel mara ne palem potna. ¹³ Na utuna vurvur na auke pen erana i ropoti a pen malana, isenu kene volun auke i no pot a pen malana. ¹⁴ Pen enrana i palem pot utuna vurvurna i no a pen malana. Kene pipelon auke i no ot, "toko von mita von nokokol. Mi met pot a Pombom mo Krais iena pen enrana i tup a vone." ¹⁵ Na ro lomu lopolal mos omu mimion auke mota ino vene toko ke i lemi rumna avele, ave lomu men vene toko ke i lemi rumna i senuna kene. ¹⁶ Na lomu lopolal mos lomu nan, pan toko nan auke i vus vulut. Ne nan vene auke volun pasana auke i vulal tevina. ¹⁷ Na lomu men vulvulut moion, ke Pomna i lemi ven ne uluna aureke lomu omai. ¹⁸ Na monta lom lin vain Pom pan toko loma sipak, kene i papasa tokonare. vene mimion i senuna ve lom volal tomo ne Onimimina. ¹⁹ Na ro lomu pasea ine voun rorer na buk rorer, na voo voun lotuona, voo voun ne Ioni Mimina, na ro omai voun auke ne i kei senuna la Pomna tomoi oopom la ine. ²⁰ Na lomu sun senuna ne utuna vurvur auken la ione a Pomna itun a Jisas Krais a God ar vovone. ²¹ Naro lomu kosu lomu onununa la rorer na reken volun senuna auken isun ion Pomna la krais ne. ²² Senre, lomu onunu a evomutomona ne vene lomu onunu a Pomna ne. ²³ Na lomu toko nare lomu anana ne senre, kene Krais i poena ne lotuon. ²⁴ Na lotuon auken ino onunu a evomutomona ne utuna vurvur na. ²⁵ Na lomu tokona re, lomu lemial mos evomu senenare, vene Krais i lemial lotuon na i sun iena mimion la ile lotuon ne. ²⁶ Krais i sun iena mimion vet a lelotuon mo inuana. ²⁷ Ira i omai ven auke mo lotuon auke ipavel pol senuna la ileki ne, na lotuon auke monta i mumuna i tuptup ne moion. ²⁸ Naro lomu tokona re lomu lemia evomu senena re vene lomu lemial numupeti vet kene. Toko ke i lemial senusenu ievo senena, i vet i lemial i sivena vet. ²⁹ Na toko omole i moion isivena i nipeti avele. ³⁰ Naro veneke, lomu vol omole a i ne kene. ³¹ "Naro tepun vene auke, ka toko omole i lole ia vovo na nina ka ies ka i vol tomo ne ievo senena, ka oii welpol ven oii omele." ³² Naro lomu toko vurvurna omole omole lomu lemial evomu senena re vet, ven i sivena i lemial i sivena vet, naro vene sen von vol onunu a evomutomona ne. ³³ Veneke, lomu omole lomu lemial ovomu senene vene lomu lemial lomu vet, na lumu evonare lomu onunu a evomu rene.