¹ La tepun auke ,lo a Pol, lo vol a Jisas Krais ile lok lemi na lomu rorer na nare. ² Ave lomu lombol vet Pomna i sun vet main mo i panene ile lemialon la lomu ne. ³ Lo vet lo ria lomu ne pipelon ne rion ke Pomna i palalapoti a it ne. Auken pipelon nuanana inogino, na lo ripoti alumnati alomu ne. ⁴ Tave lomu tital rion auke, varo lomu lalepot ne ok lemirumon sivena la Krais ile pipelon nuanana. ⁵ La nan lomena auko, Pomna i palalapot ne pipelon nuana auke la toko na senre avele. Ave ponane auke, Pomna Ioni Mimina ioma pipelon auke velpol anana la ine toko pakeonare, na pakeke re Pomna i ateal or mo oma omain auken. ⁶ Pipelon auken i nogino auke i vene, toko na sen rorer nare ole pipelon senuna i vunanrum tomo vene Juda re. Ovol vene onipeti omole kene la Krais ne, la Krais ilemi la Pomna ile pipelon nuana. ⁷ Kene auke lo ini wain omaina la Pomna ile pipelon senuna, naro auke vene ini sunon ke ies a pomna ne me. Auke pipelon iritop ne isun tomoi ne ile virina. ⁸ Lo paisu sivene a Pomna ile toko omaina re, ave Pomna ile lemialon, kene auke omain a it ne. Iripot pipelon senuna inongino la Kais ne. ⁹ Kene auke loripot pipelon i malan pot a Pomna ilemirumna la puluarene. Pomna i pavelpol ur vurvurna inongino i velpol pot. ¹⁰ Na lemi rumna auke i malan pot la lotuon varo puluare o vena titalon naro Angelo motu nare la Heven vena punona la Pomna ilemi rumna. ¹¹ Pomna auke ilemi rumna i motu lomena ne ur i velpol la Krais Jisas ar Pomna ne. ¹² Kene, ne Krais te mit motu na te meip avele, kene lel peralon ino a Krais ne. ¹³ Kene auke lo ini lomu monta memial, ne sisison auke lomu na koli, kene lomu pasea iomu vet. ¹⁴ Pomna ioma volun auken a lomu ne ka ne tepun auke evek toru la Pomna ne ar vovo. ¹⁵ Ini tevina isun ioni la vonenrona la Heven la ople auke. ¹⁶ Lo non vene, Pomna i ateal i ur puluana ne isuni vene mo i pawal iopo le virina la Pomna ioni mimina mo i motuna. ¹⁷ Lo non vene, lo peral la lomu ne Krais ivol a opomu ne mo lomu mitmotu vene ve la won i modun motu a ople mo won i mitmotu. ¹⁸ Kene lomu iena leviri na mo won lala ne Pomna ile peralon a puluarene. Na volun Krais i lemial rorernare, i lolona, anana, naro ies u. ¹⁹ Na lo non elaon veneke lomu lala ne Krais auken ile lemi rumna it ne. Naro lomu vulal tomo ne Pomna iena volun senuna. ²⁰ Na Pomna, ile punona oma ur vurvurna anana kene te lemi rumi na inin ne, auke panes levirion iomai a opor omole omole. ²¹ Kene auke naro puluare ole lotuon varo i paisa ia Pomna ion la ion Krais Jisas ne nan elo, eloelona.